Lûu 2:4 - Ŋ̀âla Kɔlɔ Maa Waai

⁴ Zosɛ máŋ e kùla Nâzarɛ Galalii-lɔii su, e li Deeƃé ŋɔtaai su da dòli a Bɛpeleɣɛ̃ɛ, Zuda-lɔii sui, kpɛ́ni fêi, è kɛ̀ a Deeƃé ŋɔpɛ́rɛi-mu-nuu da, gɛ ƃo ŋɔnɔ a ŋɔkáayɔɔ da,

Lûu 2:4 ပူးပေါင်းရင်းမြစ်များ

Zɛnɛse 35:19

Tãi Leesɛ è sàa lai, dí nòo Ɛfata perei mâ, ƃɛ́i da nàa tòli nâa a Bɛpeleɣɛ̃ɛ.

Zɛnɛse 48:7

Kpɛ́ni fêi, tãi ŋá kùla la Mɛsopotemiai, Leesɛ è sàa ńyêei berei su a lii-soli pere Keena lɔii su tãi kúfe niî kɛ̀ seri ní la Ɛfatai. Ŋá nòo naa berei ma ƃà kɛ̀ pâi Ɛfatai (zu-kulai ƃa Bɛpeleɣɛ̃ɛ).”

Maka 5:2

Yâwɛɛ è mò ǹyɛɛi, “Óo Bɛpeleɣɛ̃ɛ Ɛfata, yáai Ifiraŋ lɔii-kpiniŋ sui, íkaa a daa kuro-tei dɔnɔ Zuda taa-ŋai sáma, kɛ́lɛ ǹaa ƃé ǹúu-ŋuŋ túɛ-nuui a pâi kulâi naa Eezuɛ mɛni ma nyii ŋɔnûa pɔlɔ-ŋai dísuu kɔ́ɔ a wɔ́lɔ pìlaŋ kpɔ́ a tãi su kôyaai.”

Maafîu 1:20

Kɛ́lɛ, tãi è kɛ̀ gíli ŋá siâi la é pîlaŋ m̀ɛni-ŋai ŋí diai, Kúnuu-namui ŋɔkélai dɔnɔ è pà bɔ́ nyiî-pere, ǹyɛɛ mai, “Deeƃé ǹóŋ Zosɛ, ífe yào Mere siɣe mɛ̂ni ma, nyii gáa a ínɛnîi, kpɛ́ni fêi, gooi gáa mai, M̀ɔlêŋ Maa Waai ƃé gɛ̀ é kɛ́ mà.

Maafîu 2:23

Ǹiɛɛ̂i, è sèe taa kɛ́tɛ tɔnɔ su da kɛ̂ ma Nâzarɛ, a gɛɛ mɛnii Ɣâla ŋɔlóno-kɛ-ƃelai dí mòi ŋa-see é kɛ́, “Da pâi dólîi a Nâzarɛ-nuu.”

Lûu 2:3

Nya ƃe, ǹûai kélee dí lì díkpɔɔ̂i taa-ŋai su tɛi-tɛi a gɛɛ dí dílaa siɣe.

Lûu 2:5

a gɛɛ dí dílaa siɣe da Mere nyii dí ǹáa sèe kɛ̀ mà a gɛɛ e kɛ́ a ŋɔnɛnîi, nyii gôo e kɛ̀ mai.

Lûu 4:16

Nya ƃe e pà Nâzarɛ ƃɛi dí wɔ́lɔ ŋ̀á kɔ̀ŋ naai. Yɛ̂ɛ berei e kâa gɛ̀ lai, e lì Ŋ̀âla-fɛli-kerei mu a Vii-tɔɔ-ɣelei. E m̀u sìɣe e tɔɔ a gɛɛ e kɔlɔ lono.

Zɔ̂ŋ 1:46

Natɛnia ǹyɛɛ má, “Sɛŋ lɛ́lɛɛ da a pɔ̂ri kulâi Nâzarɛ?” Fele ǹyɛɛ ma, “Pá í gáa.”

Zɔ̂ŋ 7:42

Kɛrɛ̂e? Ŋ̀âla-kɔlɔi e mò a gɛɛ Kôrai a pâi kulâi Deeƃé ŋɔsii su, é kúla Bɛpeleɣɛ̃ɛ, daai nyii Deeƃé e kɛ̀ naai?”

Lûfi 1:19

Nya ƃe dífeerɛ dí lì Bɛpeleɣɛ̃ɛ. Dí seriɛɛi naai, daai su-ƃelai kélee díkɛ̀ wúlee a dímaa mɛni. Ǹɛyâai dí mò dîyɛɛi, “Naomi nɔ́ ƃe ŋí?”

Lûfi 2:4

Ɣele tɔnɔ da Boa è kùla Bɛpeleɣɛ̃ɛ é pá ŋɔkpâlaŋ ŋá ǹyɛɛ ŋɔtíi kɛ́-ƃelai dîai, “Kúnuu-namui é kɛ́ kákɔlɛ.” Dîyɛɛ m̀ai, “É lûwa láa yâ máŋ.”

Lûfi 4:11

Nya ƃe diai kélee kɛ̀ góraŋ la da ǹúu pɔlɔ-ŋai dí mò dîyɛɛi, “Kúkaa a ísêre-ŋa. Ǹɛnîi pâi ípɛrɛi mui, tɔɔ Yâwɛɛ é gɛ́ yɛ̂ɛ Leesɛ da Liɛ nyíi-ŋai nîa-pɛlɛɛ támaa maa sɔlɔ ƃò Eezuɛ mi ŋɔpɛ́rɛi láa é fɛ́ɛi. Tɔɔ í Ƃûu ƃó Ɛfata kolii su ílaa é lɛ́ɛ Bɛpeleɣɛ̃ɛ.

Lûfi 4:17

Naa kɔlɛ-ma nɛyãai dí ǹôloŋ láa sèe a Obɛɛ dîyɛɛi, “Naomi a lóŋ-surɔŋ maa sɔlɔ ƃó.” Obɛɛ è kɛ̀ a Zɛse nyíi kɛ̀ a Deeƃé ǹâŋ ŋɔnàŋ.

Samia Maa-ŋuŋ 16:1

Malôŋ è tòo Yâwɛɛ ma a gɛ́ɛ è Sɔ̂ɔ sìɣe a kâloŋ Eezuɛ mɛni ma. Ɣele tɔnɔ ta è mò ǹyɛɛ, “Samia, ŋaâ nâa ńyee kúla Sɔ̂ɔ mu. Fé fáa ní ma a gɛ́ɛ é kɛ́ ŋɔ́nɔ a kâloŋ. Ífe ŋɔ́nɔ m̀alôŋ sèe. Ye wúlɔ pú sɛŋ-folo loŋ su í lí í naloŋ tɔnɔ naa káa nyíi da dòli a Zɛsei. Zeɛ́ɛ káa Bɛpeleɣɛ̃ɛ. Ŋaâ ǹóŋ dɔnɔ siɣe zu a gɛ́ɛ é kɛ́ a ŋákâloŋ.”

Samia Maa-ŋuŋ 16:4

Samia è lì Bɛpeleɣɛ̃ɛ yɛ̂ɛ berei Yâwɛɛ è mò la ma é gɛi. Daai láa túɛ-ƃelai dí lì berei tɔɔ̂i. Kɛ́lɛ dí kɛ̀ yaôi. Dí m̀arê kɛ̀ dîyɛɛ m̀ai, “Laoi-laa naa kâa ƃe kpaa lé?”

Samia Maa-ŋuŋ 17:12

Zɛse nyíi kɛ̀ a Deeƃé ǹâŋ è naa kɛ̀ a ziɛ-pɔlɔi. Ǹalôŋ ŋí è kɛ̀ a Ɛfata ŋɔnuu suui su nuu da. È kɛ̀ Bɛpeleɣɛ̃ɛ, Zuda lɔii su. Zɛse ǹônii-sinaai dí kɛ̀ lɔ́ɔlu mɛi saaƃa:

Samia Maa-ŋuŋ 17:58

Sɔ̂ɔ ǹyɛɛ m̀ai, “Gbɛ̂ɛ ǹóŋ ƃa yá?” Deeƃé è ŋ̀óo su tòo ǹyɛɛ m̀ai “Ńâŋ ƃa Zɛse. Gáa a íyee mu-nuui dɔnɔ. Bɔ́-taai ƃa Bɛpeleɣɛ̃ɛ.”

Samia Maa-ŋuŋ 20:6

À kɛ̀ Sɔ̂ɔ a ḿaa marê kɛ̀ɛ kɛ̀, m̀ó ma, ‘Deeƃé è ḿarê kɛ̀ a gɛ́ɛ é lí bɔ́-taai Bɛpeleɣɛ̃ɛ a gɛ́ɛ da ŋɔnûai dí sâla kula gîe ma yɛ̂ɛ berei da wɔ́lɔ gɛ̀ la a kóraŋ kéleei.’