Lûu 17:2 - Ŋ̀âla Kɔlɔ Maa Waai

² Maa eêi pɔ̂ri kɛ̂i a nɛ̃ɛ à kɛ̀ kɔni kɛ́tɛ eêi kɛ̀ sɛlɛnii gɔŋ ma dí bili yuo su, é tɛ́ɛ la máŋ a gɛɛ e nîa-pɛlɛɛi ŋi dɔnɔ kɛ́ e karêŋ.

Lûu 17:2 ပူးပေါင်းရင်းမြစ်များ

Azaya 40:11

A pâi ŋɔƃála-ŋai ŋá kɔnîi yɛ̂ɛ ƃála mɛi káa-nuu. A pâi ŋɔƃála lônii ŋá tɛ́i gîe m̀a ǹyée-tɔ̃ɔi, é lí a dîa. A pâi tɔ̂ɔi dílee-ni túɛ é lí a dia a gɔlɔ-saá m̀a.

Zɛkɛrâya 13:7

Yâwɛɛ Ŋ̀wála-wâla kélee Ɣalai è mò ǹyɛɛi, “Óo ƃóa-sɔ̂kpɔ, ímu siɣe í tɔ́ɔ ŋáƃala-mɛni-kaa-nuui ma da núui ma gáa tɔɔ̂ni ŋ́gɔlɛi. Pɛ́lɛ m̀ála-mɛi-kaa-nuui ma a gɛɛ m̀ála-ŋai dítaa-tâa. Ŋá pâi ńyee kulâi diai mu dí fíi kpɛɛ̂i.”

Maafîu 17:27

Kɛ́lɛ, a gɛɛ káfe díkɛ dílii é ŋwána, lí í kpawɔ tóo ǹyái su. Nyɛ̃ɛi ya pâi gulâi a maa-ŋuŋ, ǹá táa, ya pâi sɛŋ-kao kole kâai ǹá. Gula í dɛɛ ǹûai pɔ́ kwa yá kúmɛni ma.”

Maafîu 18:10

“Ka gáa a gɛɛ káfe káŋɛi naɣîŋ ǹîa-pɛlɛɛi ŋí dɔnɔ kpîŋ mɛi. Kpɛ́ni fêi, ŋá m̀ó kâa, Díɣâla-taa kela-ŋai díkaa Ɣâla-taai, da Ŋáɣâla-taa Naŋ kâa nɔ a ɣele kélee. [

Maafîu 18:14

Bere nɔ́ ƃé máŋ Káɣâla-taa Naŋ fé ŋ̀wɛli ni la a gɛɛ ǹîa-pɛlɛɛi ŋí dɔnɔ kpîŋ é sáa.

Maafîu 26:24

Gáa a sɛŋ núu-kpune Ǹóŋ é lí yɛ̂ɛ berei máŋ bɔ̃yɛɛ̂i la é pîlaŋ mai, kɛ́lɛ, kpalo ƃélaâi ǹúui ma, nyii pâi kulâi bôlui! Eêi pɔ̂ri kɛ̂i a ǹɛ́lɛɛ m̀ɛni ma a gɛɛ dífe maa sɔlɔ ƃô.”

Mâki 9:42

“Núu da à gɛ ǹîa-pɛlɛɛi ŋí dɔnɔ, nyii a lâa a ńyãai, é sɔnyɔ̂ŋ kɛ́, m̀aa nɛ̃ɛ̂i dí kɔni kɛ́tɛ ɣiri m̀aa ǹúui kpîŋ kɔŋ ma dí bili yúo su.

Zɔ̂ŋ 21:15

Tãi dí kpɛ̀ɛ la dílaa miî, Zîsɛ è mò Samaŋ Pitɛ ma, ǹyɛɛi, “Samaŋ, Zɔ̂ŋ ǹóŋ, í ŋ́wɛli ni é tɛ́ɛ nyiŋi-ŋai ŋi dîa?” È mò ma, ǹyɛɛi, “Ooei, Ŋánuu-namui. Í gɔ́lɔŋ a gɛɛ ŋá íwɛli ni.”

Kɔleŋtiɛŋ Maa-ŋuŋ 9:15

Kɛ́lɛ, fe niî zãâi ŋí da sɔlɔ ƃó ni nyíi-ŋai gáa a sɛŋ fɛ̂ɛ ŋa da sɔlɔ ƃôi, kpaa máŋ fe kɔlɔ pɔ̃yɛ̂i a gɛ́ɛ ŋa sɛŋ da sɔlɔ ƃo yɛ̂ɛ zãâi ŋí. Kpɛ́ni fêi, maa nɛɛ̂i ŋá sáa e tɛɛ la núu kɛ́ɛ ma e ŋáyoŋka téɛɛi maa-sapoi kula ńyêei.

Kɔleŋtiɛŋ Maa-ŋuŋ 9:22

A kɛ̀ a vii kpɛɛ-ƃelai, ŋá ŋ́gbîŋ kɛ̀ a fii kpɛɛ-nuu a gɛ́ɛ ŋa vii kpɛɛ-ƃelai líi pene. Ŋa ŋ́gbîŋ kɛ́ a sɛŋ kélee núu kélee mɛni ma a gɛ́ɛ ŋá kɔ́ pere-sii kélee su ŋá ǹúui da-ni ƃálo.