Lûu 17:1 - Ŋ̀âla Kɔlɔ Maa Waai

¹ Nya ƃe e mò ŋɔpôlu-ƃelai dîa, ǹyɛɛi, “Va wɔ́lɔ pɔ̂ri kɛ̂i a gɛɛ su-kɔɔŋ fé pa; kɛ́lɛ, kpalo ƃélaâi ǹúui ma a pa lai!

Lûu 17:1 ပူးပေါင်းရင်းမြစ်များ

Maafîu 16:23

Nya ƃe è tìnaŋ Pitɛ pɔ-pere, ǹyɛɛ mai, “Sêtɔŋ, síɣe ŋ́gɔlɛ! Íkaa ḿbilîi ƃáre ŋá. Kpɛ́ni fêi, Ɣâla ŋɔmɛni fé íkili ŋá, fɛ̂ɛ núu ŋɔmɛni.”

Maafîu 18:7

Kpalo ƃélaâi ŋ̀éniɛi su-ƃelai dîa yee-laa-maa mɛni ma! Gáa a sɛŋ fɛ̂ɛ yee-laa-maa é pá, kɛ́lɛ, kpalo ƃélaâi ǹúui ma a pâ a nyee-laa-maai!

Lûu 16:31

È mò m̀a, ǹyɛɛi, ‘À kɛ̀ dífa Mose da Ɣâla ŋɔlóno-kɛ-ƃelai wóo siɣe, dífe pâi máŋ mɛni siɣêi a tɔ̃yâ à kɛ̀ núu da à m̀u sìɣe saa yêei.’ ”

Lomaŋ 14:13

Gɛ̀ ní, kúfe ŋɔ́nɔ kúkîe-ni dímɛni ŋá tèe. Kɛ́lɛ, maa nɛ̃ɛ̂i kú gbɛtɛ kúkili ŋá a gɛ́ɛ kúfe wɔ́lɔ kúƃarâŋ-nuu perêi kpàaŋ a su-kɔɔŋ, kpaa máŋ kú gbera.

Lomaŋ 16:17

Ŋa kákpera fêi, ŋánûa, a gɛ́ɛ ka kámɛi káa a diai da pâ a ŋa-kɔlɛ-mɛni da mɛni-kpanaŋ nyɔ́mɔɔ-ŋa, nyíi-ŋai dítɔɔ̂i zɛŋ-lɛɛi ma ka zɔlɔ ƃôi; ka yao dîa.

Kɔleŋtiɛŋ Maa-ŋuŋ 10:32

Káfe Zûu-ŋai líi soli, kpaa máŋ Gurii-ŋai, kpaa máŋ Ɣâla-toli-kpɔŋ,

Kɔleŋtiɛŋ Maa-ŋuŋ 11:19

kpɛ́ni fêi, fɛ̂ɛ nɔ́ ŋaa-kɔlɛ é kɛ́ káloai a gɛ́ɛ diai díkaa a dɔ̃yâ-ƃelai dí díkɔlɔŋ.

Kɔleŋtiɛŋ Maa-ŋuŋ 8:13

Mɛni ma à kɛ̀ mii-sɛŋ à gɛ̀ ḿarâŋ-nuui e tóo, gɛ̀ ní fé pâi sua miî, tãi da fa la ḿarâŋ-nuui kɛ́ la é tóo.

Temete Maa-ŋuŋ 4:1

Mɔlêŋ a mò a zu ponoɔ a gɛ́ɛ tãi da káa pâi núu da-ni da pâi díyee kulâi naa-lai su dí díwoli tɔ́ɔ nuu-pɛlɛ mɔlêŋ-ŋa dîa da nyînaŋ nyɔ́mɔɔ-ŋa dísɛŋ-lɛɛ,

M̀ɛni-lɛɛi 2:14

Kɛ́lɛ, mɛni da-ni káa naa ńdɔɔ̂i la yâ. Maa mɛni-ŋai ƃa núu da-ni káa naa íyeêi nyíi-ŋai da Bâlaŋ ŋɔsɛŋ-lɛɛi sòŋ a gbanaŋɔɔ̂i, nyíi sɛŋ lɛ̂ Bâla ma a gɛɛ é Eezuɛ ǹônii perêi kpáaŋ a gɛɛ dí mii-sɛŋ mii da gùla a sâla ŋ̀âla-pɔkɔɔŋ-ŋai diai, dí wulu-wulu-kɛ́ɛ maa kɔ̂ri.

M̀ɛni-lɛɛi 2:20

Kɛ́lɛ, ńdɔɔ̂i yâ nyíŋi mɛni ma, a gɛɛ í nɛnîi Zɛsebɛɛ lɛ̀ɛ naa, nyíi a gbîŋ tòli a Ɣâla ŋɔlóno-kɛ-nuu, gɛ̀ sɛŋ lɛ́ ńyee-mu-ƃelai dîa, gɛ̀ dílii kula a gɛɛ dí wulu-wulu-kɛɛ maa kɔ̂ri dí mii-sɛŋ mii nyíi da gùla a sâla ɣâla-pɔkɔɔŋ-ŋa diai.