Lûu 15:4 - Ŋ̀âla Kɔlɔ Maa Waai

⁴ ǹyɛɛi, “Gbɛ̂ɛ ƃe kásama nyii ƃála ŋuŋ tɔnɔ à kɛ̀ ǹyêei, dɔnɔ é láŋ zu, va buu lɔ́ɔlu mɛi náaŋ kao lɔ́ɔlu mɛi náaŋ ŋí lɛ̀ɛ kwaa ta ma, é lí ǹáŋɔɔ̂i kɔ́rîi é lɛ́ɛ zu é gaai?

Lûu 15:4 ပူးပေါင်းရင်းမြစ်များ

Wule-woo-ŋa 119:176

Ŋa kɛ̀ nɔ́ sia-siai yɛ̂ɛ ƃála a làŋ. M̀ɛni ma, í ńyãai ŋ́gaa a íyee-mu nuui ŋ́gɔ̂ri, kpɛ́ni fêi ḿve tá ńyee kula ní ítɔ̂ŋ-ŋai mu.

Azaya 53:6

Kúkelee kú kɛ̀ nɔ́ yɛ̂ɛ ƃála láŋɔɔ-ŋa. Kú kɛ̀ nɔ́ liî kúkpîŋ ŋuŋ ma. Kɛ́lɛ m̀ɛni kula maai kɛ̀ kúmɛni mai, Yâwɛɛ è gélee pù ŋ̀ûa. Kúa ƃé m̀aa nɛ̃ɛ̂i kɛ̀ kú m̀ɛni kula maai ŋí sɔlɔ ƃó.

Zɛlemaya 33:13

M̀ala mɛi-kaa-ƃelai da pâi ŋɔ́nɔ kɛ̂i díƃala-ŋai lônoi daa-ŋai su ǹyée lɔii su, ǹyée kwára-pere kpiniŋ-ŋai su, Bɛŋsima ŋɔlɔii kpîniŋ su da nyíi-ŋai Zuda lɔii kwára-pere kpiniŋ su nyíi-ŋai dítinaŋɔ̂ɔi Zerusâlɛŋ ma da Zuda taa-ŋai kélee. Ńyãa Yâwɛɛ ƃé mò tí.”

Zɛlemaya 50:6

“Ŋánûai díkaa yɛ̂ɛ ƃála-ŋa ƃé dímɛi káa-ƃela da dí lɛ́ɛ naa da láŋ ǹyéei tôŋ su. Da kɛ́ nɔ́ siâi dí kɛ́ kùla ǹyée kɛ́tɛi dɔnɔ ma dí kɛ́ lì gbéli ma. Da nia dípɔ-taai perei ma.

Izikiɛ 34:16

“Ŋa pâi ŋáƃala láŋɔɔ-ŋai kɔ̂rii, ŋá pá a dia pôlu. Diai díkɔ̃liŋɔɔi, ŋa pâi díkɔɔ ma ɣirîi. Diai dífii kpɛɛ̂i, ŋa pâi kpɔŋ mâa tɛɛ̂i dí pɔ́. Nyii-ŋai díkpaya-kpayai da nyii-ŋai díwala-walaai, ŋa pâi dímɛi kâai. Ŋa pâi dímɛi kâai teniŋ ƃô-laa su.

Izikiɛ 34:31

Ká káa a ŋánûa, ńyaŋ ŋ́gɛ ƃò a Káɣâla. Ńyãai a Ŋ̀wála-wâla kélee Yâwɛɛi Ńyãa ƃé mò tí.”

Izikiɛ 34:4

Diai dífii kpɛɛ̂i, káfa kpɔŋ mâa tɛ̀ɛ dípɔ. Nyii-ŋai kɔ̂lɛi káfa sále tɛ̀ɛ dí pɔ. Nyii-ŋai díkɔ̃liŋɔɔi káfa díkɔɔ ma ɣiri. Diai da pûi, káfa díkɔ̀ri ká pá a dîa pôlu. Diai da lâɣiŋ, káfa díkɔ̀ri é lɛ́ɛ lá zu ká díkaa. À kɛ̀ tí, kákɛ dísòŋ a nyɔ́mɔɔ.

Izikiɛ 34:8

Tãi nɔ́ ŋ́gaa la a Ŋ̀wála-wâla kélee Yâwɛɛi, ka káwoli tɔɔ ḿâ. Lɔɔ-fɛnɛ-sãa da ŋáƃala-ŋai sôŋ díkɛ gɛ̀ a dí kɔ̃́nɔŋ, ƃála mɛi-kaa-núu da fé naa é dímɛi káa. Ƃála mɛi-kaa-nuu da fé naa é díkɔri. M̀ala-mɛi káa-ƃelai da díkpîŋ kɔ̃́nɔŋ kɔ̀ri, kɛ́lɛ dífe kpáaŋ ní m̀ala-ŋai mɛ̂ni ma.

Maafîu 12:11

Nya ƃe è mò dîa, ǹyɛɛi, “Gbɛ̂ɛ ƃe kásama, à kɛ̀ ƃála tɔnɔ káa ǹyêei à tòo lôai a Vii-tɔɔ-ɣelei, va zoŋ é gula naai?

Lûu 13:15

Gɛ́ɛ tíi, Kúnuu-namui e zu tòo, ǹyɛɛi, “Kákîri-ƃelai! Kákelee káfe kániŋa-sîrɛ kpaa káwɛlɛ-sôoi fuloŋ ŋìri-wuruii ma a Vii-tɔɔ-ɣelei, ká lí la yá la gbele-mɛni ma?

Lûu 15:3

Nya ƃe e záŋ ŋi sɔ̀ɔ dîɛ,

Lûu 19:10

Kpɛ́ni fêi, núu-kpune Ǹóŋ e pà a gɛɛ e díkɔ̂ri, e díƃalo, diai kɛ̀ a dílaŋɔɔ̂i.”

Lomaŋ 2:1

M̀ɛni ma, yái íkaa a núu-kpunei, káfalo da kélee fé íyeêi núu da kpɛ́ni ŋɔmɛni ŋá tée mɛni ma, a nɛ̃ɛ ma kpîŋ íkɛ a gbɛ̂ɛ. Yà kɛ̀ núu da kpɛni ŋɔmɛnii ŋa teêi íkaa mɛni lɛɛ̂i íkpîŋ yâ, kpɛ́ni fêi, yái íkaa a mɛni ŋá-tee-nuui íkaa mɛni tɔnɔi tí kɛ̂i.

Pitɛ Maa-ŋuŋ 2:25

Kpɛ́ni fêi, ká kɛ̀ yɛ̂ɛ ƃála-ŋa nyíi-ŋai kɛ̀ pâi lánîi, kɛ́lɛ, ka nâa pá pôlu M̀ála mɛi-kaa-nuui pɔ, ǹúui a kámɔlêŋ mɛi kâai.