Lûu 11:9 - Ŋ̀âla Kɔlɔ Maa Waai

⁹ Ǹyaŋ ŋá m̀ó kâa, ka fɛli kɛ́, gɛ̀ ní, a pâi tɛɛ̂i kápɔ; ka gɔ́ri, gɛ̀ ní, ka pâi gáâi; ka gbôŋ tua, gɛ̀ ní, ǹá a pâi ƃôi kâa.

Lûu 11:9 ပူးပေါင်းရင်းမြစ်များ

Wule-woo-ŋa 118:5

Ŋá kɛ̂ mɛni kpɔ̂lu su, ŋá Yâwɛɛ tóli. È ŋ́oo mɛ̀ni, é ŋ́uŋ ma ƃó.

Wule-woo-ŋa 27:4

Ŋa Yâwɛɛ marê kɛ̂i mɛni tɔ̂nɔ mɛni ma. M̀ɛni tɔ̂nɔi kpɔ́ nɔ́ ŋa ŋ̀wɛ̂lii lai ǹyaa ƃa, ŋá kɛ́ nɔ́ Yâwɛɛ ŋɔpɛ́rɛi mu a tãi nɔ́ ŋ́gaa la ɣele mai, ŋ́gɛ ƃò naa ŋ́gɛ ŋɔsɔŋ lɛ̂lɛi kâa, ŋ́gɛ vɛ̀li.

Wule-woo-ŋa 27:8

Tãi í m̀o la ńyɛ̂ɛi, “Pá í ḿvɛlîi,” ŋá íwoo su tòo ńyɛ̂ɛi, “Yâwɛɛ ŋa pâi pâi.

Wule-woo-ŋa 34:10

Puru a pɔ̂ri kpîŋ yala-sulu paâi, kɛ́lɛ diai da Yâwɛɛ wóo mɛnii, mɛni lɛ́lɛɛ da maa ƃalâŋ fé pâi wɔ́lɔ toôi dîa.

Wule-woo-ŋa 34:4

Ŋá Yâwɛɛ fɛ̀li, ǹyaŋ è ŋ́oo su tòo. È gɛ̀ ǹyaoi kélee é kúla ŋ́gbonôi.

Wule-woo-ŋa 50:15

Tãi kélee ka kɛ̂ la mɛni kpɔ̂lu sui, ka ńdoli. Ŋa pâi ká ŋuŋ maa ƃôi. À kɛ̀ tí, ka pâi ńaa maa tɛ̂i.”

Wule-ŋa Kélee Mɛi Wûle 5:6

Ŋá bɛ́rɛi láa ƃò mì, kɛ́lɛ fé gáa ní, a lí. Ńii è ŋɔ́nɔ tòo pôlu kpɔ́ a ŋánaa. Ŋá gɔ̀ri, kɛ́lɛ fé gáa ní. Ŋá dòli, kɛ́lɛ vé fáa ní.

Azaya 45:19

Fé lóno ní loo-pêre su, kpaa máŋ ŋá lóno ƃɛ́i ǹaa kpíniɛɛi. Ḿve m̀ó ní Zeeka ǹônii dîa a gɛ́ɛ dí ŋ́gɔri kpɛ́ni-kpɛni. Ńyãai a Yâwɛɛi, ŋà tɔ̃yâ ƃò. M̀ɛnii gáa a tɔ̃yâi, ǹyaa ƃé ŋa ǹɛ.”

Zɛlemaya 29:12

À kɛ̀ tí, gɛ̀ ní ka pâi ńdôlii. Ka pâi pâi ḿbɔ ká ḿvɛli, ǹyaŋ ŋa pâi káwoo mɛnîi.

Zɛlemaya 33:3

“Ńdoli a tãi kélee, ǹyaŋ à kɛ̀ tí, ŋa pâi íwoo su toôi. Ŋa pâi loo mɛni kpaya-kpaya-ŋa ƃôi yâ nyíi-ŋai ífe mɛni da kɔ́lɔŋ é pîlaŋ dîai.

Danîa 9:3

Nya ƃe ŋá luu sia ḿâ ŋá maloŋ tôo-maa seɣe too ḿâ ŋá suŋ-siɣe ŋá tínaŋ Ǹuu-namui Ɣâla pɔ́naa pere ŋá vɛli a gbanaŋɔɔ.

Maafîu 21:22

Ǹyaŋ sɛŋ kélee ka mare-kɛɛ kɛ̀ Ɣâla-fɛliɛɛ sui, à kɛ̀ laa-la káa káyêei, ka pâi zɔlɔ ƃôi.”

Maafîu 21:31

Ǹúu feerɛi ŋí, nênɛ ƃe ǹâŋ ǹîa-mɛni kɛ̀i?” Dí mò mà dîyɛɛi, “Duɛ-tuɛi.” Nya ƃe Zîsɛ è mò dîa, ǹyɛɛi, “Ŋa tɔ̃yâ ƃoi kâa a gɛɛ ŋuŋ-fela-fei kula-ƃelai da ŋ̀ulu-wulu-nɛyaai da pâi liî Ɣâla ŋɔkâloŋ-laai sú kátuɛ.

Maafîu 6:29

Kɛ́lɛ, ŋá m̀ôi kâa, Saloma kpîŋ ŋɔfólo-laai kélee su, vé kɛ́ ní a maa ɣiriɛ yɛ̂ɛ berei ŋ̀úru-ŋai ŋí dɔnɔ káa lai.

Mâki 11:24

M̀ɛni ma, ŋá m̀ó kâa, nyii kélee ka Ɣâla fɛ̀li m̀ɛni ma, kà zìɣe a tɔ̃yâ a gɛ́ɛ ka pâi zɔlɔ ƃôi, a pâi kɛ̂i káyêei.

Mâki 13:37

M̀ɛnii nyii ŋa m̀ó kâai, ŋa mò núu kélee ma: Ka káŋɛi lá ƃó!”

Lûu 11:10

Kpɛ́ni fêi, ǹúui kélee a fɛli kɛ̂i, a zɔlɔ ƃô. Ǹúui nyii a sɛŋ kɔrîi, a gàa. Ǹúui a gbôŋ tûai, ǹá a pâi ƃôi mì.

Zɔ̂ŋ 14:13

Nyii kélee ka m̀are-kɛ̂ɛ kɛ̀ ńaai sui, ŋa pâi gɛ̂i a gɛɛ Nàŋ-nuui ŋɔfólo-laai ma é tɛ́ Nòŋ-nuui kponôi.

Zɔ̂ŋ 15:16

Káfe ńziɣe ni. Kɛ́lɛ, ŋá kásìɣe ŋá kálɛ a gɛɛ ká lí ká ƃa a gɛɛ ǹyaŋ káƃa é lɛ́ɛ. A gɛɛ sɛŋ kélee ka m̀are-kɛ̂ɛ kɛ̀ Nàŋ-nuui ma ńaai sui é dɛɛ kápɔ.

Zɔ̂ŋ 15:7

Kà kɛ̀ ŋ́gbonôi, ŋ́oo-ŋai kɛ́ ƃò kákponôi, sɛŋ kélee kamare-kɛ̂ɛ kɛ̀ nyii gáa kákili ŋái, a pâi kɛ̂i kámɛni ma.

Zɔ̂ŋ 4:10

Zîsɛ è ŋ̀óo su tòo, ǹyɛɛi, “Iî kɛ̀ a Ɣâla ŋɔsama-sɛŋ kɔlɔŋɔɔ, da ǹúui gáa môi yâi, ‘Yá tɛ́ɛ ḿbɔ ŋá gbélei,’ iî pɔ̂ri m̀are kɛ̂i, ǹyaŋ eêi pɔ̂ri fulu-laa ya tɛɛ̂i ípɔ.”

Lomaŋ 2:7

Diai da mɛni lɛ́lɛɛ kɛ̀ a lii-kpele díkɛ folo-laa kɔ̀ri, ƃaa kɛ́-maa, da wɔ́lɔ-wɔlɔ fulu-laai, Ɣâla a pâi wɔ́lɔ-wɔlɔ fulu-laa tɛɛ̂i dípɔ.

Kɔleŋtiɛŋ Veerɛi 6:2

Kpɛ́ni fêi, a mò ǹyɛɛ, “Ŋá káwoo mɛ̀ni a kákpɔŋ-maa-tãi, ŋá kpɔ́ŋ kâa a káƃalo-laa ɣelei.” Ka gáa, kákpɔŋ-mâa-tãi ká ŋí nâa. Ka gáa ŋɔ́nɔ, káƃalo-laa-ɣelei ká ŋí nâa.

Ibulu 11:6

Núu fa pɔ̂ri Ɣâla líi lâai laa-la ŋ́ɛi pôlu. Kpɛ́ni fêi, ǹúui ŋ̀wɛ̂lii é lɛ́ɣɛ Ɣâla kɔlɛi, fɛ̂ɛ é láa la a gɛɛ Ɣâla káa ɣele ma a gɛɛ é diai líi laa da gɔ̀rii.

Ibulu 4:16

Mɛni ma kwaa lɛ́ɣɛ mɛlɛ-sêe see-sɛŋ kɔlɛ a laa-la a gɛɛ kú maloŋ kâa sɔlɔ ƃó kú ƃɛlɛ-sêe káa kpɔŋ mâa mɛni ma tãi kwa kpɔŋ mâa wɛ̀li lai.

Zĩi 1:5

À kɛ̀ táre à wàla kɛ́ káyêei, ka Ɣâla marê kɛ́, nyíi a sɛŋ tɛ̂ɛ núu kélee pɔ́ kpɛ́ni-kpɛni va maa-lôno kɛ̀ mài, gɛ̀ ní a pâi dɛɛ̂i kápɔ.

Zĩi 5:15

Laa-la Ɣala-fɛliɛ a pâi gɔlɔ-fela-nuui ƃálôi, Kúnuu-namui é m̀u siɣe. Ǹyaŋ à kɛ̀ sɔnyɔ̂ŋ káa ma, ŋɔsɔnyɔ̂ŋ su-mɛni a pâi lɛɛ̂i.

Zɔ̂ŋ Maa-ŋuŋ 3:22

Ǹyaŋ zɛŋ kélee kwa vɛli mài, kwa zɔlɔ ƃô ǹyêei, kpɛ́ni fêi, kwa ŋɔtɔ̂ŋ-ŋai mɛi kâa, kúkɛ ǹíi-láa-mɛni kɛ̀.

M̀ɛni-lɛɛi 2:24

Kɛ́lɛ, kákpeli-ŋai káai kákaa Tayatirai, káai káfe zɛŋ-lɛɛi ŋí soŋ ní a gbanaŋɔɔ̂i, káai káfe m̀ɛnii maa kɔ̂ri ní da dòli a Sêtɔŋ ŋɔmɛni-su-ziŋɔɔ̂i, ŋá m̀ó kâa, fé pâi tĩa wuyɛ seêi ka-ŋûa.