Lûu 11:2 - Ŋ̀âla Kɔlɔ Maa Waai

² Nya ƃe e mò dîa, ǹyɛɛi, “Kà kɛ̀ Ɣâla fɛlîi, ka m̀ó: “Kúnâŋ, tɔɔ ku ílaâi síɣe a maa waa. Tɔɔ íkâloŋ-laai e pa.

Lûu 11:2 ပူးပေါင်းရင်းမြစ်များ

Kâloŋ Maa-ŋuŋ 8:43

ye, lɛɛ ípɔ-taai Ɣâla-taa í mɛni. Í mɛni-ŋai kélee kɛ́ nyíi da vɛ̀li yâi a gɛ́ɛ ŋ̀éniɛi ŋí su-ƃelai kélee dí ílaa kɔ́lɔŋ, dí yao yâ yɛ̂ɛ berei ínûai Eezuɛ-ŋai da gɛ̀ lai, dí gɔ́lɔŋ a gɛ́ɛ bɛ́rɛi ŋí ŋá dɔɔi, ílaa káa ma.

Kâloŋ Veerɛi 19:19

Yâwɛɛ, Kúɣâlai kú ŋuŋ-ma ƃó nâa Asiria-ŋai yêei, a gɛɛ ǹɔii-ŋûŋ-ŋai ŋ̀éniɛi sui dí gɔ́lɔŋ a gɛɛ ƃía tɔnɔ nɔ́ ƃé, Óo Yâwɛɛ, íkaa a Ɣâla.”

Kɔlɔnikɔ Veerɛi 20:6

gɛ́ nâa Ɣâla fɛ̀li ǹyɛɛi, “Óo Yâwɛɛ, Ŋ̀âlai nyíi gáa a kúnâŋ-ni Díɣâlai, ífe a Ŋ̀âlai nyíi gáa Ɣâla-taai? Yá ƃé íkaa gâloŋ-laa-ŋai kélee mɛi ŋ̀éniɛi su. Íwala-walaai, ítɔɔ̂i kpanaŋɔɔ núu da kélee fa pɔ̂ri tɔɔ̂i íŋɛi.

Wule-woo-ŋa 103:20

Káai kélee a ŋ̀âla-taa kela wála-walaa-ŋai, nyii-ŋai da Ɣâla ŋɔtɔ̂ŋ mɛi kâa díkɛ ŋ̀óo mɛnii, ka pá ká laa-maa tɛ̂ tɛɛ Yâwɛɛ pɔ́.

Wule-woo-ŋa 108:5

Óo Ɣâla, íkɛtɛ-laai lɛ́ ŋ̀elei su, da ífolo-laai ŋ̀éniɛi gwaa kélee ma.

Wule-woo-ŋa 11:4

Yâwɛɛ káa ŋɔpɛ́rɛ maa waai mu. Ŋɔkâloŋ see-sɛŋ káa Ɣâla-taa. Ŋ̀ɛ́i káa kwaa kélee gɛ́ núu-kpune maa kpɛ̂ɛ ǹɔii ma.

Wule-woo-ŋa 57:11

Óo Ɣâla, íkɛtɛ-laai lɛ́ ŋ̀elei su, da ífolo-laai ŋ̀éniɛi gwaa kélee ma.

Ikilisiati 5:2

Káfe lòno a maa félaa. Káfe kono-tee kpala kɛ̀ Ɣâla ŋɔpɛ́rɛi mu. Ɣâla káa ŋ̀elei su, ká kɛ́ ƃò ǹɔii ma. Mɛni ma, kà kɛ̀ lônoi Ɣâla ŋɔpɛ́rɛi mu, ka mó a gbua.

Azaya 63:16

Yá ƃé íkaa a kúnâŋ. Kúnâŋ-pɔlɔ-ŋai Eberaɣɛ̃ɛ da Zeeka dífe kú kɔ́lɔŋ, kɛ́lɛ yá, Yâwɛɛ ƃa kúnâŋ. Yá ƃa ǹúui nyii a wɔ́lɔ kúŋuŋ-ma ƃò a tãi kéleei.

Izikiɛ 36:23

Ŋa pâi ńaa maa-waai nyii ká m̀aa-tĩa kàra ǹɔii-ŋûŋ-ŋai sûi ŋɔkɛ́tɛ-laai lɛ̂i ǹɔii-ŋûŋ-ŋai kpîŋ dîa. À kɛ̀ tí, ǹɔii-ŋuŋ-ŋai da pâi gɔlɔnii a gɛ́ɛ ńyãa ƃa Yâwɛɛ. Ńyãai a Ŋ̀wála-wâla kélee Yâwɛɛi ƃé mò tí. Ŋa pâi ńaa maa-waai lɛ̂i ǹɔii-ŋûŋ-ŋai dîa ká sârai.

Danîa 2:28

Kɛ́lɛ Ɣâla káa ɣêlei nyii a pɔ̂ri núu-kpune kíli ŋá-ponoi kili ŋa-tɛi mɛni sii kélee sui. Aâ m̀ɛnii lɛ́ Gâloŋ Nɛbukinaza ma pâi kɛ̂i ɣele kpɛ́-kpɛɛ tɛɛ pôlu mai. Zeei í m̀oi da zĩâi tɛ̀ɛ a yá tãi í kɛ̀ laâni lai dia ká ŋí.

Danîa 2:44

Gâloŋ-ŋai ŋí dítãi ma, ŋ̀elei-su Ɣalai a pâi kâloŋ-laa da seêi. Núu da fé pâi wɔ́lɔ pɔrîi zu-karai kpaa máŋ é ǹyée mɛi ɣále. A pâi gâloŋ-laa-ŋai tí kélee pûi gɔ́ɔ mu é dí fṹa-fũa. A pâi kɛ̂i naa wɔ́lɔ-wɔlɔ da wɔlɔ-wɔlɔ.

Danîa 7:18

Kɛ́lɛ Ŋ̀âla Kɛ́tɛi ŋɔtíi kɛ́-ƃela pɔlɔ maa waa-ŋai ƃé pâi gâloŋ laa-ŋai ŋí sɔlɔ ƃôi gɛ́ ƃò díyêei wɔ́lɔ-wɔlɔ da wɔlɔ-wɔlɔ.”

Danîa 7:27

Nyíŋi pôlu ma da pâi ŋ̀wála-wala-laai, gɛ́tɛ-laai da gâloŋ-laai kélee tɛɛ̂i Ŋ̀âla Kɛ́tɛi ŋɔnûai pɔ́ ǹɔii ma. Núu da fé pâi dílɔii-loŋ wála-wala-laai kulâi díyêei. Ǹúu láa túɛ-ƃelai kélee ǹɔii mai da pâi tíi kɛ̂i díyêei dí kɛ́ ƃaa kɛ́-maa tɛɛ dípɔ.”

Osia 14:2

Ka lí a kpera-fêi-woo Yâwɛɛ pɔ́, kâa, “Kúsɔnyɔ̂ŋ-ŋai kélee su mɛni lɛɛ, í íyee sée kúmɛni lɛ́lɛɛ-ŋai mu. Kwa pâi ílaa maa tɛ̂i yɛ̂ɛ berei kú kúkono tèe lai.

Levetekɔ 10:3

Nya ƃe Mose è m̀o Eelɔŋ ma ǹyɛɛi, “M̀ɛnii ká ŋí Yâwɛɛ è mòi, ‘Ŋa pâi ŋ́gîŋ lɛ̂i a ḿaa waa diai sáma díkaa ŋ́gɔlɛi, ǹyaŋ ǹûai kélee da pâi ńaa maa tɛ̂i.’ ” Eelɔŋ è lɛ̀ɛ a m̀ɛi saa.

Levetekɔ 22:23

Ka pɔ̂ri gili kula sala-sɛŋ kulâi ḿâ a taa-tulɛ nyii maa kpôrɛɛi, kpaa máŋ gbono ŋá fé pɔ̂ri níi. Kɛ́lɛ káfe gɛ̀ a gono têei ŋ̀aa sèe kɛ́ sala-sɛŋ.

Abaku 2:14

Ǹɔii láa a pâi fɛ̂ɛi a Yâwɛɛ ŋɔfólo-laai, yɛ̂ɛ berei ǹyá-ŋai da yúo láa fɛ̀ɛ lai.

Maafîu 10:32

“Mɛni ma, ǹúui kélee a ḿaa mɛni ƃò nûa ŋɛi, ńyãa máŋ ŋa pâi m̀aa mɛni ƃôi Ŋáɣâla-taa Naŋ ŋɛ́i.

Maafîu 3:2

“Ka kálii pene, kpɛ́ni fêi, Ŋ̀âla-taa kâloŋ-laai a lɛɣɛ.”

Maafîu 5:16

Tɔɔ kákwaa-ponoɔ̂i é fólo ǹûai ŋ́ɛi-tuɛ a gɛɛ dí kátii lɛ́lɛɛi káa, dí Kánâŋ ŋɔfólo-laai maa tɛ́ nyii gáa Ɣâla-taai.

Lûu 11:1

Nya ƃe e kɛ̀ ti, gɛɛ kɛ̀ Ɣâla fɛlîi kwaa ta mái, tãi e kpɛ̀ɛ lai, ŋɔpôlu-ƃelai dɔnɔ e mò ma, ǹyɛɛi, “Kúnuu-namui, ǹɛ́ kûa berei kwa pɔ̂ri Ɣâla fɛlîi la yɛ̂ɛ berei Zɔ̂ŋ e ǹɛ la ŋɔpôlu-ƃelai diai.”

Lomaŋ 1:7

Ɣâla e káwɛlini káai kákaa Luŋ. A kátoli a gɛ́ɛ kákɛ a ǹyaa Ɣâla bɔ́ɔ. Kúnâŋ Ɣâla da Kúnuu-namui Zîsɛ Kôrai dí káƃɛlɛ sée dí lii-see tɛɛ kápɔ.

Lomaŋ 8:15

Kpɛ́ni fêi, káfe luɛ-laa maa-pere sɔlɔ ƃo ni, a gɛ́ɛ ka too ŋɔ́nɔ pôlu yao su. Kɛ́lɛ, ka loŋ-laa maa-pere sɔlɔ ƃó, nyíi a gɛ̀ ku m̀ó, kûɛ, “Aƃa! Kúnâŋ!”

Kɔleŋtiɛŋ Maa-ŋuŋ 1:3

Ƃɛlɛ-sêe da lii-sêe dí kɛ́ káyêei é kula Kúnâŋ Ɣâla yêei da Kúnuu-namui Zîsɛ Kôrai.

Kɔleŋtiɛŋ Veerɛi 1:2

Ƃɛlɛ-sêe da lii-sêe dí kɛ́ káyêei é kúla Kúnâŋ Ɣâla yêei da Kúnuu-namui Zîsɛ Kôrai.

Galesiɛŋ 1:4

nyíi gbîŋ tɛ̀ɛ kúsɔnyɔ̂ŋ mɛni ma a gɛ́ɛ é kúkula ŋ̀wana-lɔ̂ɔ ɣeniɛi ŋí su yɛ̂ɛ berei Kúnâŋ Ɣâla ŋɔnîa-mɛnii káa lai;

Ifisiɛŋ 1:2

Ƃɛlɛ-sêe da lii-sêe dí kɛ́ káyêei é kúla Kúnâŋ Ɣâla yêei da Kúnuu-namui Zîsɛ Kôrai.

Felepiɛŋ 1:2

Ƃɛlɛ-sêe da lii-sêe dí kɛ́ káyêei é kúla Kúnâŋ Ɣâla yêei da Kúnuu-namui Zîsɛ Kôrai.

Felepiɛŋ 4:20

Fólo-laa é kɛ́ Káɣâlai ma, nyíi gáa a Kúnâŋ wɔlɔ-wɔlɔ da wɔlɔ-wɔlɔ. É kɛ́ tí.

Kolasiɛŋ 1:2

A liî kúƃarâa Korai-ƃelai díkaa Kolasai, nyíi-ŋai laa-la káa díyêei máŋ Kôrai kponôi dípɔ: Ƃɛlɛ-sêe da lii-sêe dí kɛ́ káyêei é kúla Kúnâŋ Ɣâla yeei.

Tɛsɛlôniɛŋ Maa-ŋuŋ 1:1

Pɔ̂ɔ da Seveenɔ é pɛ́lɛ Temete ma, Tɛsɛlonaika-ŋai díkôrai-tóli-kpɔŋ, nyíi gáa Ɣâla Ǹaŋ-nuui kponôi da Kúnuu-namui Zîsɛ Kôrai: Ƃɛlɛ-sêe da lii-sêe dí kɛ́ káyêei.

Tɛsɛlôniɛŋ Maa-ŋuŋ 1:3

Kálaa-la-tii kɛ́ɛi a tôo kúkili ŋá Kúnâŋ Ɣâla ŋɛ́i, da káwɛli-kɛ́-maa-mɔ̃lɛ̂i é pɛ́lɛ gíli-kɛ-zui ma gáa káyêei a tãi kélee Kúnuu-namui Zîsɛ Kôrai kponôi.

Tɛsɛlôniɛŋ Veerɛi 2:16

Tɔɔ Kúnuu-namui Zîsɛ Kôrai ǹyaa kpîŋ da Kúɣâla-taa-naŋ, nyíi kúwɛ̀lii, é wɔlɔ-wɔlɔ ŋanɛnɛ tɛ̀ɛ kúpɔ da kili-kɛ-zu lɛ́lɛɛ ƃɛlɛ-sêe sarâi.

M̀ɛni-lɛɛi 11:15

È nâa kɛ̀ tí, Ŋ̀âla-taa kelai mɛi feerɛ-ɣelei è ŋɔturui fɛ̀ɛ, wóo su kɛ́tɛ támaa díkula Ɣâla-taa díyɛɛi, “Ǹɔii su-kaloŋ laai a kɛ́ a Kúnuu-namui ŋɔkâloŋ laai da Ŋɔkôrai, ǹyaŋ a pâi kɛ̂i m̀ɛi wɔlɔ-wɔlɔ da wɔlɔ-wɔlɔ.”

M̀ɛni-lɛɛi 15:4

Gbɛ̂ɛ ƃé vé pâi yaôi yâ é ílaâi ŋɔfólo-laai maa tɛ́, Óo Kúnuu-namui? Kpɛ́ni fêi, ƃia tɔnɔ nɔ́ ƃe ímaa waâi. Lɔii-ŋuŋ kélee a pâi pâi é ífɛli, kpɛ́ni fêi, ímɛni-ŋa-teɛɛ sã́ai a lɛ́.”

M̀ɛni-lɛɛi 19:6

È kɛ̀ tí, ŋá wóo mɛ̀ni gɛɛ yɛ̂ɛ kpɔŋ kɛ́tɛ wóo, gɛɛ yɛ̂ɛ yá támaa súluŋ-tiŋ, gɛ̀ ƃò yɛ̂ɛ ŋele-gbana-tíŋ kɛ́tɛ gɛ̀ lâɣi, nyɛɛi, “Aleeluya! Kpɛ́ni fêi, Kúnuu-namui Ŋ̀wála-wâla kélee Ɣalai káa sɛŋ kélee mɛi.

M̀ɛni-lɛɛi 20:4

Ǹaa pôlu mà, ŋá kâloŋ-see-sãa kàa, ǹyaŋ diai kɛ̀ seêni díŋai, dia ƃe kɛ̀ a ǹûai dí wala-wala-laa tɛ̀ɛ dípɔ a gɛɛ dí mɛni ŋá tee. Diai dí díŋuŋ têe Zîsɛ maa-sere-faa kɛ-mɛni ma da Ɣâla wóoi, ŋá dímɔlêŋ kâa da diai dífe zuai fɛli nii, kpaa máŋ dífe zua-pɔkɔɔŋ fɛli nii, zuai pɔ́ɔ fé tela dítôŋ lá, kpaa máŋ díyee ŋái. Dí pà pôlu ŋɔ́nɔ fulu-laa su, da Kôrai-ni dí kɛ̀-mɛi-laa kɛ́ a kóraŋ wála tɔnɔ (1,000).