Lûu 10:4 - Ŋ̀âla Kɔlɔ Maa Waai

⁴ Káfe li a bɛ̂bɛ, da kolâ, bɛlɛɛ kpaŋ-kpali ma; káfe kála ti núu da ma berei su.

Lûu 10:4 ပူးပေါင်းရင်းမြစ်များ

Zɛnɛse 24:33

Dí mii-sɛŋ tɛ̀ɛ bɔ́, kɛ́lɛ è mò ǹyɛɛi, “M̀ɛnii ŋá pà lai fɛ̂ɛ ŋá mó ŋa lɛ́ɛ pâi ńaa miî.” Laƃaŋ ǹyɛɛ mai, “M̀ɛnii ƃó.”

Zɛnɛse 24:56

Kɛ́lɛ è mò dîa ǹyɛɛi, “Káfe ŋátãi tôo pôlu, tãi nɔ́ Yâwɛɛ a ŋásiai nɛ̃ɛ lai. Ka tɔɔ ŋá lí ŋánuu-namui pɔ́ naa.”

Kâloŋ Veerɛi 4:24

Ǹɛnîi è ŋwɛlɛ-sôoi maa Ɣîri é mó ǹyée-mu-nuui ma ǹyɛɛi, “Lí a ńyãa. Ífe kpèra ḿî kwaa da ma fɛ̂ɛ nɔ́ ŋá mó tí yâ.”

Kâloŋ Veerɛi 4:29

Ilasa è mò Giazi ma ǹyɛɛi, “Í yokpoi tóo yâ í ŋásia-wûrii síɣe, í lí a kîrɛ ǹɛnîi ŋí ŋɔpɛ́rɛi lá. À kɛ̀ ƃà núu kélee da kàa berei sû, ífe ílaa tì ma. Núu da a ǹáa tí yâ, ífe ŋ̀óo su tòo. Ƃa sèri, ŋásia-wûrui láa ǹóloŋ ŋuŋ mɛi.”

Táre-woo-ŋa 4:25

Íŋɛi é kɛ́ ítuɛ-pere a gɛɛ í ƃɛ́i káa ya ƃɔ́rɔni naai. Ífe ípɛrɛ ma kàa.

Mâki 6:7

Zîsɛ è ŋɔpôlu-ƃela puu kao feerɛi tòli kwaa tɔnɔ ma. È wala-wala-laa tɛ̀ɛ dípɔ nyînaŋ nyɔ́mɔɔ-ŋa mɛi, é dítɛɛ feerɛ-feerɛ.

Lûu 22:35

Nya ƃe e mò dîa, ǹyɛɛi, “Tãi ŋá kátɛ̀ɛ la, bɛ̂bɛ, da kolâ, bɛlɛɛ kpaŋ-kpali ma dífe kɛ́ ni káyêei, sɛŋ da kôlo e tòo kâa?” Dí mò ma, “Kpaa, ve kɛ́ ni ti.”

Samia Maa-ŋuŋ 21:8

Nya ƃe Deeƃé è Aimelɛ marê kɛ̀ ǹyɛɛi, “Kpála da kpɛ́ni, kpaa máŋ ƃóa-sɔ̂kpɔ da kpɛ́ni káa íyêei ƃɛ́? Ŋá kùla a kîrɛ gâloŋ ŋɔmɛnii ŋ̀aa-see kɛ́ mɛni ma ḿve pɔri ní ŋá ƃóa-sɔkpɔi siɣêi kpaa máŋ kɔli-sɛŋ da kpɛ́ni.”