Lûu 1:71 - Ŋ̀âla Kɔlɔ Maa Waai

⁷¹ a gɛɛ ku kɛ́ a kúƃaloɔ̂i, ku kúla kúkɔ nyɔ́mɔɔ-ŋai yée ŋá da kúkpɔara-ƃelai kélee,

Lûu 1:71 ပူးပေါင်းရင်းမြစ်များ

Kâloŋ Veerɛi 17:39

Ńyãa tɔnɔ nɔ́ ƃé ká ḿvɛli, Ńyãai a Yâwɛɛ, Káɣâlai. Ŋa pâi kákulâi kákpɔara-ƃelai yeei.”

Wule-woo-ŋa 106:10

È dí kùla díkpɔara-ƃelai yêei é díŋuŋ ma ƃó.

Wule-woo-ŋa 106:47

Óo Yâwɛɛ Kúɣâlai, kúŋuŋ ma ƃó í kúkula kúkpɔara-ƃelai yêei ǹɔii ŋuŋ-ŋai su. Yà gɛ̀ tí, kwa pâi ísɛɣɛ̂i fêi, kú ílaa maa waai maa tɛ́.

Zɛlemaya 23:6

Tãi a pâi kɛ̂i la a kâloŋ, Zuda-ƃela da pâi ŋuŋ-maa ƃô sɔlɔ ƃôi. Lii-see kɛ́ ƃò Eezuɛ-ƃela yêei. Da pâi dòli a, ‘Yâwɛɛ ƃa kúƃalo-laai.’ ”

Zɛlemaya 32:37

Ŋa pâi ǹûai ŋáa tɛ̂i gîe ma, ŋá díkula ǹɔii-ŋuŋ-ŋai kélee ŋá dítaa-taa zui su a tãi ŋá kɛ̀ a ńii ŋwánaa lai, ŋá pá a dia pôlu gwaai ŋí ma a gɛɛ dí kɛ́ ƃò ŋuŋ-ma ƃô su.

Izikiɛ 28:26

Ǹyaŋ da pâi kɛ̂i naa ŋuŋ ma ƃô su. À kɛ̀ tí, da pâi pɛ́rɛ-ŋa tɔɔ̂i díkpɔmɔ-ƃa kpalaŋ-ŋa sí. Da pâi kɛ̂i a díŋuŋ mâ ƃóɔɔ a tãi ŋa pâi kɛ̂i díkɔlɛ mâ-ƃelai kula maa kɛ̂i la nyii-ŋai ɣɛ́lɛ maa kûla díkponôi. À kɛ̀ tí, da pâi gɔlɔnii a gɛɛ ńyãa ƃa Díɣâlai Yâwɛɛ.”

Izikiɛ 34:25

Ŋa pâi lii sêe kpanaŋ-woo kɛ̂i díyêei é dímɛi káa. Ŋa pâi díkulâi ǹɔɔ-fɛnɛ-sãa ŋwana-lɔ̂ɔ-ŋai yêei. Da pâi kɛ̂i ǹɔii su a lii-see. Da pâi kɛ̂i nyîi ǹɔɔi su sɛŋ da fa dí kɛ.

Izikiɛ 34:28

Lɔii-ŋuŋ da kélee fé ŋɔ́nɔ pâi pɛlɛ̂i dîa, kpaa máŋ fɛnɛ-sɛŋ da é ŋɔ́nɔ dí tá paa. Da pâi kɛ̂i a díŋuŋ ma ƃóɔɔ núu da fa ŋɔ́nɔ dí maa yâo.

Izikiɛ 38:8

Tãi támaa a tɛ̀ɛ, ŋa pâi ítôli ka íkɔ kɔ́-ƃela-ŋai a gɛɛ ká kɔ́ tóo dîa. Ka pâi kɔ́ pɛlɛ̂i ǹɔii-ŋûŋ-ŋai dîa nyii-ŋai ǹûai díkùla zu nyii-ŋai díkili fé kɔ́kɔ mɛ̂ni mai. Ǹûai ŋí díkùla lɔii-ŋuŋ támaa su dí díŋa tɛ́ mà Eezuɛ yèe-ŋai ma ƃɛ́i núu da fé kɛ́ ní naa a tãi su kôyaai. Kɛ́lɛ nûa da nâa pá naa díkɛ ƃò naa lii sêe su.

Lûu 1:68

“Lûwa káa Eezuɛ Ŋɔnuu-namui Ɣâla ma, kpɛ́ni fêi, a ŋɔnûai naa káa, a dímaa tée,

Lûu 1:74

a dɛɛ kúpɔ a gɛɛ kúai kúkulâi kúkpɔara-ƃelai yée ŋái, ku Ɣâla ŋɔtíi kɛ́, yao fé kɛ̀ kûa,

Dutɛrɔnome 33:29

Óo Eezuɛ, kálii nɛ̃ɛ̂i a ŋánaa! A lûwa támaa láa kâa a tɛɛ ǹɔii-ŋuŋ kpéli-ŋai dîa. Yâwɛɛ a kámɛi kâai gɛ́ kámaa kɔ̃ɔ. Yâwɛɛ nyaa kpîŋ ƃa kámaa kɔ̃ɔ kɔli-kalaŋ da kákɔ-kɔ ƃoa-sɔkpɔi, gɛ́ kámaa kɔ̃ɔ kákɛ kákpɔara-ƃelai yée mɛi ɣàle. Ká kpɔara-ƃelai da pâi pâi díkɛ ká marê kɛ̀ a gɛɛ ká dímalôŋ káa, a kɛ̀ tí ka pâi ƃɔlɔnii dîa.

Zɔ̂ŋ Maa-ŋuŋ 3:8

Ǹúui a sɔnyɔ̂ŋ kɛ̀i, gáa a Dɛ̂ƃele pɔ́ɔ, kpɛ́ni fêi, Dɛ̂ƃele è sɔnyɔ̂ŋ kɛ̀ é kúla gɔ́ɔ pîlanii. Sapoi Ɣâla Ǹóŋ è pà lai ƃa, a gɛɛ é Dɛ̂ƃele ŋɔtíi su kara.