Lûfi 4:6 - Ŋ̀âla Kɔlɔ Maa Waai

⁶ Ǹalôŋ è mò ǹyɛɛ m̀ai, “À kɛ̀ a bere sîi ti, gɛ̀ ní fa pɔri ǹɔii yâi, kpɛni fêi, ŋá máŋ ǹyá, gɛ̀ ní ŋ́gaa ŋ́gbɔɔi nia-pɛlɛɛi filîi, kpɛ́ni fêi, dípɔɔ fé pâi kɛ̂i ma. M̀ɛni ma, fa pɔri ǹyâi. Ye ǹyá.”

Lûfi 4:6 ပူးပေါင်းရင်းမြစ်များ

Zɛnɛse 38:8

Nya ƃe Zudasi è mò Onaŋ ma ǹyɛɛi, “Ílîa ŋɔnɛnîi kúla a nɛnî a gɛɛ í lóŋ káa mì. A gɛɛ ílîa suu fé sàa.”

Levetekɔ 25:25

Káai a Eezuɛ-ŋai káta a kòlo a ŋɔlɔii kɔlɛ m̀arâŋ nuu ma maa nuui ŋɔkáa-laai su-nuui da a pɔ̂ri maa lɔii ŋuŋ ma ƃôi.

Dutɛrɔnome 25:7

À kɛ̀ a wàla fáa é ǹeɣê kpaa ǹîa surɔ̂ŋ ŋɔnɛnîi kúla a nɛnî, ǹɛnîi a pâi liî ǹúu-pɔlɔ-ŋai pɔ́ naa daai ŋɔsiɣãŋ lá ǹyɛɛ diai, ‘Ŋásurɔ̂ŋ ǹeɣê kpaa ǹîa ǹyɛɛ va pɔ̂ri ḿû. Aâ fɛɣɛ díi mu maa nɛ̃ɛ̂i é gɛi a lóŋ maa sɔlɔ ƃóɔɔ zaa-nûui mɛni ma.’

Dutɛrɔnome 25:8

À kɛ̀ tí ǹúu-pɔlɔ-ŋai da dòli dí lóno bɔ́. A kɛ̀ ǹyɛɛ vé pɔ̂rii fɔrɔ-fɔrɔ su, ve ŋ̀wɛ̂lii é ǹeɣê kpaa ǹîa surɔ̂ŋ ŋɔnɛnîi kúla a nɛnî,

Dutɛrɔnome 25:9

ǹɛnîi a pâi liî zurɔ̂ŋ kpîŋ pɔ́ naa é ŋɔkpáŋ-kpalii dɔnɔ kula gɔ́ ŋá ǹúu-pɔlɔ-ŋai ŋɛ́i-tuɛ é ǹá-ya pú ŋ̀ɛ́i ǹyɛɛi, ‘Bere ƃé a kɛ̂ la a zurɔ̂ŋ nyii va pɔ̂ri ǹêɣe kpaa ǹîa-surɔ̂ŋ ŋɔkáa-laa ɣɛlii lá-tɔnii.’

Lûfi 2:20

Naomi è mò ǹóŋ ŋɔnɛnîi ma ǹyɛɛi, “Yâwɛɛ nyíi ŋɔmɛni lɛ́lɛɛ káa vúlu-ƃelai da zaa-ƃelai mɛni mai, é lûwa láa ǹúui kpîŋ ma.” Ǹyɛɛ ma máŋ, “Ǹalôŋ tí káa a kúkaayɔɔi da. Gáa a kúmaa tée-ƃelai dɔnɔ.”

Lûfi 3:13

Nyii ƃɛ́ sâa. Tínaa ɣele-wala kwa pâi gâai à kɛ̀ a pâi ímaa mɛ̂ni siɣêi a ŋ̀ûa-kpiri. Kɛ́lɛ à wàla gɛ́, gɛ̀ ní ŋa pâi ímaa mɛ̂ni siɣêi a ŋ́ûa-kpiri tãi nɔ́ Yâwɛɛ káa la naai. Láa é lɛ́ɛ la zu ɣele é ƃɔ́.”

Lûfi 3:9

ǹyɛɛ ḿâi, “Gbɛ̂ɛ ƃa yá?” Ǹyɛɛ m̀ai, “Lûfi ƃa ńyãa, ńyãai a íyee mu-nɛnii. Gáa a sɛŋ í ḿɛi káa, kpɛni fêi, íkaa a ŋ́gaayɔɔ kpîŋ. M̀ɛni ma ŋ́gula a nɛnî.”