Lûfi 4:13 - Ŋ̀âla Kɔlɔ Maa Waai

¹³ Nya ƃe Boa è Lûfi siɣe a ŋɔnɛnî, lɔ́ la pɔ̂rɔŋ. Yâwɛɛ è lûwai làa ma é koo síɣe é lóŋ-surɔŋ maa sɔlɔ ƃó.

Lûfi 4:13 ပူးပေါင်းရင်းမြစ်များ

Zɛnɛse 20:17

Nya ƃe Eberaɣɛ̃ɛ è Ɣâla fɛ̀li. Ɣâla é Abimelɛ ƃálo é ŋɔnɛnîi ƃálo máŋ da ǹúɛ nɛyâai a gɛɛ dí nîa-pɛlɛɛ maa sɔlɔ ƃó.

Zɛnɛse 25:21

Nya ƃe Aise è Yâwɛɛ fɛ̀li ŋɔnɛnîi mɛni ma, kpɛ́ni fêi, è kɛ̀ a gbómaa. Yâwɛɛ è ǹyée sèe ŋɔɣâla-fɛli-wooi mu, ŋɔnɛnîi, Lubɛka é nâa koo sîɣe.

Zɛnɛse 29:31

Tãi Yâwɛɛ è gàa la a gɛɛ Zeeka a Liɛ kpɔarai, è lóŋ tɛ̀ɛ bɔ́, kɛ́lɛ Leesɛ è kɛ̀ a kpóma nɛni.

Zɛnɛse 30:2

Zeeka è ǹíi ŋwàna Leesɛ ma ǹyɛɛ mai, “Ńyãa ƃa Ɣâla nyii íkpomâi?”

Zɛnɛse 33:5

Tãi Isɔɔ è ŋuŋ mu sìɣe la é nɛyâai káa da nîa-pɛlɛɛi, è mò ǹyɛɛi, “Gbɛ̂ɛ-ni ƃe ŋí ka dîa-ni ka pâi?” Zeeka ǹyɛɛ mai, “Ǹîa-pɛlɛɛi nyii-ŋai Ɣâla è dítɛ̀ɛ íyee-mu-nuui pɔ́ ŋɔƃɛlɛ-seei sui.”

Wule-woo-ŋa 113:9

A kpóma nɛni kɛ̂i kɛ̀ ma, é nîa-pɛlɛɛ tɛɛ bɔ́, ǹíi é nɛ̃ɛ dímɛni ma. Ka laa maa tɛ̂ tɛɛ Yâwɛɛ pɔ́.

Wule-woo-ŋa 127:3

Nîa-pɛlɛɛ káa a Yâwɛɛ ŋɔsama-sɛŋ. Díkaa a lûwa ŋuŋ.

Lûfi 3:11

Mɛni ma, ńoŋ-nɛnii, ífe yào. M̀ɛnii kélee ƃa ḿarê kɛ̀ m̀ɛni mai, ŋa pâi gɛ̂i yɛ̂, kpɛ́ni fêi, ḿarâa taa-ƃelai kélee dí gɔ́lɔŋ a gɛ́ɛ íkaa a nɛní lɛ́lɛɛ.

Lûfi 4:12

Ǹîa-pɛlɛɛi Yâwɛɛ a pâi gɛ̂i ka ǹɛnî-kpelai ŋí ka dímaa sɔlɔ ƃôi da pâi gɛ̂i ísuui maa mɛni kɛ́ ƃò yɛ̂ɛ Pɛrɛzi, nyii kɛ̀ a Tama da Zuda díloŋ-surɔŋ ŋɔsuui maa mɛni.”

Samia Maa-ŋuŋ 1:27

Ǹolôŋ ŋá Ɣâla fɛ̀li mɛni mai ǹyaa ká ŋí. Yâwɛɛ aâ ŋáfɛli wooi mɛ́ni a dɛ̀ɛ ḿbɔ.

Samia Maa-ŋuŋ 2:5

Diai mii-sãa támaa è kɛ̀ díyêei da fé ŋɔ́nɔ díyêei. Diai puru è kɛ̀ díkɛ̂i dípelaâi. Gbóma-nɛnii aâ lóŋ lɔ́ɔlu mɛi-feerɛ maa sɔlɔ ƃó. Kɛ́lɛ ǹɛnîi lóŋ támaa è kɛ̀ ǹyêei da fé ŋɔ́nɔ ǹyêei.