Lûfi 4:11 - Ŋ̀âla Kɔlɔ Maa Waai

¹¹ Nya ƃe diai kélee kɛ̀ góraŋ la da ǹúu pɔlɔ-ŋai dí mò dîyɛɛi, “Kúkaa a ísêre-ŋa. Ǹɛnîi pâi ípɛrɛi mui, tɔɔ Yâwɛɛ é gɛ́ yɛ̂ɛ Leesɛ da Liɛ nyíi-ŋai nîa-pɛlɛɛ támaa maa sɔlɔ ƃò Eezuɛ mi ŋɔpɛ́rɛi láa é fɛ́ɛi. Tɔɔ í Ƃûu ƃó Ɛfata kolii su ílaa é lɛ́ɛ Bɛpeleɣɛ̃ɛ.

Lûfi 4:11 ပူးပေါင်းရင်းမြစ်များ

Zɛnɛse 23:10

Ǹyaŋ Ɛfɔŋ è kɛ̀ seêni Ita-ŋai sáma. Nya ƃe è Eberaɣɛ̃ɛ wóo su tôo Ita-ŋai kélee ŋɛ́i kɛ̀ naai ǹyɛɛi,

Zɛnɛse 24:60

Dí lûwa tòo Lubɛka ma díyɛɛ mai, “Kúsaaƃɔlɔ, ƃa pâi kɛ̂i a lóŋ támaa káa-lee! Ísuui yée a pâi tɛɛ̂i ŋɔkpɔara-ƃelai dîa!”

Zɛnɛse 29:16

Ǹyaŋ Laƃaŋ ǹônii-nɛyâai dí kɛ̀ feerɛ. Núu pɔlɔ-ɣelei láa ƃé kɛ̀ a Liɛ, ǹôloŋ-ɣelei láa kɛ́ ƃò a Leesɛ.

Zɛnɛse 29:25

Ɣele ƃɔ́i, Zeeka è gàa a gɛɛ Liɛ ƃé ǹâŋ Laƃaŋ è pà la bɔ́. Nya ƃe Zeeka è mò Laƃaŋ ma ǹyɛɛi, “Lé ƃé ŋí í gɛ̀ a ńyãai? Leesɛ ƃé ŋá maa tîi kɛ̀ yɛ̂. Vé tí? Í ḿvìli lé mɛni ma?”

Zɛnɛse 29:32

Nya ƃe Liɛ è koo sîɣe é lóŋ-surɔ̂ŋ maa sɔlɔ ƃó é ǹáa sée a Lubiŋ ǹyɛɛi, “Yâwɛɛ a ŋámɛni-solii káa, mɛni ma ŋásurɔ̂ŋ a pâi ŋ́wɛ̂lii.”

Zɛnɛse 35:23

Liɛ ǹônii-sinaai ká ŋí. Lubiŋ nyii kɛ̀ a Zeeka ǹóŋ maa-ŋuŋ, Simiɔŋ, Liiva, Zuda, Isaka da Zɛbulɔŋ.

Zɛnɛse 35:24

Leesɛ ǹônii-sinaai ká ŋí. Zosɛ da Bɛŋsima.

Kâloŋ Maa-ŋuŋ 21:8

Nya ƃe è kɔlɔ-ŋa pɔ̃yɛ Gâloŋ Eɣa láai su é Gâloŋ yée pɔɔ kɛ́ dîa, é dítɛɛ ǹúu-pɔlɔ-ŋai da dɔɔ-ƃela kpaya-kpayai nyii-ŋai kɛ̀ daa-lêei su ƃɛ́i Neeƃɔ è kɛ̀ naai dípɔ.

Kɔlɔnikɔ Maa-ŋuŋ 2:51

Kelɛ ǹóŋ veerɛ ɣelei Sama ƃé Bɛpeleɣɛ̃ɛ tɔ̀ɔ, Aarefi ǹyaŋ é Bɛ-Gadɛ taai tɔ́ɔ.

Wule-woo-ŋa 132:6

Ɛfata ƃé kú Gbanaŋ-woo kɛ́ɛ Gãlai maa mɛ̂ni mɛ̀ni naa, ǹaa ƃé kú gàa naa Zeriŋ ŋɔsûai su.

Táre-woo-ŋa 14:1

Táre nɛni a ŋɔpɛ́rɛi mu kpɛ̀tɛ a ǹɛ́lɛɛ, kɛ́lɛ ƃoo-tua a pɛ́rɛ mu kàra.

Táre-woo-ŋa 31:23

Da ŋɔsurɔ̂ŋ kɔ̂lɔŋ goyâŋ su, ƃɛ́i da ǹɔii-ƃelai túɛ-ƃelai da sêe naai.

Zɛlemaya 32:10

Ŋá ńyee pɔ̂ɔ kɛ̀ ǹɔii kɔlɔi su, ŋá ŋɛi-kɛ-maa pɔɔ kɛ́ zu sêre-ŋa ŋɛ́i. Nya ƃe ŋá zɛŋ-kaoi kɔɔ̂ŋ zɛŋ-kɔ̂ɔŋ sɛŋ su.

Maka 5:2

Yâwɛɛ è mò ǹyɛɛi, “Óo Bɛpeleɣɛ̃ɛ Ɛfata, yáai Ifiraŋ lɔii-kpiniŋ sui, íkaa a daa kuro-tei dɔnɔ Zuda taa-ŋai sáma, kɛ́lɛ ǹaa ƃé ǹúu-ŋuŋ túɛ-nuui a pâi kulâi naa Eezuɛ mɛni ma nyii ŋɔnûa pɔlɔ-ŋai dísuu kɔ́ɔ a wɔ́lɔ pìlaŋ kpɔ́ a tãi su kôyaai.”

Maafîu 2:6

‘Yái íkaa a Bɛpeleɣɛ̃ɛ Zudasi-ŋai dílɔii sui, ífe kuro-te ní Zudasi-ŋai dílɔii-tuɛ-ƃelai sama, kpɛ́ni fêi, íkponôi ƃé ǹúu-tuɛ-nuui a pâi kulâi naa, nyii pâi ŋánûai Eezuɛ-ŋai mɛi kâai.’ ”

Dutɛrɔnome 25:7

À kɛ̀ a wàla fáa é ǹeɣê kpaa ǹîa surɔ̂ŋ ŋɔnɛnîi kúla a nɛnî, ǹɛnîi a pâi liî ǹúu-pɔlɔ-ŋai pɔ́ naa daai ŋɔsiɣãŋ lá ǹyɛɛ diai, ‘Ŋásurɔ̂ŋ ǹeɣê kpaa ǹîa ǹyɛɛ va pɔ̂ri ḿû. Aâ fɛɣɛ díi mu maa nɛ̃ɛ̂i é gɛi a lóŋ maa sɔlɔ ƃóɔɔ zaa-nûui mɛni ma.’

Dutɛrɔnome 25:9

ǹɛnîi a pâi liî zurɔ̂ŋ kpîŋ pɔ́ naa é ŋɔkpáŋ-kpalii dɔnɔ kula gɔ́ ŋá ǹúu-pɔlɔ-ŋai ŋɛ́i-tuɛ é ǹá-ya pú ŋ̀ɛ́i ǹyɛɛi, ‘Bere ƃé a kɛ̂ la a zurɔ̂ŋ nyii va pɔ̂ri ǹêɣe kpaa ǹîa-surɔ̂ŋ ŋɔkáa-laa ɣɛlii lá-tɔnii.’

Lûfi 1:2

Ǹalôŋ ŋí láa ƃé kɛ̀ a Ilimɛlɛ, ŋɔnɛnîi láa kɛ́ ƃò a Naomi. Dílônii-sinaa feerɛi láa ƃé kɛ̀ a Malɔŋ da Kîliɔŋ. Dí kɛ̀ a Ɛfata-ƃela. Dí kùla Bɛpeleɣɛ̃ɛ, Zuda lɔii su dí lí Môa lɔii su dísee naa.