Lûfi 3:9 - Ŋ̀âla Kɔlɔ Maa Waai

⁹ ǹyɛɛ ḿâi, “Gbɛ̂ɛ ƃa yá?” Ǹyɛɛ m̀ai, “Lûfi ƃa ńyãa, ńyãai a íyee mu-nɛnii. Gáa a sɛŋ í ḿɛi káa, kpɛni fêi, íkaa a ŋ́gaayɔɔ kpîŋ. M̀ɛni ma ŋ́gula a nɛnî.”

Lûfi 3:9 ပူးပေါင်းရင်းမြစ်များ

Izikiɛ 16:8

“Tãi ŋa ŋɔ́nɔ tɛ̀ɛ la yâi, ŋa gàa a gɛɛ tãi a seri a gɛɛ í nâa kɛ́ a surɔŋ-pɛrɛ mu ǹuu. Nya ƃe ŋá í mɛi pɛlɛ a ŋá seɣei ŋá íkaŋ loo ŋá kpanaŋ-woo kɛ̀ í yêei a gɛɛ kwa yâ kúkɛ tua-laa ma. Íkɛ a ḿbɔɔ.” Ŋ̀wála-wâla kélee Yâwɛɛi ƃé mò tí.

Lûu 14:11

Kpɛ́ni fêi, ǹúui kélee a gbîŋ kɛ̀tɛi, maa a pâi yenîi. Kɛ́lɛ, ǹúui à gbîŋ maa yêŋ, a pâi kɛ̂i a gɛ́tɛ.”

Lûfi 2:20

Naomi è mò ǹóŋ ŋɔnɛnîi ma ǹyɛɛi, “Yâwɛɛ nyíi ŋɔmɛni lɛ́lɛɛ káa vúlu-ƃelai da zaa-ƃelai mɛni mai, é lûwa láa ǹúui kpîŋ ma.” Ǹyɛɛ ma máŋ, “Ǹalôŋ tí káa a kúkaayɔɔi da. Gáa a kúmaa tée-ƃelai dɔnɔ.”

Lûfi 3:10

Boa ǹyɛɛ m̀ai, “Kúnuu-namui é lûwa láa yâ, ńoŋ-nɛnii. M̀ɛni lɛ́lɛɛ gbɛɛ ŋái ŋí ƃa gɛ́ ḿîi ǹuu-laai sui gɛ̂tɛi é tɛ́ɛ nyíi ma í gɛ̀ a maa-ŋuŋ. Nyaa ƃa ífe lí ní ǹyaŋkpa da pɔ́naa nyíi dɔɔ̂i kpaa máŋ gôloɔɔi.

Lûfi 3:12

Gáa a tɔ̃yâ a gɛ́ɛ ŋ́gaa a íkaayɔɔ kpîŋ. Kɛ́lɛ núu da káa naa gáa a íkaayɔɔ kpîŋ é tɛ́ɛ ḿâ.

Lûfi 3:8

Gbínii sáma seriɛi, Boa è ŋ̀ɛ́i la ƃò é tínaŋ é ǹɛnîi káa lâani gɔ́ɔ kɔlɛ,

Lûfi 4:4

Mɛni ma, ŋá gbɛ̀tɛ ŋ́gili ŋá a gɛ́ɛ ŋá m̀ó yâ a gɛ́ɛ í ǹyá dîai ŋí seêni ƃɛ́ da ŋánûa pɔlɔ-ŋai ŋɛ́i à kɛ̀ ƃa pâi ǹyai, ǹya. Kɛ́lɛ à kɛ̀ ífe pâi ǹyai, m̀ó ḿâ a gɛ́ɛ ŋá gɔ́lɔŋ, kpɛni fêi, núu da kélee fé naa é kúla ípôlu ǹɔii ŋí yá mɛni ma fɛ̂ɛ nɔ́ ńyãa.” È mò ǹyɛɛ, “Ŋa pâi ǹyâi.”

Lûfi 4:6

Ǹalôŋ è mò ǹyɛɛ m̀ai, “À kɛ̀ a bere sîi ti, gɛ̀ ní fa pɔri ǹɔii yâi, kpɛni fêi, ŋá máŋ ǹyá, gɛ̀ ní ŋ́gaa ŋ́gbɔɔi nia-pɛlɛɛi filîi, kpɛ́ni fêi, dípɔɔ fé pâi kɛ̂i ma. M̀ɛni ma, fa pɔri ǹyâi. Ye ǹyá.”

Samia Maa-ŋuŋ 25:41

Nya ƃe è ŋuŋ ma pìlaŋ ǹyɛɛi, “Ŋa ŋ̀wɛ̂lii ŋá kɛ́ a Deeƃé yée mu-nuu ŋ́gɛ ŋɔyée mu-ƃelai kɔ́ɔ ma waa.”