Lûfi 3:12 - Ŋ̀âla Kɔlɔ Maa Waai

¹² Gáa a tɔ̃yâ a gɛ́ɛ ŋ́gaa a íkaayɔɔ kpîŋ. Kɛ́lɛ núu da káa naa gáa a íkaayɔɔ kpîŋ é tɛ́ɛ ḿâ.

Lûfi 3:12 ပူးပေါင်းရင်းမြစ်များ

Maafîu 7:12

Mɛni ma nyii kélee ka ŋ̀wɛ̂lii nûa dí gɛ a káai, ka gɛ tí máŋ a dia, kpɛ́ni fêi, bere ƃe Dɔ̂ŋ da Ɣâla ŋɔlóno-kɛ-ƃelai da nɛ̀ la.

Tɛsɛlôniɛŋ Maa-ŋuŋ 4:6

a gɛ́ɛ núu da fé mɛni nyɔ́mɔɔ kɛ́ a m̀arâŋ-nuu, kpaa máŋ é wôya kɛ́ la m̀ɛnii ŋí su, kpɛ́ni fêi, Kúnuu-namui kâa a mɛni-pɔɔ-teei kula-nuu mɛni-ŋai ŋí kélee su, yɛ̂ɛ berei kú dòo la kákili ŋá nâa tuɛ a gbanaŋɔɔi.

Lûfi 2:20

Naomi è mò ǹóŋ ŋɔnɛnîi ma ǹyɛɛi, “Yâwɛɛ nyíi ŋɔmɛni lɛ́lɛɛ káa vúlu-ƃelai da zaa-ƃelai mɛni mai, é lûwa láa ǹúui kpîŋ ma.” Ǹyɛɛ ma máŋ, “Ǹalôŋ tí káa a kúkaayɔɔi da. Gáa a kúmaa tée-ƃelai dɔnɔ.”

Lûfi 3:11

Mɛni ma, ńoŋ-nɛnii, ífe yào. M̀ɛnii kélee ƃa ḿarê kɛ̀ m̀ɛni mai, ŋa pâi gɛ̂i yɛ̂, kpɛ́ni fêi, ḿarâa taa-ƃelai kélee dí gɔ́lɔŋ a gɛ́ɛ íkaa a nɛní lɛ́lɛɛ.

Lûfi 3:13

Nyii ƃɛ́ sâa. Tínaa ɣele-wala kwa pâi gâai à kɛ̀ a pâi ímaa mɛ̂ni siɣêi a ŋ̀ûa-kpiri. Kɛ́lɛ à wàla gɛ́, gɛ̀ ní ŋa pâi ímaa mɛ̂ni siɣêi a ŋ́ûa-kpiri tãi nɔ́ Yâwɛɛ káa la naai. Láa é lɛ́ɛ la zu ɣele é ƃɔ́.”

Lûfi 4:1

Boa è lì góraŋ la é sée naa. Ilimɛlɛ ŋɔkáayɔɔi, nyíi Boa è maa mɛni ƃôi, è pà naa. Nya ƃe Boa è mò mà ǹyɛɛi, “Ŋ̀wɛ̂lii, pá í ímaa yéŋ.” Nya ƃe è lì é sée.

Lûfi 4:4

Mɛni ma, ŋá gbɛ̀tɛ ŋ́gili ŋá a gɛ́ɛ ŋá m̀ó yâ a gɛ́ɛ í ǹyá dîai ŋí seêni ƃɛ́ da ŋánûa pɔlɔ-ŋai ŋɛ́i à kɛ̀ ƃa pâi ǹyai, ǹya. Kɛ́lɛ à kɛ̀ ífe pâi ǹyai, m̀ó ḿâ a gɛ́ɛ ŋá gɔ́lɔŋ, kpɛni fêi, núu da kélee fé naa é kúla ípôlu ǹɔii ŋí yá mɛni ma fɛ̂ɛ nɔ́ ńyãa.” È mò ǹyɛɛ, “Ŋa pâi ǹyâi.”