Lomaŋ 15:2 - Ŋ̀âla Kɔlɔ Maa Waai

² Fɛ̂ɛ kúkelee kú kúkɔlɛ-ma-ƃelai líi láa a gɛ́ɛ mɛni lɛ́lɛɛ é pá dípɔ díkponôi é kpanaŋ.

Lomaŋ 15:2 ပူးပေါင်းရင်းမြစ်များ

Lomaŋ 14:19

Mɛni ma kwaa mɛni-ŋai kɛ̂ nyíi-ŋai da pâ a lii-sêe da kpɔŋ-mâa kúkîe-ni kponôi kpanaŋ mɛni mai.

Kɔleŋtiɛŋ Maa-ŋuŋ 10:23

“Mɛni kélee káa tɔ̂ŋ lá-woo ma,” kɛ́lɛ, mɛni kélee fa kpɔŋ-mâa tɛ̀ɛ núu pɔ. “Mɛni kélee káa tɔ̂ŋ lá-woo ma,” kɛ́lɛ, mɛni kélee fa kúƃɔlɔ kúmɔlêŋ su.

Kɔleŋtiɛŋ Maa-ŋuŋ 10:24

Tɔɔ núu da kélee fé mɛni lɛ́lɛɛ kɔ̀ri gbîŋ mɛni ma, kɛ́lɛ, é mɛni lɛ́lɛɛ kɔ̂ri ŋɔkɔlɛ-ma-nuui mɛni ma.

Kɔleŋtiɛŋ Maa-ŋuŋ 10:33

yɛ̂ɛ berei ŋa kɔ̂i la a gɛ́ɛ ŋa núu kélee líi láa ŋ́gɛ-mɛni kélee sui, fa mɛni lɛ́lɛɛ kɔ̀ri ŋ́gbîŋ mɛni ma, kɛ́lɛ, ŋa mɛni lɛ́lɛɛ kɔ̀ri núu támaa mɛni ma a gɛ́ɛ núu támaa dí ƃálo.

Kɔleŋtiɛŋ Maa-ŋuŋ 13:5

Va zu-mɛ̂ni kɛ̀tɛ, va ŋumɛ-tûa kɛ̀. Wɛli-kɛ́-maa fa gbîŋ-pere kɔ̀ri, va ǹíi ŋwàna a maa félaa, va mɛni nyɔ́mɔɔ su gbà kùla.

Kɔleŋtiɛŋ Maa-ŋuŋ 14:26

Lé ƃe ŋaŋ, ŋánûa? Kà pà kákîe ma, ǹúui da-ni wule káa díla, da-ni sɛŋ lɛ́ɛ kɛ́ ƃo díyêei, da-ni sii-woo da kpɛni ƃó pere kɛ́ ƃo díyêei nyíi núu fa târe zui, da-ni la-woo su-kulaa kɛ́ ƃo díyêei. Tɔɔ mɛni kélee é kɛ́ mɛni lɛ́lɛɛ mɛni ma.

Kɔleŋtiɛŋ Maa-ŋuŋ 14:3

Ǹúui a Ɣâla-woo ƃôi, a lôno núu-kpune pɔ́ díkponôi-kpanaŋ mɛni ma da fɔlɔ-fɔlɔ é pɛ́lɛ ŋa-nɛnɛ ma.

Kɔleŋtiɛŋ Veerɛi 12:19

Ká kɛ̀ kákili ŋa siâi a tãi kélee a gɛ́ɛ kú kɛ̀ kúkpîŋ maa kɔ̃ɔ̂i káŋɛi? Ŋáwɛli-kɛ-maa-ƃelai, kú kɛ̀ lônoi Kôrai kponôi Ɣâla ŋɛi, ǹyaŋ nyíŋi kélee káa nɔ́ káƃɔlɔ mɛni ma.

Kɔleŋtiɛŋ Veerɛi 13:9

Kpɛ́ni fêi, kúlii nɛ̃ɛ̂i à kɛ̀ kúfii kpɛɛ̂i kákponôi kpanaŋɔɔ. M̀ɛnii kwa Ɣâla fɛlîi mɛni mai, ǹyaa ƃa kámaa-mɛni kélee su é sã́a.

Ifisiɛŋ 4:12

a gɛ́ɛ Ɣâla ŋɔnûai dí kɛ́ a díkpɛtɛɛ ŋɔtíi mɛni ma, a gɛ́ɛ Kôrai kponoi é tɔ́ɔ,

Ifisiɛŋ 4:29

Káfe ǹɛɛ naa lono nyɔ́mɔɔ é kúla kála, kɛ́lɛ, lono nɔ́ a nyíi a lii-laa tɛ̀ɛ núu pɔi, nyíi ǹɛ́lɛɛ̂i mɛnii ka gɛ̂i mɛni mai, a gɛ́ɛ kálono-wooi é lûwa láa diai dîa da káwoo mɛnii.