Lomaŋ 14:2 - Ŋ̀âla Kɔlɔ Maa Waai

² Núu tɔnɔ a gíli ŋá sia a gɛ́ɛ a pɔ̂ri mii-sɛŋ sii kélee miî, kɛ́lɛ, ǹúui nyíi vii kpɛɛ̂i ŋɔlaa-lai sui a tuma-laa mii nɔ́ da wuru-ƃa.

Lomaŋ 14:2 ပူးပေါင်းရင်းမြစ်များ

Temete Maa-ŋuŋ 4:4

Kpɛ́ni fêi, sɛŋ kélee Ɣâla è gbɛ̀tɛi, ǹɛ́lɛɛ̂i. Kúfe kúyee kùla Ɣâla kpɛtɛ-sɛŋ da kélee mu a kɛ̀ kú zɔlɔ ƃô a sɛɣɛi-féi.

Lomaŋ 14:14

Ŋá gɔ́lɔŋ, ńaa la, Kúnuu-namui Zîsɛ sârai, a gɛ́ɛ sɛŋ da kélee fe naa maa fe waa ni gbîŋ kponôi; kɛ́lɛ, ǹúui à gàa a gɛ́ɛ maa fe waa ni, maa fe waa ni ŋ̀ɛi.

Táre-woo-ŋa 15:17

Tuma-laa-lao su fólo miɛɛ ka íwɛli-kɛ-maa-nuu lɛ̂lɛi é tɛ́ɛ la niŋa-sua-lao miɛɛ ma ka íkpɔara-nuu.

Ibulu 13:9

Káfe nɛ̀ɛ naa sɛŋ-lɛɛ nina sii da kpɛni-ŋa díka kásiɣe pere ma. Kpɛ́ni fêi, ǹɛ́lɛɛ̂i a gɛɛ Ɣâla ŋɔƃɛlɛ-sêei é núu líi su kpanaŋ, kɛ́lɛ, zu fé kpànaŋ a mii-sɛŋ sii da miɛɛ, nyíi mii-ƃela dífa mɛni lɛ́lɛɛ kùla zui.

Galesiɛŋ 2:12

Kpɛ́ni fêi, ǹûai kùla Zĩi pɔ́naai, dí lɛ́ɛ pâi, Pitɛ da Zɛ̃tai-ŋai dí dílaa mìi gîe m̀a. Kɛ́lɛ, tãi ǹûai ŋí dí pà lai, Pitɛ da Zɛ̃tai-ŋai dífe ŋɔ́nɔ dílaa mii ní gîe m̀a. È gbîŋ kùla dísama, kpɛ́ni fêi, è kɛ̀ yáôi diai dîa dí mò a gɛ́ɛ fɛ̂ɛ dí núu see kpono mâ é lɛ́ɛ kɛ̂i a Kôrai-nuui.

Zɛnɛse 9:3

Fúlu sãa kélee díkaa a mii-sãa kámɛni ma. Yɛ̂ɛ berei ŋá tuma-laa tɛ̀ɛ la kápɔi, ŋa sɛŋ kélee tɛ́ɛ kápɔ.

Ibulu 9:10

Kɛ́lɛ, díkaa nɔ́ mii-sɛŋ mɛni ma, kpele-sɛŋ, da núu-waa-pere sii da kpɛni-ŋa, é pɛ́lɛ núu kpono ŋɔtɔ̂ŋ-ŋai dîa nyíi-ŋai da bù ǹûai dîa é lɛ́ɛ la zu mɛni maa-faleŋ tãi é seri.

Taitɔ 1:15

Diai dímaa waâi, sɛŋ kélee maa waa díŋɛi, kɛ́lɛ, diai díliƃiɛ̂i laa-la fé díyêei, sɛŋ maa fé waa ní díŋɛi. Díkili-ŋa-siai kpîŋ máŋ liƃiɛɛ̂i.

Kɔleŋtiɛŋ Maa-ŋuŋ 10:25

Sua sii kélee ka pɔ̂ri ǹyâi nɔ́ɔ-kpalaŋ ŋái, ka ǹyá ka mii kákili-ŋa-siai fé gɛ̀ ká mare-kɛ̂ɛ kɛ́.

Danîa 1:12

“Kɛ́ nɔ́ tuma-laa da kpele-ya tɛɛ̂i kúpɔ fólo puu yée mu a kúwɔ̂ mii-sãai.

Danîa 1:16

Nya ƃe ǹúui kɛ̀ dí mɛi káa mɛni mɛi è kɛ̀ tuma-laa tɛɛ̂i dípɔ a díwɔ̂ mii-sãai. Dífe kɛ́ ní m̀ii-sãai da miî nyii gâloŋ è m̀ɛni ƃòi.

Zɛnɛse 1:29

Ɣâla è mò dîa ǹyɛɛi, “Ka gáa, ŋa kala-káo sîi kélee tɛ́ɛ kápɔ nyii-ŋai da lɛ̂lɛ ǹɔii mai da ƃá-wuru sîi kélee. Da pâi kɛ̂i a kámii-sãa.

Lomaŋ 14:1

À kɛ̀ a ǹúui nyíi víi kpɛɛ̂i ŋɔlaa-lai sui, ka káyee see mu, kɛ́lɛ, ka dîa-ni káfe sîa tòo mɛnii ma kálaâi-lai.

Lomaŋ 14:20

Ífe Ɣâla ŋɔtíi kàra mii-sɛŋ mɛni ma. Sɛŋ kélee maa waâi kpɔ́ a ǹɛ́lɛɛ, kɛ́lɛ, ve lɛlɛ ni a gɛ́ɛ m̀ii-sɛŋ núu a mii é marâa kɛ́ dí tóo la.

Lomaŋ 15:1

Kúai kúkponôi kpanaŋɔɔ̂i, maa nɛ̃ɛ̂i kú kúlii kpéle vii-kpɛɛ-ƃelai díkili-ŋa-sia nyɔ́mɔɔ-ŋai yêei, kúfe kúkpîŋ líi làa.

Kɔleŋtiɛŋ Maa-ŋuŋ 8:9

M̀ɛnii ka pɔ̂ri gɛ̂i nya ƃa ka kámɛi káa. A wàla kɛ́ tí, gɛ̀ ní káŋuŋ-ma-ƃoi a pâi kɛ̂i a vii kpɛɛ-ƃelai perêi kpáaŋ-sɛŋ.

Kɔleŋtiɛŋ Maa-ŋuŋ 9:22

A kɛ̀ a vii kpɛɛ-ƃelai, ŋá ŋ́gbîŋ kɛ̀ a fii kpɛɛ-nuu a gɛ́ɛ ŋa vii kpɛɛ-ƃelai líi pene. Ŋa ŋ́gbîŋ kɛ́ a sɛŋ kélee núu kélee mɛni ma a gɛ́ɛ ŋá kɔ́ pere-sii kélee su ŋá ǹúui da-ni ƃálo.