Lomaŋ 13:9 - Ŋ̀âla Kɔlɔ Maa Waai

⁹ Dɔ̂ŋ-ŋai dîyɛɛi, “Ífe wulu-wulu kɛ̀, Ífe núu paa, Ífe ŋuma kɛ̀, Ífe sɛŋ maa-lii tee.” Dɔ̂ŋ-ŋai ŋí da gbeli-ŋai puɔɔ̂i gîe-ma ŋoo-ŋai ŋí su, “Íkɔlɛ-ma-nuui wɛ́li yɛ̂ɛ yá kpîŋ.”

Lomaŋ 13:9 ပူးပေါင်းရင်းမြစ်များ

Levetekɔ 19:18

Káfe mɛni kpâ kùla, kpaa máŋ mɛni nyɔ́mɔɔ é kɛ́ kálii su káƃarâŋ nuu mɛni ma, kɛ́lɛ ka kákɔlɛ ma ǹúui wɛ́li yɛ̂ɛ káa kpîŋ. Ńyãa ƃa Yâwɛɛ.

Levetekɔ 19:34

Ka ŋ̀ɔ̃ya-ŋai síɣe a káta, ká díwɛli yɛ̂ɛ káa kpîŋ, kpɛni fêi, káa máŋ ka kɛ̀ a ŋɔ̃ya-ŋa Ize lɔii su. Ńyãa ƃa Káɣâlai, Yâwɛɛ.

Maafîu 22:39

Ǹyaŋ veerɛi moloŋɔɔ̂i mai, ǹya ká ŋí, Íkɔlɛ-ma-nuui wɛ́li yɛ̂ɛ yá kpîŋ.

Mâki 10:19

Í dɔ̂ŋ-ŋai kɔ́lɔŋ: ‘Ífe núu pàa, ífe wulu-wulu kɛ̀, ífe ŋúma kɛ̀, ífe wôya sere-faa kɛ̀, ífe wôya kɛ̀, ƃâa kɛ́ ínâŋ ma da ílee.’ ”

Mâki 12:31

Veerɛ ɣelei ká ŋí, ‘Íkɔlɛ ma-nuui wɛ́li yɛ̂ɛ yá kpîŋ.’ Dɔ̂ŋ da kpɛ́ni fé naa é tɛ́ɛ nyiŋi-ŋai ŋí dîa.”

Lûu 10:27

Nya ƃe e zu tòo, ǹyɛɛi, “Fɛ̂ɛ í Ínuu-namu-Ɣala wɛ́li a ílii kélee, ímɔ̂leŋ kélee, íwala-wala-laai kélee, íkili kélee, í íkɔlɛ-ma-nuui wɛ́li yɛ̂ɛ íkpîŋ.”

Lûu 18:20

Í dɔ̂ŋ-ŋai kɔ́lɔŋ: Ífe wulu-wulu kɛ̀. Ífe núu paa. Ífe ŋuma kɛ̀. Ífe wôya-sere-faa kɛ̀ Ƃâa kɛ́ ínâŋ ma da ílee.”

Galesiɛŋ 5:13

Kpɛ́ni fêi, ŋánûa, dí kátòli ŋuŋ-ma-ƃo ma. Káfe tíi kɛ̀ nɔ́ a káŋuŋ-ma-ƃoi kákpîŋ-tua-perei ma, kɛ́lɛ, ka tíi kɛ́ la wɛli-kɛ-maa sarâi, ká kɛ́ a kákîe-ni yée-mu-ƃela.