Lomaŋ 13:1 - Ŋ̀âla Kɔlɔ Maa Waai

¹ Tɔɔ núu kélee è gɔmɛnɛ-ƃelai wóo mɛni. Kpɛ́ni fêi, wála-wala kélee fe naa fɛ̂ɛ e kula Ɣâla yêei, ǹyaŋ, gɔmɛnɛ-ƃelai díkaa ɣele mai, Ɣâla ƃe dísee.

Lomaŋ 13:1 ပူးပေါင်းရင်းမြစ်များ

Wule-woo-ŋa 62:11

Ŋa Ɣâla wóo mɛ̀ni a tãi kpɛ́-kpɛɛ ǹyɛɛ wála-wala-laa káa a bɔ́ɔ,

Táre-woo-ŋa 24:21

Ńoŋ, yao Ɣâla Yâwɛɛ ma da gâloŋ. Ífe pìli diai sáma da ŋ̀wɛ̂lii dí tɔ́ɔ dîai.

Danîa 2:21

Nya ƃe a mɛni-ŋa maa fâleŋ. A gɛ̀ fólo lá-ƃoɔɔ é tɛ́ɛ, sama tãi é pá. A kâloŋ-ŋa sèe gɛ́ díwolo. A táre tɛ̀ɛ dáre-ƃelai pɔ́, gɛ́ mɛni ŋá káa tɛ̀ɛ diai pɔ́ da mɛni ŋá kaai.

Danîa 4:17

Ɣâla-taa kela-ŋa ƃé pà dí m̀ɛnii ŋí duŋ tòo a gɛɛ ŋ̀éniɛi su-ƃelai kélee dí gɔ́lɔŋ Ŋ̀wála-wâla kélee Ɣalai ƃe gáa kâloŋ-laa kélee mɛi. A wála-wala tɛ̀ɛ núu kélee pɔ́ yɛ̂ɛ berei a ŋwɛ̂li lai. A nɛ̃ɛ ma maa nuui é kɛ́ a núu doo-mu.”

Danîa 4:32

Da pâi íkulâi núu-kpune sáma dí ítɛɛ ǹɔɔi su. Ya pâi kɛ̂i naa í kɛ́ kala mîi yɛ̀ɛ fɛnɛ-sɛŋ a kóraŋ lɔ́ɔlu mɛi feerɛ. Ya pâi gɔ́lɔnîi a gɛɛ Ŋ̀âla Kɛ́tɛi ƃa sɛŋ kélee ǹâmu. Ǹyaŋ núui a ŋwɛ̂li é da tɛɛ bɔ́i, maa nûui ƃé a da tɛɛ bɔ́.”

Maafîu 6:13

Tɔɔ kútuɛ kúfe píli yee-laa-maa su, Kɛ́lɛ, í kúkula mɛni nyɔ́mɔɔ su. (Kpɛ́ni fêi, ƃia ƃe ípɔɔ ƃa gâloŋ-laai, ŋwála-wala-laai, da vólo-laai, wɔlɔ-wɔlɔ da wɔlɔ-wɔlɔ. É kɛ́ tí.’)

Zɔ̂ŋ 19:11

Zîsɛ e ŋ̀óo su tòo, ǹyɛɛ ma, “Wala-wala kélee fei pɔ̂ri kɛ̂i íyeêi ḿɛi, fɛ̂ɛ e kula Ɣâla yêei; maa-mɛni ma diai ńdɛ̀ɛ ípɔi dísɔnyɔ̂ŋ su kɛ́tɛ̂i.”

Zia-ƃelai Kɛ́-mɛni-ŋai 2:41

Núu támaa dí díyee sèe ŋɔwóoi mu dí díbatâi kɛ̀. M̀aa ɣele tɔnɔi tí núu kɛ́ɛ yɛ̂ɛ núu wála saaƃa ƃé dí tòo ǹaa-la-ƃelai dîa.

Lomaŋ 12:21

Káfe nɛ̀ɛ naa sɔnyɔ̂ŋ yée fè tɛ̀ɛ kâa. Kɛ́lɛ, káyee e tɛ́ɛ sɔnyɔ̂ŋ ma a mɛni lɛ́lɛɛ kɛ́ɛ.

Lomaŋ 13:2

M̀ɛni ma núu à tɔ̀ɔ gɔmɛnɛ-ƃelai la, gɛ̀ ní a tɔɔ máŋ diai lá Ɣâla e dílɛi. Diai da tɔ̀ɔ gɔmɛnɛ-ƃelai lai da pâ a tɔŋ-pu-maa díkpîŋ pɔ.

Ifisiɛŋ 5:21

Ka kɛ́ kákîe-ni mu Kôrai ŋɔyao-maai su.

Dutɛrɔnome 17:12

Ǹúui va ƃaa-kɛ-maa tɛ̀ɛ m̀ɛni-saa ƃó-nuui pɔ́ da zâla láa-soŋ-nuui nyii káloai ka Yâwɛɛ nii fɛ̂ɛ dí m̀aa-nuui páa. Fɛ̂ɛ ka zɔnyɔ̂ŋ-ƃelai kùla Eezuɛ lɔii su.

Temete Maa-ŋuŋ 2:2

É kɛ́ kâloŋ ŋa mɛni ma da ǹúu-mɛi-ƃelai kélee a gɛ́ɛ kú kúfulu-laai kɛ́ maa-yeŋ pere su da lii-sêe, kú Ɣâla líi láa, ƃaa kɛ́-maa é kɛ́ kúyêei pere sii kélee su.

Taitɔ 3:1

Doo díkili ŋá a gɛɛ dí kɛ́ dímɛi-ƃelai mû da ŋwála-wala ƃelai, dí kɛ́ a wóo-mɛni ƃela. Dí kɛ́ a díkpɛtɛɛ tíi lɛ́lɛɛ kélee mɛni ma.

Zûu 1:8

Kɛ́lɛ, é máŋ kɛ́ tí, bere sii tɔnɔi ŋí su, ǹûai ŋí máŋ da núu kpono kara díkili-ŋa-sia nyɔ́mɔɔi su. Dífa díwoli tɔ̀ɔ ǹúu-tuɛ-ƃelai dîa, díkɛ lóno nyɔ́mɔɔ kɛ̀ gɛ́ pîlaŋ Kôrai ŋɔfólo-laai ma.

M̀ɛni-lɛɛi 1:5

Ƃɛlɛ-sêe é kɛ́ kâa da lii-sêe é kúla zere-faa kɛ-nuu sã́ai Zîsɛ Kôrai yêei, nyíi kɛ̀ a ǹúui maa-ŋuŋ kùla saa yêei, gɛ̀ ƃò ŋɔ́nɔ a ǹɔii su-kaloŋ-ŋai mɛi-nuui. Ǹúui kúwɛli ni nyíi kúŋuŋ ma ƃò kúsɔnyɔ̂ŋ yêei a ŋãai,

M̀ɛni-lɛɛi 17:14

Da pâi kɔ́ pɛlɛ̂i M̀ála-loŋ mâ. M̀ála-loŋ a pâi díyee mɛi ɣálêi, kpɛ́ni fêi, gáa a nuu-namu kélee Mɛi-nuu-namu, gɛ ƃo a kâloŋ-ŋa kélee Mɛi-kaloŋ. Diai díkaa gɔlɛi, dítoliɛ̂i, dílɛɛ, dísã́a.”

M̀ɛni-lɛɛi 19:16

Láa è kɛ̀ a pɔ̃yɛɛ ŋɔyokpoi ma da ŋ̀wɛ́rɛ ma, nyíi kɛ̀ a kâloŋ-ŋa kélee Díkâloŋ da nuu-namela kélee Dínuu-namui.

Samia Maa-ŋuŋ 2:8

A gôlo-ƃelai tɛ̀ ɣelêi. A kwaa ma tɛ̀ɛ dîai pɔ́ díkɛ̂i fé mai. A dísiɣe yɛ̂ɛ kâloŋ lonii é dísee ƃaa-kɛ́-maa see-sɛŋ ŋá. Yâwɛɛ ƃé ǹɔii kpɛ̀tɛ, ǹyaŋ zãâi kélee zui, gáa a bɔ́ɔ.