Lomaŋ 1:3 - Ŋ̀âla Kɔlɔ Maa Waai

³ Duŋ lɛ́lɛɛi ŋí pîlaŋɔɔi Ǹóŋ ma, nyíi dí m̀aa sɔlɔ ƃo Deeƃé ŋɔsuui su, yɛ̂ɛ berei núu-kpune maa-sɔlɔ ƃo-pere káa lai.

Lomaŋ 1:3 ပူးပေါင်းရင်းမြစ်များ

Zɛnɛse 3:15

Ŋa pâi kpɔara lɔ̂i káloai ka nɛnîi, ísuui da nɛnîi ŋɔsuui. Da pâi ƃɔ́rɔni íŋuŋ ma, yáŋ ya pâi dínyinîi díkɔɔ ma.”

Wule-woo-ŋa 2:7

Gâloŋ è m̀o ǹyɛɛi, “Ŋa pâi Yâwɛɛ ŋɔtɔ̂ŋ maa mɛ̂ni toôi a lolo.” Yâwɛɛ è m̀o ḿâ ǹyɛɛi, “Ńyãa ƃe ímaa sɔlɔ ƃô. Yâa sâa kɛ́ a nóŋ.

Zɛlemaya 33:26

Ǹyaŋ berei nɔ́ ŋá m̀ɛni-ŋai ŋí kɛ̀ la a tɔ̃yâi, bere nɔ́ ƃé ŋa pâi ŋákpanaŋ-wooi nyíi ŋá gɛ̀ Zeeka ŋɔsuui da ńyee-mu ǹúui Deeƃé ŋɔsuui yêei kɛ̂i la. Ŋa pâi Deeƃé ŋɔsuui su nuu tɔnɔ siɣêi a gɛɛ é kɛ́ Eberaɣɛ̃ɛ, Aise da Zeeka suui su-ƃelai mɛi. Ŋa pâi ŋá ǹûai ŋɛ́i malôŋ kâai, ŋá ŋɔ́nɔ gɛ́ díƃûu ƃó.”

Emɔ 9:11

Maa-ɣelei tí ŋa pâi Deeƃé ŋɔpɛ́rɛi siɣêi ŋá dɔɔ, nyii doɔ̂i, ŋá bɛ́ŋ pɛ́lɛ, ŋá mu siɣe ŋá dɔɔ yɛ̂ɛ berei è wɔ́lɔ kɛ̀ a dɔɔ́ lai,

Maafîu 1:1

Zîsɛ Kôrai, nyii gáa a Deeƃé ǹóŋ da Eberaɣɛ̃ɛ ǹóŋ, ŋɔsuui pîlaŋ-pere ká ŋí.

Maafîu 1:16

Zeeka kɛ́ ƃò a Zosɛ ǹâŋ, nyii kɛ̀ a Mere ŋɔsurɔ̂ŋ, nyii Zîsɛ sɔlɔ ƃô da kɛ̂ mà Kôrai.

Maafîu 1:6

Zɛse kɛ́ ƃò a gâloŋ Deeƃé ǹâŋ. Deeƃé kɛ́ ƃò a Saloma ǹâŋ, nyii da Yuraya ŋɔnɛnîi dí zɔlɔ ƃôi.

Maafîu 12:23

Gbɔŋ kélee lá è kpàla dîa, dîyɛɛi, “Deeƃé Ǹóŋ ƃe ŋí?”

Maafîu 15:22

Keena-nɛni tɔnɔ è kùla gbiniŋ tɔnɔi tí su é pá bɔ é wɔ́lɔ ma, ǹyɛɛi, “Malôŋ káa, Óo Kúnuu-namui, yái íkaa a Deeƃé Ǹóŋ. Nyînaŋ nyɔ́mɔɔ káa ńoŋ-nɛnîi pôlu a gbanaŋɔɔ.”

Maafîu 26:63

Kɛ́lɛ, Zîsɛ è m̀ɛi sâa. Nya ƃe zâla láa soŋ-nuu kɛ́tɛi è mò m̀a, ǹyɛɛi, “Fɛ̂ɛ í ífoo a vulu-laa Ɣalai í m̀o kûa à kɛ̀ íkaa a Kôrai, Ɣâla Ǹóŋ.”

Maafîu 27:43

Ǹáâi a Ɣâla, tɔ̀ɔ nâa é m̀álo, à kɛ̀ à ŋ̀wɛli. Kpɛ́ni fêi, è mò ǹyɛɛ, ‘Ŋ́gaa a Ɣâla Ǹóŋ.’ ”

Maafîu 3:17

Nya ƃe wóo è kùla ŋelei su, ǹyɛɛi, “Ŋáwɛli-kɛ-maa-Lóŋ ká ŋi nyii maa-mɛni a ńii láai.”

Maafîu 9:27

Zîsɛ kúlaa naa gɛ tɛɛ̂i, ŋɛ́i-pu-ƃela feerɛ dí lɛ̀ɛ bôlu díkɛ wɔ̂lɔ, dîyɛɛi, “Kúmalôŋ káa, yai íkaa a Deeƃé Ǹóŋ.”

Lûu 1:35

Ŋ̀âla-taa-kelai e mò ma, ǹyɛɛi, “M̀ɔlêŋ Maa Waai a pâi pâi ímɛi, ǹyaŋ Ǹúui Gɛ́tɛi ŋɔwála-wâla-laai a pâi ǹinîŋ pûi yâ, nyii ya pâi zɔlɔ ƃôi da pâi dólîi a núu maa waai, Ɣâla Ǹóŋ.

Lûu 1:69

a ƃálo-laa-míla mu siɣe kúmɛni ma a ǹyée-mu-nuui Deeƃé ŋɔkáayɔɔi da,

Zɔ̂ŋ 1:14

Ǹyaŋ Ŋ̀óoi è kɛ̀ a núu-kpune gɛ́ ƃò kúsama. Kú ŋɔfólo-laai kâa gɛɛ yɛ̂ɛ Nâŋ Ɣâla Ǹóŋ tɔnɔi ŋɔi, ǹáa fɛ́ɛ a tɔ̃yâ da ƃɛlɛ-sêe.

Zɔ̂ŋ 1:34

Ǹyaŋ ŋa gáa, ŋa maa-sêre-faa kɛ̀ a gɛɛ nyiŋi ƃe gáa a Ɣâla Ǹóŋ.”

Zɔ̂ŋ 1:49

Natɛnia e zu tòo, e m̀o ma, “Kaamɔ̂ɔ, íkaa a Ɣâla Ǹóŋ! Íkaa Eezuɛ Ŋɔkâloŋ!”

Zɔ̂ŋ 10:30

Kwa Nàŋ-nuui kúkaa tɔnɔɔ.”

Zɔ̂ŋ 10:36

ka pɔ̂ri m̀ôi e pîlaŋ ǹúui ma nyii Nàŋ-nuui e m̀aa wàa e dɛɛ ǹɔii sui, ‘Íkaa tɛ̀ Ɣâla ŋɛi kɛ̀i,’ kpɛ́ni fêi ŋá mò ‘Ŋ́gaa a Ɣâla Ǹóŋ?’

Zɔ̂ŋ 20:28

Tama è ŋ̀óo su tòo, ǹyɛɛi, “Ŋánuu-namui da Ŋáɣâlai!”

Zɔ̂ŋ 20:31

Kɛ́lɛ, nyiŋi-ŋai ŋi pɔ̃yɛɛ̂i a gɛɛ ká láa la a gɛɛ Zîsɛ ƃe gáa a Kôrai, Ɣâla Ǹóŋ, a gɛɛ ǹyaŋ kà làa la, fulu-laa é kɛ́ káyêei ǹáai su.

Zɔ̂ŋ 5:25

“Tɔ̃yâ kpîŋ, ŋá m̀ó kâa, tãi a pâi, gáa nâa ƃɛ, tãi zaa-ƃelai da pâi Ɣâla Ǹóŋ wóo mɛnîi, diai kélee ǹyaŋ pâi mɛnîi, da pâi kɛ̂i ɣele ma.

Zɔ̂ŋ 7:42

Kɛrɛ̂e? Ŋ̀âla-kɔlɔi e mò a gɛɛ Kôrai a pâi kulâi Deeƃé ŋɔsii su, é kúla Bɛpeleɣɛ̃ɛ, daai nyii Deeƃé e kɛ̀ naai?”

Zia-ƃelai Kɛ́-mɛni-ŋai 2:30

M̀ɛni ma gɛ́ɛ a Ɣâla ŋɔlóno kɛ́-nuui, gɛ́ ƃò a gɔ́lɔŋɔɔ a gɛ́ɛ Ɣâla a góno tée ǹyêei kpɔ́ a gbanaŋɔɔ a gɛ́ɛ a pâi ŋɔsuui su-nuu dɔnɔ seêi ŋɔkâloŋ see-sɛŋ ŋái,

Zia-ƃelai Kɛ́-mɛni-ŋai 3:13

Eberaɣɛ̃ɛ Ŋɔɣâlai Aise Ŋɔɣâlai, Zeeka Ŋɔɣâlai, da kúnâŋ-ni Díɣâlai ƃé ǹyée mu-nuui Zîsɛ ŋɔfólo-laai maa tɛ̀, nyíi ka dɛ̀ɛ Pâle pɔ́ ka m̀aa sîa too ŋ̀ɛ́i, tãi è gbɛ̀tɛ la a gɛ́ɛ é ŋ̀uŋ ma ƃói.

Zia-ƃelai Kɛ́-mɛni-ŋai 8:36

Díkɛɛ liî, dí kùla yá da ma. Nya ƃe ǹalôŋ e mò, ǹyɛɛ, “Ƃɛ káa. Yá ká ŋí! Le ƃa pɔ̂ri ŋábatâi-mɛnii kperâi?” [

Zia-ƃelai Kɛ́-mɛni-ŋai 9:20

È Zîsɛ maa mɛni ƃò kpɔ́ Ŋ̀âla-fɛli kêre-ŋai mu a maa félaa a gɛ́ɛ gáa a Ɣâla Ǹóŋ.

Lomaŋ 1:9

Ɣâla káa a ŋásêre a gɛ́ɛ ŋa kálaa tòli Ŋáɣâla-fɛliɛɛi su a ɣele kélee. Ŋa tíi kɛ̀ mì a ńii kélee Ǹóŋ maa-tuŋ lɛ́lɛɛi ƃóɔɔ su.

Lomaŋ 4:1

Kwa pâi ŋaŋ kɛ̂i lé é pîlaŋ Eberaɣɛ̃ɛ ma nyíi gáa a kúnâŋ pɔlɔ yɛ̂ɛ berei núu-kpune maa sɔlɔ ƃo-pere káa lai?

Lomaŋ 9:3

Kpɛ́ni fêi, eêi pɔ̂ri kɛ̂i a sɛŋ a gɛ́ɛ ńyãa kpîŋ dí tɔ̂ŋ pu mâ dí ŋ́gula Kôrai ma ŋánûai díƃalo-laai mɛni ma, nyíi-ŋai díkaa a ŋásii.

Lomaŋ 9:5

Dia ƃe nàŋ-ƃela pɔlɔ-ŋai díkaa a dínâŋ-ni, ǹyaŋ Kôrai é kúla dísîi su yɛ̂ɛ berei díkaa-pere káa lai. Gáa a Ɣâla nyíi gáa sɛŋ kélee mɛi. Lûwa é kɛ́ mà wɔlɔ-wɔlɔ da wɔlɔ-wɔlɔ. É kɛ́ ti.

Kɔleŋtiɛŋ Maa-ŋuŋ 1:9

Ɣâla sãâi, nyíi kátòli Ǹóŋ Zîsɛ Kôrai Kúnuu-namui ŋɔkɛ-naai sui.

Kɔleŋtiɛŋ Maa-ŋuŋ 10:18

Ka kákili ŋá sía Eezuɛ tua-pere ma. Diai da zâla-sãai mii, dífe zu tɔnɔɔ Díɣâla-mɛni kɛ́ɛ su?

Galesiɛŋ 4:4

Kɛ́lɛ, tãi kpîŋ páai, Ɣâla è Ǹóŋ tɛ̀ɛ, nyíi nɛnî è zɔlɔ ƃôi. È pà dɔ̂ŋ yée mu. È pà a gɛ́ɛ é diai maa tée kɛ̂ dɔ̂ŋ mui,

Tɛsɛlôniɛŋ Maa-ŋuŋ 1:10

e pɛlɛ berei ma ka Ǹóŋ maa kpɛ̂ŋ la nyíi kùla Ɣâla-taai. Ɣâla è m̀u siɣe saa yêei. Gáa a Zîsɛ nyíi kúkùla Ɣâla ŋɔlii-ŋwanai su nyíi pâi.

Temete Maa-ŋuŋ 2:5

Kpɛ́ni fêi, Ɣâla káa nɔ́ tɔnɔ, ǹyaŋ nuu-loai-nuu tɔnɔ nɔ́ ƃe naa nyíi gáa Ɣâla loai da núu-kpunei. Maa-nuui ƃa Zîsɛ Kôrai,

Temete Maa-ŋuŋ 3:16

Kwa mò a gɛ́ɛ Kúɣâla-mɛnii ŋɔloo-mɛnii kɛ́tɛ̂i a tɔ̃yâ. È gbîŋ lɛ̀ núu-kpune kɛ-pere su, Ɣâla è fâa Ŋɔmɔlêŋ ma, Ɣâla-taa kela-ŋa dí gáa, nûa dí maa-mɛni ƃò ǹɔii-ŋai su, ǹɔii-su-ƃelai dí láa la, Ɣâla é tɛ̀ la fólo-laa su.

Temete Veerɛi 2:8

Zîsɛ Kôrai maa-mɛni é lɛ́ɛ íkili ŋá nyíi kùla Deeƃé ŋɔsuui su é mu siɣe saa yêei, yɛ̂ɛ berei ŋá mò la ŋátuŋ lɛ́lɛɛ ƃoɔi sui.

Zɔ̂ŋ Maa-ŋuŋ 1:3

nyíi kwa gáa, kwa mɛ̀nii, kwa m̀ôi kâa máŋ a gɛɛ kwa kâa-ni kú kɛ́ zu tɔnɔɔ. Ǹyaŋ kwa Nàŋ-nuui da Ǹóŋ Zîsɛ Kôrai-ni kúkaa zu tɔnɔ.

Zɔ̂ŋ Maa-ŋuŋ 3:23

Ŋɔtɔ̂ŋ ká ŋí a gɛɛ fɛ̂ɛ kú láa a Ǹóŋ Zîsɛ Kôrai láa, kú kúkîe-ni wɛ́li yɛ̂ɛ berei è mò la kûai.

Zɔ̂ŋ Maa-ŋuŋ 3:8

Ǹúui a sɔnyɔ̂ŋ kɛ̀i, gáa a Dɛ̂ƃele pɔ́ɔ, kpɛ́ni fêi, Dɛ̂ƃele è sɔnyɔ̂ŋ kɛ̀ é kúla gɔ́ɔ pîlanii. Sapoi Ɣâla Ǹóŋ è pà lai ƃa, a gɛɛ é Dɛ̂ƃele ŋɔtíi su kara.

Zɔ̂ŋ Maa-ŋuŋ 4:15

Ǹúui kélee a mò a gɛɛ Zîsɛ káa a Ɣâla Ǹóŋ, Ɣâla káa gbonôi, ǹyaŋ gɛ ƃo Ɣâla kponôi.

Zɔ̂ŋ Maa-ŋuŋ 5:1

Ǹúui kélee a lâa la a gɛɛ Zîsɛ káa a Kôrai, maa-nuui káa a Ɣâla ǹóŋ. Ǹúui kélee a nàŋ-nuui wɛ̂lii, è ǹônii wɛ́li ni máŋ.

Zɔ̂ŋ Maa-ŋuŋ 5:20

Kú gɔ̀lɔŋ Ɣâla Ǹóŋ a pá a mɛni-ŋa-kaa tɛ́ɛ kúpɔ a gɛ́ɛ kú ǹúui kɔ́lɔŋ gáa a dɔ̃yâ-nuui. Ǹyaŋ kúkaa dɔ̃yâ-nuui kponôi, ǹyaa ƃa Ǹóŋ Zîsɛ Kôrai. Ǹyaa ƃa Dɔ̃yâ-Ɣalai da wɔlɔ-wɔlɔ fulu-laai.

Zɔ̂ŋ Maa-ŋuŋ 5:5

Gbɛ̂ɛ ƃe ǹyée tɛɛ̂i ǹɔii ma é kúla ǹúui pôlu ǹaâi la a gɛɛ Zîsɛ káa a Ɣâla Ǹóŋ?

Zɔ̂ŋ Veerɛi 1:7

Núu-pɛlɛ ƃela támaa da lí ǹɔii sú, dia ƃa ǹûai dífa fâa Zîsɛ Kôrai pá mɛni ma núu-kpune kponôi. Ǹúu sii ŋai ŋí ƃe díkaa a ǹúu-pɛlɛ ƃelai da Kôrai ŋɔtɔɔ-maa ƃelai.

M̀ɛni-lɛɛi 2:18

“Ŋ̀óo-ŋai ŋí pɔ̃yɛ Kôrai-toli-kpɔŋ gáa Tayatirai ŋɔkélai pɔ́naa. ‘Ɣâla Ǹóŋ nyíi ŋ̀ɛi káa yɛ̂ɛ ŋɔŋ-leŋ, gɔ́ɔ kɛ́ ƃò yɛ̂ɛ ƃara-foloɔɔi, wóo-ŋai ká ŋí.