Levetekɔ 8:8 - Ŋ̀âla Kɔlɔ Maa Waai

⁸ È geŋe lá seɣe-kpuai too ma é mɛni-ŋa tee sãai pú zu nyii da dòli a Uliŋ da Tumiŋ.

Levetekɔ 8:8 ပူးပေါင်းရင်းမြစ်များ

Ɛzura 2:63

Zuda-ŋai dílɔii láa túɛ-nuui fé fáa ní ma a gɛɛ m̀ii-sãai da gùla Ɣâla ma a sâlai, ǹûai ŋí dí da mii. É lɛ́ɛ pâi kɛ̂i tí, fɛ̂ɛ sâla láa sóŋ-nuu kpîŋ é Uliŋ da Tumiŋ tóo é gáa à kɛ̀ maa nɛ̃ɛi é kɛ́ tí.

Niɛmaya 7:65

Zuda-ŋai dílɔii kpîniŋ mɛi nuui è mò ǹûai ŋí dîa a gɛɛ dífe m̀ii sɛŋ maa waai da mìi. Dí lɛ́ɛ pâi da miî, fɛ̂ɛ zâla láa soŋ-ƃelai da nyii a Uliŋ da Tumiŋ tòoi é ǹɛ́ a gɛɛ da pɔ̂ri da miî.

Ɛsedɔ 29:1

“M̀ɛnii ŋí ƃé ƃa pɔ̂ri gɛ̂i a Eelɔŋ da ǹônii sinaai a gɛɛ dí sâla láa-soŋ-tii kɛ́ mî. Niŋa-sirɛ naɣa tɔnɔ siɣe da ƃála-sirɛ feerɛ nyii-ŋai kɔlɔ-fela fé diai.

Wule-ŋa Kélee Mɛi Wûle 8:6

Tɔɔ ŋá wɛli kɛ́-maa lîi é kɛ́ ílii su, gɛ́ ƃò íyee ma a ŋɛi kɛ́-maa sɛ̂ŋ ḿaa mɛ̂ni ma. Wɛli kɛ́-maa wála-wâlai yɛ̂ɛ saa, dóloɔɔ yɛ̂ɛ ƃolôŋ. A sôŋ, gɛ́ núu kèreŋ yɛ̂ɛ ŋɔŋ.

Azaya 59:17

A pâi tɔ̃yâ-laa pɛlɛ̂i geŋe lá yɛ̂ɛ kɔ-kûluƃa keŋe lá kɔli-kalaŋ, é ƃálo-laa wàla-wala pɛlɛ ŋ̀ûa yɛ̂ɛ kɔkuluƃa ŋɔgba-ƃɛ́lɛ. A pâi mɛni kpa kuláa kɛ́ɛ toôi m̀a yɛ̂ɛ yòkpo, é m̀aa ɣirîi a lii-ŋwâna yɛ̂ɛ sɛŋ kpóŋ see-nuu, é gɛ́ mɛni-ŋa su é sã́a, é diai kula maa kɛ́ da nûa mɔ̃̀lɛi.

Nɔŋba 27:21

A pâi gíli kɛ̂i zâla láa-soŋ-nuui Ilieza ma nyii pâi ínîa-mɛnii maa kɔ̂rii Uliŋ da Tumiŋ sârai. Berei sîi ŋí ƃé Ilieza a pâi Zasua téniŋ tɔɔ̂i la da Eezuɛ-ŋai kélee dítii maa-mɛni kélee su.”

Ifisiɛŋ 6:14

Mɛni ma kà kpɛ̀ɛ a dɔ̃yâ-bɛ̂tii toɔɔ káleŋei, ká dɔ̃yâ-laa kɔli-kalaŋ pɛ́lɛ kákeŋe lá, ka Duŋ Lɛ́lɛɛi ŋɔlii-sêe kɔɔ-ŋa-kɔlɔi lɔ́ kákɔɔ ŋá kákpîŋ kpɛtɛ mɛ̂ni ma, ká tɔ́ɔ.

Dutɛrɔnome 33:8

È mò Liiva-ŋai dîa ǹyɛɛi, “Yâwɛɛ, ítûa-pere nyii ya ŋ̀wɛ̂lii lɛ̂ Liiva-ŋai dîa a tãi da kɛ̂ tii kɛ̂i la a Uliŋ da Tumiŋ. Í dísu-kɔɔŋ Masa. Í díkɛ a tɔ̃yâ-ƃela Mɛriba Yai ma.

Tɛsɛlôniɛŋ Maa-ŋuŋ 5:8

Kɛ́lɛ, tãi nɔ́ kúkaa la a ŋele-ƃɔɔi pɔ́ɔi, kwaa kɛ́ a kúŋuŋ su séɣeŋɔɔ, kú laa-la kɔli-kalaŋ da wɛli-kɛ-maa kɔli-kalaŋ pɛlɛ kúkeŋe lá gbaƃɛlɛi é kɛ̂ a ƃalo-laa maa-kili kɛ-zu.

Samia Maa-ŋuŋ 2:28

Maa tãi tí, ŋá Eelɔŋ da ŋɔsuui sìɣe zu Eezuɛ sii-ŋai kélee sáma ŋá díkɛ a ŋásâla láa soŋ-ƃela díkɛ sâla kùla ŋáteƃelei ma, díkɛ kéreŋ-sãa kúŋ nɛ̃ɛ kèreŋ naa, díkɛ zâla-laa kula seɣe-ŋai tòo dîa. Ŋá ŋɔŋ sâla sãai kélee da tɛ́ɛ dípɔ Eezuɛ.

Samia Maa-ŋuŋ 28:6

È Yâwɛɛ marê kɛ̀ m̀ɛnii ma a pɔri gɛ̂i. Kɛ́lɛ Yâwɛɛ fé ŋ̀óo su too ní see-woo su kpaa máŋ a Uliŋ da Tumiŋ, kpaa máŋ a Ɣâla ŋɔlóno kɛ́-nuu da.