Levetekɔ 8:7 - Ŋ̀âla Kɔlɔ Maa Waai

⁷ È yɛkɛ tòo Eelɔŋ ma é nyokpoi too mɛi é mɛi ɣíri a bɛ̂ti, é ɛfɔi too ma é mɛi ɣíri a seɣe ƃela bɛ̂ti palaa lɛ́lɛɛ.

Levetekɔ 8:7 ပူးပေါင်းရင်းမြစ်များ

Ɛsedɔ 28:2

Ƃaa-kɛ-maa seɣe lɛ́lɛɛ-ŋa kpɛtɛ ílîa Eelɔŋ mì.

Ɛsedɔ 28:4

Zeɣe-ŋai ká ŋí da pâi gbɛtɛ̂i, Seɣe kpua yîƃa kɛ́ɛ mà geŋe lá mɛni ma, ɛfɔ, yokpo, yɛkɛ pɔ̃yɛ, ŋua ƃɔrɔ da bɛ̂ti. Fɛ̂ɛ dí seɣe maa waa-ŋa kpɛtɛ ílîa Eelɔŋ mɛni ma da ǹônii a gɛɛ dí tíi kɛ́ mî a ŋásâla láa-soŋ-ƃela.

Ɛsedɔ 28:6

“Fɛ̂ɛ dí ɛfɔi kpɛtɛ a gôo, yee buluŋ kɛ́ɛ, yee-kpɔ̂lu m̀u tɛiɣɛɛ da ƃála-leɣa kpɔ̂lu, dí bɔ̃yɛ a ǹɛ́lɛɛ.

Ɛsedɔ 29:5

Zeɣe-ŋai síɣe í ǹyɛkɛ̂i tóo Eelɔŋ ma da ǹyokpoi. Í ɛfɔi tóo ma da geŋe lá seɣe kpuai. Í ɛfɔi ma bɛ̂tii lá tóo mà.

Azaya 61:10

M̀ɛnii Yâwɛɛ è gɛ̀i Zerusâlɛŋ a m̀aa koi-nɛ̃ɛ kula. Zerusâlɛŋ a m̀aa ɣíri yɛ̂ɛ nɛnî ƃé liî surɔ̂ŋ kulâi. Ɣâla a Zerusâlɛŋ m̀aa ɣíri a ƃálo-laa da yee-tɛɛ maa lâa.

Azaya 61:3

Diai díkaa maloŋ tôo maa su Zãiyɔŋ, ŋá pâi díŋa-nɛnɛ̂i. Ŋa pâi kâloŋ ƃɔrɔ lɛ́lɛɛ seêi díŋûa luu pɔ́ɔ ŋá. Ŋa pâi wúlɔ pûi díŋûa lii-nɛ̃ɛ kɛ́ ƃò dîa dífa ŋɔ́nɔ malôŋ see ƃò. Ŋa pâi laa maa tɛ̂ yokpo tôo dîa. Ŋa pâi ǹii-too pôlu mɔleŋ kulâi díkponôi. Da pâi dítôlii a teniŋ ƃô wuru-ŋa nyii Yâwɛɛ ǹyaa kpîŋ è zì a gɛ́ɛ nûa díkɛ ǹáa màa tɛ̀.

Izikiɛ 42:14

Tãi zâla láa-soŋ-ƃelai da kpɛ̂ɛ la a tíi kɛ́ɛ Yâwɛɛ ŋɛ́i-tuɛ, da kɛ̀ ŋ̀wɛ̂li a gɛɛ dí lí ǹûai pɔ́ naa banaŋ mâ, fɛ̂ɛ dí díseɣe maa-waa-ŋai lɛ́ɛ gwaai ŋí ma dílɛɛ pâi kulâi ǹûai pɔ́naa. Gáa a sɛŋ dí seɣe da kpɛ́ni-ŋa tòo dîa dílɛɛ pâi lɛɣɛ̂i a ǹûai.”

Lomaŋ 13:14

Kɛ́lɛ, ka Kúnuu-namui Zîsɛ Kôrai siɣe kálii su. Káfe kwaa ma lɛ̀ɛ kákponôi mɛni ma a gɛ́ɛ é ǹîa-mɛni kɛ́ naa.

Lomaŋ 3:22

Ɣâla a núu sìɣe a tɔ̃yâ nuu ŋɔlaa-lai mɛni ma Zîsɛ Kôrai sârai. Va su-ɣɛɛ kɛ̀.

Galesiɛŋ 3:27

Kpɛ́ni fêi, káai kélee kábatâi kɛ̀ Kôrai kponôi, ká Kôrai sɔlɔ ƃó.

Samia Maa-ŋuŋ 2:28

Maa tãi tí, ŋá Eelɔŋ da ŋɔsuui sìɣe zu Eezuɛ sii-ŋai kélee sáma ŋá díkɛ a ŋásâla láa soŋ-ƃela díkɛ sâla kùla ŋáteƃelei ma, díkɛ kéreŋ-sãa kúŋ nɛ̃ɛ kèreŋ naa, díkɛ zâla-laa kula seɣe-ŋai tòo dîa. Ŋá ŋɔŋ sâla sãai kélee da tɛ́ɛ dípɔ Eezuɛ.