Levetekɔ 8:4 - Ŋ̀âla Kɔlɔ Maa Waai

⁴ Ǹyaŋ Mose è gɛ yɛ̂ɛ berei Yâwɛɛ è mò la mai. È Eezuɛ-ŋai kélee ŋáa tɛ̀ ma Yâwɛɛ ŋɔpɛ́rɛ maa waai lá.

Levetekɔ 8:4 ပူးပေါင်းရင်းမြစ်များ

Ɛsedɔ 39:1

Dí seɣe lɛ́lɛɛ-ŋai kpɛ̀tɛ a yee buluŋ kɛ́ɛ, yee kpɔ̂lu m̀u-tɛiɣɛɛ da ƃála-leɣa kpɔ̂lu zâla láa soŋ-ƃelai mɛni ma nyii-ŋai dí doo dîa dítii kɛ́-mɛni ma Gwaa Maa Waai ma. Dí Eelɔŋ ŋɔsâla láa soŋ-seɣe-ŋai kpɛ̀tɛ yɛ̂ɛ berei Yâwɛɛ è nɛ̀ la Mose mai.

Ɛsedɔ 39:21

Yɛ̂ɛ berei Yâwɛɛ è mò la Mose mai. Dí geŋe lá seɣe kpuai ŋɔkólo-ŋai kpùlɔŋ ɛfɔi ŋɔkólo-ŋai dîa a ɣɛli buluŋ kɛ́ɛ a gɛɛ geŋe lá seɣe kpuai é láa bɛ̂tii mɛi-pere a gɛɛ vé fúloŋ.

Ɛsedɔ 39:26

Dí dániŋ-ŋai pù pɔmegurane pɔkɔɔŋ-ŋai loai tɛi-tɛi nyokpoi wóŋ lá dí dínaŋ ma dísâla láa soŋ-tii mɛni ma yɛ̂ɛ berei Yâwɛɛ è mò la Mose mai.

Ɛsedɔ 39:29

Dí bɛ̂ti kpɛtɛ a seɣe kole nɛnɛ-fɛfɛɛ lɛ́lɛɛ, yee buluŋ kɛ́ɛ, yee kpɔ̂lu m̀u tɛiɣɛɛ da ƃála-leɣa kpɔ̂lu. Ǹyɛrɛ kɛ́-ƃelai dí bɔ̃yɛ a ǹɛ́lɛɛ yɛ̂ɛ berei Yâwɛɛ è mò la Mose mai.

Ɛsedɔ 39:5

Bɛ̂ti palaa lɛ́lɛɛ kɛ̀ mai dí bàla nɔ́ da ǹyaa tɔnɔ gîe ma a gôo yee buluŋ kɛ́ɛ, yee kpɔ̂lu m̀u tɛiɣɛɛ da ƃála-leɣa kpɔ̂lu yɛ̂ɛ berei Yâwɛɛ è nɛ̀ la Mose mai.

Ɛsedɔ 39:7

Dí dísɔ̀lɔ ɛfɔi kâraŋ ŋá ɣɛli-ŋai dîa a gɛɛ dí kɛ́ a kili-too-ŋa kɔni-ŋa Eezuɛ ǹônii mɛni ma yɛ̂ɛ berei Yâwɛɛ è nɛ̀ la Mose mai.

Levetekɔ 8:13

Naa pôlu ma Mose è Eelɔŋ ǹônii tòli é yokpo too dîa, é m̀ɛi ɣiri a bɛ̂ti é ƃɔrɔ sîi da see díŋûa gɛɛ yɛ̂ɛ Eelɔŋ ŋ̀ɔi yɛ̂ɛ berei Yâwɛɛ è mò la mai.

Levetekɔ 8:17

Kɛ́lɛ è zuai gɔlɔ siɣe, ǹúu da gbó é kula la m̀ûui su, é géreŋ yɛ̂ɛ berei Yâwɛɛ è mò la m̀ai.

Levetekɔ 8:29

Nya ƃe Mose è zuai keŋe-la sìɣe é dɛ̀ɛ Yâwɛɛ pɔ́ a zama-sɛŋ gbîŋ. Mose ŋɔmii ƃe kɛ̀ a zâla láa soŋ-ƃelai see ƃála-sirɛi keŋe-la. Mose è mɛnii kélee kɛ̀ nɔ́ yɛ̂ɛ berei Yâwɛɛ è mò la m̀ai.

Levetekɔ 8:3

Gɛ̀ ní Eezuɛ-ŋai kélee ŋãa tɛ̀ ma Yâwɛɛ ŋɔpɛ́rɛ maa waai lá.”

Levetekɔ 8:35

Ka lɛɛ Yâwɛɛ ŋɔpɛ́rɛi lá a fólo lɔ́ɔlu mɛi feerɛ da kpíni lɔ́ɔlu mɛi feerɛ, ka kɛ́ mɛnii kɛ̀ nyìi Yâwɛɛ è mòi. A wàla kɛ́ tí, ka pâi sâai. Bere ƃe Yâwɛɛ è mò la ḿâ.”

Levetekɔ 8:5

Nya ƃe Mose è mò dîa ǹyɛɛi, “Mɛnii ŋai Yâwɛɛ è mòi nyaa ká ŋí ŋa pá gɛ̂i.”

Levetekɔ 8:9

È m̀ɔrɔi sèe ŋ̀ûa, é gôo pɔkɔɔŋ pú m̀ɔrɔi ŋɛ́i-tuɛ a gɛɛ é kɛ́ a ŋɛ́i kɛ́-maa maa waa zâla láa-soŋ-nuui ŋɔtíi kɛ́ mɛni ma, yɛ̂ɛ berei Yâwɛɛ è mò la Mose mai.

Maafîu 28:20

M̀ɛni-ŋai kélee ŋá mò kâai, ka ǹɛ̂ dîa dí dímɛi káa. Ka gáa, ŋ́gaa kápôlu a tãi kélee é tóo la ŋ̀éniɛi kpɛ̀ɛ ŋá ma.”

Kɔleŋtiɛŋ Maa-ŋuŋ 11:23

Kpɛ́ni fêi, zɛŋ ŋa dɛ̀ɛ kápɔi, ŋa zɔlɔ ƃô máŋ Kúnuu-namui yêei, a gɛ́ɛ Kúnuu-namui Zîsɛ gbínii dí gɔ̀lɛ lai, è kpólo sìɣe,

Kɔleŋtiɛŋ Maa-ŋuŋ 15:3

Kpɛ́ni fêi ŋá mɛnii tɛ̀ɛ kápɔ a maa-ŋuŋ, nyíi ńyãa máŋ ŋá zɔlɔ ƃôi, a gɛ́ɛ Kôrai è sàa kúsɔnyɔ̂ŋ mɛni ma yɛ̂ɛ berei Ŋ̀âla-kɔlɔi a mò lai,

Dutɛrɔnome 12:32

“Ka mɛni-ŋai mɛ́ni ŋa m̀ôi kâai. Káfe da pù ma, káfe tela da kùla ma.