Levetekɔ 7:9 - Ŋ̀âla Kɔlɔ Maa Waai

⁹ Ǹyaŋ m̀ii-sɛŋ sala sɛŋ nyii da gbɛ̀tɛ kpólo kpɛtɛ kwaa ma, kpaa máŋ da gbɛ̀tɛ kpólo kpɛtɛ pâne sui, kpaa máŋ dí ŋ̀ɔŋ gáa a zâla láa soŋ nuui pɔ́ɔ nyii zâlai kúla ǹúui ŋɔsɔnyɔ̂ŋ mɛni mai.

Levetekɔ 7:9 ပူးပေါင်းရင်းမြစ်များ

Kâloŋ Veerɛi 12:17

Maa tãi tɔnɔi tí yée mu, Siria kaloŋ Aziɛ è lì é kɔ́ pɛ́lɛ Gâa taa-leei ma é naa yée mɛi ɣále. Naa pôlu ma, è gbɛ̀tɛ a gɛɛ é lí é kɔ́ pɛ́lɛ Zerusâlɛŋ taa-leei ma.

Izikiɛ 44:29

Da pâi kɛ̂i mìi-sɛŋ sala-sɛŋ, zɔnyɔ̂ŋ-salai, é pɛlɛ zâla-sɛŋ nyii da dɛ̀ɛ sɔnyɔ̂ŋ mɛni mai miî. Zãâ maa waa-ŋai díkaa Eezuɛi káa pâi kɛ̂i a dí pɔɔ.

Levetekɔ 2:10

Mii-sɛŋ sama-sɛŋ nyii a lɛ̂ɛi, gáa a Eelɔŋ pɔ́ɔ da ǹônii sinaai. Gáa a sama-sɛŋ maa wáa Yâwɛɛ mɛni ma kpɛ́ni fêi, gáa a zama-sɛŋ dí dɛ̀ɛ bɔ́i da.

Levetekɔ 5:13

Gɛ̀ ní zâla láa soŋ nuui a pâi ǹúui ŋí maa sâla kulâi zɔnyɔ̂ŋ mɛni ma è gɛ̀i. Nyaŋ Ɣâla a pâi ŋɔsɔnyɔ̂ŋ su mɛni lɛɛ̂i. Felaƃai ŋí gbéli káa a zâla láa soŋ nuui pɔ́ɔ yɛ̂ɛ berei gáa la a m̀ii-sɛŋ sala sɛŋ.

Levetekɔ 7:10

Kɛ́lɛ m̀ii-sɛŋ sala sɛŋ nyii zumoɔɔ̂i a wúlɔ kpaa máŋ gbalaâi, gáa a Eelɔŋ ǹônii pɔ́ɔ, ǹyaŋ fɛ̂ɛ dí ŋáa kɔ́lɛ díloai a bɔriɛɛ.

Levetekɔ 7:8

Daa-tulɛi nyii kélee da gùla a kéreŋ sâlai, gɔlɔ káa a zâla láa soŋ nuui pɔ́ɔ nyii zâlai kúla ǹúui ŋɔsɔnyɔ̂ŋ mɛni mai.

Nɔŋba 18:9

Zama-sãa maa waai nyii-ŋai dífe a kéreŋ-salai, nyii-ŋai díkaa a kápɔɔ ka ílônii, dia ká ŋí. Mii-sɛŋ sâla, sɔnyɔ̂ŋ su-mɛni lɛɛ sâla da mɛni lɛɛ-maa sala. Sama-sɛŋ maa-waa nyii kélee da dɛ̀ɛ ḿbɔi, díkaa a kápɔɔ ka ílônii.

Kɔleŋtiɛŋ Maa-ŋuŋ 9:13

Káfe gɔ́lɔŋ a gɛ́ɛ diai da tíi kɛ̀ Ŋ̀âla-pɛrɛ kɛ́tɛi mui da dímii-sɛŋ sɔlɔ ƃô Ŋ̀âla-pɛrɛ kɛ́tɛi mu, diai da tíi kɛ̀ teƃele mai, díkɛ zâla-sãai da sɔlɔ ƃo?

Kɔleŋtiɛŋ Maa-ŋuŋ 9:7

Gbɛ̂ɛ ƃa kɔkuluƃa-tii kɛ̀ a gbîŋ-sɛŋ kɔlɛɛ? Gbɛ̂ɛ ƃa ƃa-kpɔmɔ-kpalaŋ kɛ̀ va gbɔmɔ-ƃai da mii? Gbɛ̂ɛ ƃa niŋa mɛi káa va ŋíni-ya da sɔlɔ ƃô?

Galesiɛŋ 6:6

Kɛ́lɛ, tɔɔ ǹúui da ŋ̀óoi lɛ̀ mai, é mɛni lɛ́lɛɛ-ŋai kélee ƃó zɛŋ-lɛ-nuui ma.