Levetekɔ 7:7 - Ŋ̀âla Kɔlɔ Maa Waai

⁷ Dɔ̂ŋ-ŋai ŋí káa zɔnyɔ̂ŋ salai mɛni ma da mɛni kpa kúlaa maa sala. Zâla sãai ŋí kélee káa a zâla láa soŋ nuui pɔ́ɔ nyii a zâlai kula ǹûai mɛni mai.

Levetekɔ 7:7 ပူးပေါင်းရင်းမြစ်များ

Kâloŋ Veerɛi 12:16

Zɛŋ kâoi da kâa dɛ̀ɛ a kpa kpɛɛ sama-sɛŋ da sɔnyɔ̂ŋ su-mɛni lɛɛ sama-sɛŋ, dífa kâa bù ŋâla-pɛrɛ kɛ́tɛi mu. Kɛ́lɛ zɛŋ kâoi ŋí a kâa kɛ̀ nɔ́ zâla láa-soŋ-ƃelai mɛni ma.

Kâloŋ Veerɛi 12:17

Maa tãi tɔnɔi tí yée mu, Siria kaloŋ Aziɛ è lì é kɔ́ pɛ́lɛ Gâa taa-leei ma é naa yée mɛi ɣále. Naa pôlu ma, è gbɛ̀tɛ a gɛɛ é lí é kɔ́ pɛ́lɛ Zerusâlɛŋ taa-leei ma.

Levetekɔ 14:13

A pâi m̀álai paâi ƃɛ́i a zɔnyɔ̂ŋ sala taa-tulɛi da géreŋ salai maa-taa-tulɛi ŋai pàa naa. A pâi gɛi tí kpɛ́ni fêi, zɛŋ pɔɔ tôo sâla-sɛŋ nyii gáa yɛ̂ɛ sɔnyɔ̂ŋ sala-sɛŋ káa a zâla láa soŋ nuui pɔ́ɔ. Ǹyaŋ maa waâi a ŋánaa.

Levetekɔ 2:10

Mii-sɛŋ sama-sɛŋ nyii a lɛ̂ɛi, gáa a Eelɔŋ pɔ́ɔ da ǹônii sinaai. Gáa a sama-sɛŋ maa wáa Yâwɛɛ mɛni ma kpɛ́ni fêi, gáa a zama-sɛŋ dí dɛ̀ɛ bɔ́i da.

Levetekɔ 2:3

M̀ii-sɛŋ sama-sɛŋ nyii a lɛ̂ɛi, gáa a Eelɔŋ pɔ́ɔ da ǹônii sinaai. Gáa a sama-sɛŋ maa wáa Yâwɛɛ mɛni ma kpɛ́ni fêi, gáa a zama-sɛŋ dí dɛ̀ɛ Yâwɛɛ pɔ́i da.

Levetekɔ 6:17

Dífe gbɛ̀tɛ a tɛ́-sɛŋ. Ŋa dɛ̀ɛ dípɔ a géreŋ sâla-sɛŋ díwɔ̂ mii. Gáa a sála sɛŋ maa waa kɛ́tɛ yɛ̂ɛ zɔnyɔ̂ŋ sala sɛŋ da mɛni kpa kuláa maa sala sɛŋ.

Levetekɔ 7:8

Daa-tulɛi nyii kélee da gùla a kéreŋ sâlai, gɔlɔ káa a zâla láa soŋ nuui pɔ́ɔ nyii zâlai kúla ǹúui ŋɔsɔnyɔ̂ŋ mɛni mai.

Nɔŋba 5:8

Kɛ́lɛ à kɛ̀ ǹúui dí zɔnyɔ̂ŋ kɛ̀ lai a sàa, kpaa máŋ ŋɔnúu da fé ma é zɔ́lɔ ƃó, fɛ̂ɛ dí zɔnyɔ̂ŋ tí maa fela-fei tɛ́ɛ ḿbɔ zâla láa soŋ-nuui mɛni ma. Nàa pôlu ma fɛ̂ɛ é ŋɔ́nɔ ƃála-sirɛ tɛ̀ɛ zâla láa soŋ-nuui pɔ́ ŋɔsɔnyɔ̂ŋ su-mɛni lɛɛ maa-sala kula mɛni ma.

Kɔleŋtiɛŋ Maa-ŋuŋ 10:18

Ka kákili ŋá sía Eezuɛ tua-pere ma. Diai da zâla-sãai mii, dífe zu tɔnɔɔ Díɣâla-mɛni kɛ́ɛ su?

Kɔleŋtiɛŋ Maa-ŋuŋ 9:13

Káfe gɔ́lɔŋ a gɛ́ɛ diai da tíi kɛ̀ Ŋ̀âla-pɛrɛ kɛ́tɛi mui da dímii-sɛŋ sɔlɔ ƃô Ŋ̀âla-pɛrɛ kɛ́tɛi mu, diai da tíi kɛ̀ teƃele mai, díkɛ zâla-sãai da sɔlɔ ƃo?