Levetekɔ 7:2 - Ŋ̀âla Kɔlɔ Maa Waai

² Ƃɛ́i da géreŋ sâla sɛŋ maa taa-tulɛi pâa naai, naa ƃé dí mɛni kpa kúlaa maa taa-tulɛi páa naa. Dí ŋãa kpɛ́mɛŋ ŋ̀âla-teƃelei ḿâ dí dínaŋ la.

Levetekɔ 7:2 ပူးပေါင်းရင်းမြစ်များ

Azaya 52:15

Ǹɔii-ŋuŋ-ŋai su-ƃelai lá è kpàla dîa a m̀aa mɛ̂ni, kâloŋ-ŋa lá é kɛ́ nɔ́ kpɔ́ a kili ŋa pû-pere. Da pâi kwaa kâai dí m̀ɛni-ŋai ŋá káa nyíi-ŋai dífe kɛ́ ní a gɔ́lɔŋɔɔi.”

Izikiɛ 36:25

Ŋa pâi yá lɛ́lɛɛ kpɛ́mɛnîi kâa. À kɛ̀ tí, gɛ̀ ní ka pâi kɛ̂i a ká maa-waa. Gɛ̀ ní, ŋa pâi ńyee seêi ká mu. Ŋa pâi ká maa waâi ŋa ká kúla m̀ɛni nyɔ́mɔɔ-ŋai su nyii-ŋai gɛ̀ ká maa fé waa nii. Ŋa pâi ká maa waâi ŋa ká kúla ŋ̀âla da kpɛ́ni-ŋai fɛli mɛ̂ni-ŋai su.

Izikiɛ 40:39

Teƃele náaŋ è kɛ̀ bɛ́rɛi ŋɛ́i túɛ loŋpoi su nyii kɛ̀ ziɣãŋ su-pere ŋ̀ɔi ma yá-ŋua pere. Loŋpoi ŋí lá è kɛ̀ a gúlaa ziɣãŋ kɛ́tɛi ma pere. Veerɛ è kɛ̀ bɛ́rɛ ƃelai dɔnɔ ma veerɛ kɛ́ ƃò m̀éla gbéli ma. Teƃele-ŋai ŋí ŋá ƃé da kâa daa-tulɛ-ŋai pàa naa kéreŋ-sala, kpaa máŋ sɔnyɔ̂ŋ-sala da sɔnyɔ̂ŋ kula maa sâla mɛni ma.

Levetekɔ 1:11

É m̀ólii kpaa m̀álai ŋí páa yá ŋûa-pere ŋ̀âla-teƃelei kɔlɛ Yâwɛɛ ŋɛ́i-tuɛ. Eelɔŋ ǹônii nyii-ŋai díkaa a zâla láa-soŋ-ƃelai dí daa-tûlɛi ŋãa kpɛ́mɛŋ dí dínaŋ ŋ̀âla-teƃelei kpono ma.

Levetekɔ 1:3

À kɛ̀ ŋɔsama-sɛŋ káa a kéreŋ sama-sɛŋ nyii è gùla ŋɔniŋa-ŋai samai, fɛ̂ɛ maa niŋai é kɛ́ a zirɛ nyii pɔ́ɔ fé mai. É maa salai kúla Yâwɛɛ Ŋɔsua kɔlɔ seɣe pɛrɛi gbôŋ lá a gɛɛ Yâwɛɛ é ǹyée sée mu.

Levetekɔ 1:5

Gɛ̀ ní a pɔ̂ri daa-tûlɛi paâi Yâwɛɛ ŋɛ́i-tuɛ. Eelɔŋ ǹônii, nyii-ŋai díkaa a zala-laa-soŋ-ƃelai dí daa-tulɛi ŋãa kpɛ́mɛŋ ŋ̀âla-teƃelei kpono ma dínaŋ ma Yâwɛɛ Ŋɔsua kɔlɔ seɣe pɛrɛi láƃelei.

Levetekɔ 14:13

A pâi m̀álai paâi ƃɛ́i a zɔnyɔ̂ŋ sala taa-tulɛi da géreŋ salai maa-taa-tulɛi ŋai pàa naa. A pâi gɛi tí kpɛ́ni fêi, zɛŋ pɔɔ tôo sâla-sɛŋ nyii gáa yɛ̂ɛ sɔnyɔ̂ŋ sala-sɛŋ káa a zâla láa soŋ nuui pɔ́ɔ. Ǹyaŋ maa waâi a ŋánaa.

Levetekɔ 3:2

É ǹyée pɛ́lɛ niŋai ŋuŋ ma, é báa Yâwɛɛ Ŋɔsua kɔlɔ seɣe pɛrɛi gbôŋ lá. Eelɔŋ ǹônii nyii-ŋai díkaa a zâla láa soŋ-ƃelai dí ŋãa kpɛ́mɛŋ ŋ̀âla-teƃelei kpono ma dí dínaŋ la.

Levetekɔ 3:8

é ǹyée pɛ́lɛ ŋuŋ ma, é báa Yâwɛɛ ŋɔsua kɔ̂lɔ seɣe pɛrɛi ŋɛ́i-tuɛ. Zâla láa soŋ-ƃelai dí ŋãa kpɛ́mɛŋ ŋ̀âla-teƃelei kpono ma dí dínaŋ ma.

Levetekɔ 4:24

é ǹyée pɛ́lɛ ŋ̀uŋ ma é báa ŋ̀âla-teƃelei ŋá ƃɛ́i da géreŋ sâla kula taa-tulɛi paa naai Yâwɛɛ ŋɛ́i-tuɛ. Gáa a sɔnyɔ̂ŋ sala sɛŋ.

Levetekɔ 4:29

É ǹyée pɛ́lɛ ŋɔsɔnyɔ̂ŋ salai ŋí ŋuŋ ma é báa ƃɛ́i da géreŋ sala kula taa-tulɛi páa naai.

Levetekɔ 4:33

É ǹyée pɛ́lɛ zɔnyɔ̂ŋ sala sɛŋ ŋí ŋuŋ ma é báa ƃɛ́i da géreŋ sala kula taa-tulɛi pâa naai.

Levetekɔ 5:16

Fɛ̂ɛ é zɛŋ fela-fei kɛ́ nyii vé dɛ̀ɛ ní zâla láa soŋ nuui pɔ́i. É tela zɔ̃ɔ gbua buu feerɛ láa m̀a. Gɛ̀ ní zâla láa soŋ nuui a pâi nuui ŋɔsɔnyɔ̂ŋ waa m̀a salai kulâi a ƃála. A kɛ̀ tí, ŋɔsɔnyɔ̂ŋ su mɛni a pâi lɛɛ̂i.

Levetekɔ 5:7

À kɛ̀ va pɔ̂ri ƃála kpaa máŋ ƃoli sɔlɔ ƃoi é pá la Yâwɛɛ pɔ́ ŋɔsɔnyɔ̂ŋ ḿaa sâla kula mɛni ma, a pɔ̂ri pâi a tòloŋ feerɛ kpaa máŋ popôo feerɛ, dɔnɔ kɛ̀ ƃô a ŋɔsɔnyɔ̂ŋ maa sâla sɛŋ, gbélii kɛ́ ƃò a kéreŋ sala sɛŋ.

Levetekɔ 5:9

É zɔnyɔ̂ŋ sala sɛŋ ŋí ŋãa da kpɛ́mɛŋ ŋ̀âla-teƃelei kpono ḿâ, é gbéli pú teƃelei kɔ́ɔ mu. Gáa a sɔnyɔ̂ŋ su mɛni lɛ̀ɛ sama-sɛŋ.

Levetekɔ 6:25

mó Eelɔŋ ma da ǹônii ǹyɛɛ dɔ̂ŋ-ŋai ká ŋí bîlaŋɔɔi zɔnyɔ̂ŋ sala sɛŋ mai. Zɔnyɔ̂ŋ sala fɛnɛ-sɛŋ páa ƃɛ́i ƃa géreŋ salai maa taa-tulɛi pàa naai Yâwɛɛ ŋɛ́i-tuɛ. Gáa a sâla sɛŋ maa waa ŋánaa.

Levetekɔ 6:7

Ǹyaŋ zâla láa soŋ nuui a pâi ŋɔsɔnyɔ̂ŋ maa sâla kulâi Yâwɛɛ ŋɛ́i zɔnyɔ̂ŋ mɛni ma è gɛi. A kɛ̀ tí, ŋɔsɔnyɔ̂ŋ su mɛni a pâi lɛɛ̂i.

Nɔŋba 6:12

É gbîŋ tɛɛ Yâwɛɛ pɔ́ ŋɔkono-tee ɣele-ŋai mɛni ma. É ŋɔ́nɔ pá a ƃála-sirɛ nyii gáa a kóraŋ tɔnɔi, a ŋɔmɛni nyɔ́mɔɔi maa-sala. Kɛ́lɛ tãi nyii a tɛɛ̂i, dífa ŋɔ́nɔ zìɣe a tãi tí da kpɛ́ni fêi, ŋɔŋ-kpirii maa-waa-laai è kàra.

Ibulu 11:28

Laa-la sarâi è dɛɛ-mɛi-kuui lâai kɛ̀ é m̀ála-ŋãai kpɛ̀mɛŋ a gɛɛ nîa-pɛlɛɛ maa-ŋuŋ su-kara-nuui fé lɛ̀ɣɛ dîa.

Ibulu 12:24

Ka pá Zîsɛ pɔ́ nyíi gáa a kúloa-nuu kwa Ɣâla-ni gbanaŋ-woo-kɛɛ ninai mɛni ma da ŋãa kpɛmɛŋɔɔi nyíi a lôno a ǹɛ́lɛɛ é tɛ́ɛ Ebɛɛ ŋãa mai.

Pitɛ Maa-ŋuŋ 1:2

nyíi-ŋai Ɣâla Nàŋ-nuui è dílɛ̀ é díkɔlɔŋ a nàa túɛ é dímaa wáa a Mɔlêŋ a gɛɛ dí Zîsɛ Kôrai wóo mɛ́ni ŋɔŋãai é kpɛ́mɛŋ dîa. Ƃɛlɛ-sêe da lii-sêe díkɛ káyêei a damaa.