Levetekɔ 6:7 - Ŋ̀âla Kɔlɔ Maa Waai

⁷ Ǹyaŋ zâla láa soŋ nuui a pâi ŋɔsɔnyɔ̂ŋ maa sâla kulâi Yâwɛɛ ŋɛ́i zɔnyɔ̂ŋ mɛni ma è gɛi. A kɛ̀ tí, ŋɔsɔnyɔ̂ŋ su mɛni a pâi lɛɛ̂i.

Levetekɔ 6:7 ပူးပေါင်းရင်းမြစ်များ

Ɛsedɔ 34:7

Ŋa ŋákono-teei ŋa-see kɛ̀ núu wála (1,000) támaa yêei ŋá dísɔnyɔ̂ŋ su-mɛni lɛɛi. Kɛ́lɛ fé pâi wɔ́lɔ fɛɣɛ̂i a lóŋ naŋ-ŋa kélee dísɔnyɔ̂ŋ maa tɔ̂ŋ kpɛ̂i dílônii dîa da dílônii díwɔ̂ lonii.”

Azaya 1:18

Yâwɛɛ a m̀ôi ǹyɛɛi, “Ka pá kwaa kúloai kpɛtɛ kwa káa ni. Berei máŋ kásɔnyɔ̂ŋ a kpɔ̂lui la yɛ̂ɛ dôloi, ŋa pâi káwaâi ká kɛ́ kóle yɛ̂ɛ yee fũa. Berei máŋ kásɔnyɔ̂ŋ a kpɔ̂lu la yɛ̂ɛ lólo-mã̂laŋ, ŋa pâi káwaâi ká kɛ́ yɛ̂ɛ ƃála leɣa kole.

Izikiɛ 33:19

À kɛ̀ zɔnyɔ̂ŋ nuui a kpera sɔnyɔ̂ŋ kɛ̂i a sɔŋ lɛ̂lɛ kɛ̀, vé pâi saâi ŋɔsɔnyɔ̂ŋ pɔ̂lɔi mɛ̂ni ma. Kɛ́lɛ, a pâi lɛɛ̂i ɣele ma.

Levetekɔ 2:1

À kɛ̀ núu da à kɛ̀ pâi a mii-sɛŋ sama-sɛŋ Yâwɛɛ pɔ́, é kɛ́ a felaƃa fũa lɛ́lɛɛ. É ɔle-wulɔ pú ma da kéreŋ-sɛŋ kúŋ nɛ̃ɛ,

Levetekɔ 4:20

É gɛ́ nɔ́ yɛ̂ɛ berei è gɛ̀ la a zɔnyɔ̂ŋ su mɛni lɛ̀ɛ maa sâla kula niŋa-sirɛi. Bere sîi ŋí ƃe a ǹûai dísɔnyɔ̂ŋ su mɛni lɛ̀ɛ maa sala kùla la. A kɛ̀ tí, dísɔnyɔ̂ŋ su mɛni a pâi lɛɛ̂i.

Levetekɔ 4:26

É daa-tulɛi ŋ̀úlɔ kélee kéreŋ ŋ̀âla-teƃelei ŋá yɛ̂ɛ berei a gɛ̀ la a ǹíi-see sala sɛŋ. Gɛ̀ ní zâla láa soŋ nuui a pâi ǹúu láa túɛ-nuui ŋí ŋɔsɔnyɔ̂ŋ maa sâla kulâi, ǹyaŋ ŋɔsɔnyɔ̂ŋ su-mɛni a pâi lɛɛ̂i.

Levetekɔ 4:31

É ŋ̀úlɔ kélee kúla yɛ̂ɛ berei a gɛ̀ la a ǹíi-see sala sɛŋ. Ǹyaŋ zâla láa soŋ nuui é géreŋ ŋ̀âla-teƃelei ŋá nyii gáa a kéreŋ sâla-sɛŋ kúŋ nɛ̃ɛ Yâwɛɛ mɛni mai. Bere sîi ŋí su zâla láa soŋ nuui a Eezuɛ nuui ŋí ŋɔsɔnyɔ̂ŋ maa sâla kula. A kɛ̀ tí, ŋɔsɔnyɔ̂ŋ su-mɛni a pâi lɛɛ̂i.

Levetekɔ 5:10

Gɛ̀ ní é dòloŋ kpaa máŋ bopôoi veerɛ ɣelei kúla a kéreŋ sâla yɛ̂ɛ berei maa nɛ̃ɛi é gɛ́ lai. Ǹyaŋ zâla láa soŋ nuui é ǹúui ŋí maa sâla kula zɔnyɔ̂ŋ mɛni ma è gɛ̀i. A kɛ̀ tí, ŋɔsɔnyɔ̂ŋ su-mɛni a pâi lɛɛ̂i.

Levetekɔ 5:13

Gɛ̀ ní zâla láa soŋ nuui a pâi ǹúui ŋí maa sâla kulâi zɔnyɔ̂ŋ mɛni ma è gɛ̀i. Nyaŋ Ɣâla a pâi ŋɔsɔnyɔ̂ŋ su mɛni lɛɛ̂i. Felaƃai ŋí gbéli káa a zâla láa soŋ nuui pɔ́ɔ yɛ̂ɛ berei gáa la a m̀ii-sɛŋ sala sɛŋ.

Levetekɔ 5:18

Fɛ̂ɛ é pá a ƃála-sirɛ kpaa máŋ ƃoli-sirɛ nyii pɔ́ɔ fé mai zâla láa soŋ nuui pɔ́ a ŋɔsɔnyɔ̂ŋ maa kpa kula sâla sɛŋ. Daa-tulɛi ŋí ƃâa tée ŋ̀âla-pɛrɛ kɛ́tɛi ŋɔtɔ̂ŋ lá-wooi ma. Zâla láa soŋ nuui é ǹúui ŋí maa sâla kula ŋɔsɔnyɔ̂ŋ mɛni ma è gɛ̀i. A kɛ̀ tí, ŋɔsɔnyɔ̂ŋ su mɛni a pâi lɛɛ̂i.

Levetekɔ 6:8

Yâwɛɛ è mò Mose ma ǹyɛ̂ɛi,

Levetekɔ 7:2

Ƃɛ́i da géreŋ sâla sɛŋ maa taa-tulɛi pâa naai, naa ƃé dí mɛni kpa kúlaa maa taa-tulɛi páa naa. Dí ŋãa kpɛ́mɛŋ ŋ̀âla-teƃelei ḿâ dí dínaŋ la.

Maka 7:18

Óo Yâwɛɛ, Ɣâla da kpɛ́ni kélee fé naa yɛ̂ɛ ƃía. Ƃa ínûai su-mɛni lɛ̀ɛ nyii-ŋai díkaa nîi ɣele mai. Ífa ílii ŋwàna wɔ́lɔ-wɔlɔ da wɔlɔ-wɔlɔ, kɛ́lɛ ƃa íwɔlɔ-wɔlɔ da wɔlɔ-wɔlɔ wɛli-kɛ-maai lɛ̀ a lii lâa.

Maafîu 12:31

Mɛni ma, ŋá m̀ôi kâa, sɔnyɔ̂ŋ kélee da tɛ-ŋɛi kɛ́ɛ dísu-mɛni a pâi lɛɛ̂i, kɛ́lɛ, à kɛ̀ núu a tɛ-ŋɛi kɛ̀ a M̀ɔlêŋ, zu-mɛni fé pâi wɔlɔ lɛɛ̂i.

Zɔ̂ŋ Maa-ŋuŋ 1:7

Kɛ́lɛ, à kɛ̀ kwa sìa gwaa-ponoɔi su yɛ̂ɛ berei gáa la a gwaa-ponoɔi, gɛ̀ ní kwa dai-ni kúlii káa tɔnɔ, gɛ̀ ní Nòŋ-nuui Zîsɛ Kôrai ŋɔŋãai a kúsɔnyɔ̂ŋ kélee wáa kûa.

Zɔ̂ŋ Maa-ŋuŋ 1:9

À kɛ̀ kwa kúsɔnyɔ̂ŋ-ŋai ƃô, gɛ̀ ní deniŋ m̀ôɔi, zɔŋ lɛ́lɛɛ, ǹyaŋ a pâi kúsɔnyɔ̂ŋ su-mɛni lɛɛ̂i, é ŋɔ́nɔ kúsɔnyɔ̂ŋ kélee wáa kûa.