Levetekɔ 5:2 - Ŋ̀âla Kɔlɔ Maa Waai

² Kpaa máŋ à kɛ̀ núu da a lɛ̀ɣɛ sɛŋ da ma nyii maa liƃiɛɛ̂i Yâwɛɛ ŋɛ́i, kpɛ́ni fêi gáa a bomai, é máŋ kɛ́ yɛ̂ɛ fɛnɛ-sɛŋ, taa-tûlɛ, kpaa máŋ ɣála-sɛŋ, berei máŋ è lɛ̀ɣɛ la ma dɛ̂i perei, gɛ̀ ní a sɔnyɔ̂ŋ kɛ́.

Levetekɔ 5:2 ပူးပေါင်းရင်းမြစ်များ

Wule-woo-ŋa 19:12

Núu da fa gbîŋ ŋɔpɔara maai kâa. Yâwɛɛ, ŋ́uŋ ma ƃó í ŋ́gula loo mɛni nyɔ́mɔɔ-ŋa kɛ́ɛ su.

Azaya 52:11

Káai kélee ka Ŋ̀âla-pɛrɛ Kɛ́tɛi mu-sãai mɛi kâai, ka ká kpîŋ maa wáa, ká kúla Babelɔŋ, Káfe lɛ̀ɣɛ sɛŋ da ma nyii m̀aa fé wàa níi.

Levetekɔ 11:11

Vɛnɛ-sãai ŋí maa fé waa ní. Káfe da miî a dɔnɔ kpîŋ, kpaa máŋ ká lɛ́ɣɛ dípoma ḿâ.

Levetekɔ 11:8

Káfe vɛnɛ-sãai ŋí dísua da m̀ii kpaa máŋ ka lɛɣɛ dípoma ma. Dímaa fé waa ní.

Levetekɔ 4:13

“À kɛ̀ Eezuɛ-ŋai kélee ƃé sɔnyɔ̂ŋ kɛ̀ a Yâwɛɛ a ŋɔtɔ̂ŋ da karaa nyii dífe gili níi,

Levetekɔ 5:17

À kɛ̀ núu da à sɔnyɔ̂ŋ kɛ̀ a Yâwɛɛ ŋɔtɔ̂ŋ-ŋai da kàra nyii vé gili níi, berei máŋ vé gili ní lai, ŋɔsɔnyɔ̂ŋ káa ŋ̀ûa, ǹyaŋ fɛ̂ɛ é vela fêi kɛ́.

Levetekɔ 5:3

Kpaa máŋ à kɛ̀ núu da a lɛ̀ɣɛ núu kponôi sɛŋ da ma nyii maa liƃiɛɛ̂i Yâwɛɛ ŋɛ́i, berei máŋ è lɛ̀ɣɛ la ma dɛ̂i perei, tãi nɔ́ maa nuui a gɔ̀lɔŋ lai, gɛ̀ ní a sɔnyɔ̂ŋ kɛ́.

Levetekɔ 5:4

A kɛ̀ núu da a góno-tèe a ŋá kpɛ̂ɛ maa-pere a nɛ̃ɛ ma é kɛ́ a ǹɛ́lɛɛ kpaa máŋ nyɔ́mɔɔ, tãi nɔ́ a gɔ̀lɔŋ lai, gɛ̀ ni a sɔnyɔ̂ŋ kɛ́.

Levetekɔ 7:21

À kɛ̀ núu a lɛ̀ɣɛ sɛŋ da ḿâ nyii m̀aa fé waa níi, é máŋ kɛ́ a, núu, fɛnɛ-sɛŋ, kpaa máŋ sɛŋ da kélee nyii maa fé waa nîi, é Yâwɛɛ ŋɔlii-see sala-sɛŋ ŋí zua da m̀ii, maa ǹúui tí fé pâi wɔ́lɔ kɛ̂i a Ɣâla ŋɔnûai da.

Egaa 2:13

Nya ƃe Egaa è mò ǹyɛɛ, “À kɛ̀ núu da maa fé waa ní, kpɛ́ni fêi, a lɛ̀ɣɛ saa ma, a lɛ̀ɣɛ zãai ŋí da ma, maa fa kɛ̂ a ŋwáa?” Zâla láa-soŋ-ƃelai dí ŋ̀óo su tòo dîyɛɛ, “Óoei, maa fa kɛ̂ a ŋwáa.”

Nɔŋba 19:22

Ǹúui maa fé waa ni à kɛ̀ à ǹyée pɛ̀lɛ sɛŋ da kélee ma, maa-sɛŋ tí maa fé pâi kɛ̂i a ŋwaa. Ǹyaŋ núu da kélee à ǹyée pɛ̀lɛ maa-sɛŋ tí mai, maa-nuui tí maa fé pâi kɛ̂i a ŋwaa é lɛ́ɛ la zu ɣele-wulii é kɛ́.”

Lûu 11:44

Kpalo ƃélaâi kâa! Kpɛ́ni fêi, kákaa nɔ yɛ̂ɛ ƃolôŋ nyii núu fa gàa, kɛ́lɛ, nûa díkɛ sia mɛi, dífa gɔlɔŋ.”

Kɔleŋtiɛŋ Veerɛi 6:17

Kúnuu-namui a mò, ǹyɛɛ, mɛni ma kúkula díkɔlɛ ka kákpîŋ kɛ̂i kôyaa dia. Káfe lɛ̀ɣɛ sɛŋ nyíi kélee mâ m̀aa fé waa nii. Gɛ̀ ní ŋa pâi ńyee sêe kámu,

Dutɛrɔnome 14:8

Ƃoi maa fé waa ní kámɛni ma máŋ. Díkɔɔ taɣâŋ lá ƃelai gîei feerɛ, kɛ́lɛ dífa dílaa mii-sãa mìi kɛ̀ gîei feerɛ. Káfe díta mii kpaa máŋ ká lɛɣɛ da poma ma.