Levetekɔ 5:16 - Ŋ̀âla Kɔlɔ Maa Waai

¹⁶ Fɛ̂ɛ é zɛŋ fela-fei kɛ́ nyii vé dɛ̀ɛ ní zâla láa soŋ nuui pɔ́i. É tela zɔ̃ɔ gbua buu feerɛ láa m̀a. Gɛ̀ ní zâla láa soŋ nuui a pâi nuui ŋɔsɔnyɔ̂ŋ waa m̀a salai kulâi a ƃála. A kɛ̀ tí, ŋɔsɔnyɔ̂ŋ su mɛni a pâi lɛɛ̂i.

Levetekɔ 5:16 ပူးပေါင်းရင်းမြစ်များ

Wule-woo-ŋa 69:4

Diai da ŋ́gbɔara mɛni-ŋa kɛ́ mɛni su nyii ńzɔŋ fé zui, dítâmaai yɛ̂ɛ ŋ́uŋ lêɣa. Da lɛ́ɛ támaa kɛ́ a ńaa. Díwala-walai. Da ŋ̀wɛ̂lii dí ḿbaa. Da ŋ́gɛ ŋa sãa bɔɔ tôoi tɛ̀ɛ nyii fé ŋ̀úma níi.

Ɛsedɔ 22:1

“À kɛ̀ núu à niŋa tɔnɔ ŋùma kpaa máŋ ƃála tɔnɔ é bàa kpaa máŋ é gɔlɛ fɛ̂ɛ maa nuui tí é niŋa lɔ́ɔlu tɛ́ɛ ǹiŋa tɔnɔi tí pɔ́ɔ ŋá, kpaa máŋ ƃála náaŋ tɛ́ɛ m̀ála tɔnɔi tí pɔ́ɔ ŋá. Fɛ̂ɛ é da tɛ́ɛ pôlu. Da à wàla kɛ́ ǹyêei, fɛ̂ɛ dí gɔlɛ dí zɛŋ fela-fei kɛ́ è ŋùmai.

Levetekɔ 22:14

“Ǹúui vé a zâla láa soŋ-ƃelai dísuui su-nuui da a zâla sãa maa waai ŋí da m̀ii, fɛ̂ɛ é vela-fei kɛ́ é tela gbua buu feerɛ láa ma.

Levetekɔ 27:13

À kɛ̀ maa nuui a ŋ̀wɛ̂lii é gbîŋ sama-sɛŋ yá zâla láa soŋ nuui yêei a pɔ̂ri gɛ̂i tí, é tela zɔ̃ɔ gbua buu feerɛ ɣelei láa ŋɔ́nɔ ma.

Levetekɔ 27:15

À kɛ̀ bɛ́rɛi namu a ŋ̀wɛ̂lii é gbîŋ pɛrɛi yá zâla láa soŋ nuui yêei a pɔ̂ri gɛi tí é tela zɔ̃ɔ gbua buu feerɛ ɣelei láa ŋɔ́nɔ ma.

Levetekɔ 27:27

Kɛ́lɛ núu da a fɛnɛ-sɛŋ sama-sɛŋ tɛ̀ɛ Yâwɛɛ pɔ́ nyii m̀aa fé waa níi maa nuui a vɛnɛ-sɛŋ kpîŋ ya Yâwɛɛ yêei a zɔ̃ɔi da m̀âa tèe lai é tela zɔ̃ɔ gbua buu feerɛ ɣelei láa ma ŋɔ́nɔ. À wàla ǹyá da gɔ̀lɛ núu da kpɛni ma yɛ̂ɛ berei gwaa maa waai ŋɔtɔ̂ŋ káa lai.

Levetekɔ 27:31

Núu da a kɛ̀ ŋ̀wɛ̂lii é ŋ̀ɔi ŋuŋ ḿâ ƃó, fɛ̂ɛ é zɛŋ-kaoi kpɛ́ɛ da m̀âa tèe la m̀ɛni mai é tela zɔ̃ɔ gbua buu feerɛ ɣelei láa ma ŋɔ́nɔ.

Levetekɔ 4:20

É gɛ́ nɔ́ yɛ̂ɛ berei è gɛ̀ la a zɔnyɔ̂ŋ su mɛni lɛ̀ɛ maa sâla kula niŋa-sirɛi. Bere sîi ŋí ƃe a ǹûai dísɔnyɔ̂ŋ su mɛni lɛ̀ɛ maa sala kùla la. A kɛ̀ tí, dísɔnyɔ̂ŋ su mɛni a pâi lɛɛ̂i.

Levetekɔ 4:26

É daa-tulɛi ŋ̀úlɔ kélee kéreŋ ŋ̀âla-teƃelei ŋá yɛ̂ɛ berei a gɛ̀ la a ǹíi-see sala sɛŋ. Gɛ̀ ní zâla láa soŋ nuui a pâi ǹúu láa túɛ-nuui ŋí ŋɔsɔnyɔ̂ŋ maa sâla kulâi, ǹyaŋ ŋɔsɔnyɔ̂ŋ su-mɛni a pâi lɛɛ̂i.

Levetekɔ 5:10

Gɛ̀ ní é dòloŋ kpaa máŋ bopôoi veerɛ ɣelei kúla a kéreŋ sâla yɛ̂ɛ berei maa nɛ̃ɛi é gɛ́ lai. Ǹyaŋ zâla láa soŋ nuui é ǹúui ŋí maa sâla kula zɔnyɔ̂ŋ mɛni ma è gɛ̀i. A kɛ̀ tí, ŋɔsɔnyɔ̂ŋ su-mɛni a pâi lɛɛ̂i.

Levetekɔ 5:13

Gɛ̀ ní zâla láa soŋ nuui a pâi ǹúui ŋí maa sâla kulâi zɔnyɔ̂ŋ mɛni ma è gɛ̀i. Nyaŋ Ɣâla a pâi ŋɔsɔnyɔ̂ŋ su mɛni lɛɛ̂i. Felaƃai ŋí gbéli káa a zâla láa soŋ nuui pɔ́ɔ yɛ̂ɛ berei gáa la a m̀ii-sɛŋ sala sɛŋ.

Levetekɔ 5:6

é pá a ƃála-sâa kpaa máŋ ƃoli-sâa Yâwɛɛ pɔ́ a ŋɔsɔnyɔ̂ŋ maa sâla sɛŋ. Zâla láa soŋ nuui é ǹúui ŋí ŋɔsɔnyɔ̂ŋ ḿaa sâla kula a m̀álai kpaa m̀ólii ŋí.

Levetekɔ 7:2

Ƃɛ́i da géreŋ sâla sɛŋ maa taa-tulɛi pâa naai, naa ƃé dí mɛni kpa kúlaa maa taa-tulɛi páa naa. Dí ŋãa kpɛ́mɛŋ ŋ̀âla-teƃelei ḿâ dí dínaŋ la.

Nɔŋba 5:7

Fɛ̂ɛ maa-nuui é ŋɔsɔnyɔ̂ŋ ƃó, é maa-fela kɛ́ ǹúui yêei è zɔnyɔ̂ŋ kɛ̀ lai. É tela zɛŋ tí ŋɔfela-fei ŋáa kɔ́lɛ gîei lɔ́ɔlu, é gbua tɔnɔ too ma.

Nɔŋba 5:8

Kɛ́lɛ à kɛ̀ ǹúui dí zɔnyɔ̂ŋ kɛ̀ lai a sàa, kpaa máŋ ŋɔnúu da fé ma é zɔ́lɔ ƃó, fɛ̂ɛ dí zɔnyɔ̂ŋ tí maa fela-fei tɛ́ɛ ḿbɔ zâla láa soŋ-nuui mɛni ma. Nàa pôlu ma fɛ̂ɛ é ŋɔ́nɔ ƃála-sirɛ tɛ̀ɛ zâla láa soŋ-nuui pɔ́ ŋɔsɔnyɔ̂ŋ su-mɛni lɛɛ maa-sala kula mɛni ma.

Lûu 19:8

Nya ƃe Zakîɛ e mu siɣe e m̀ó Kúnuu-namui ma, ǹyɛɛi, “Gáa, Kúnuu-namui, ŋa pâi ŋ́gɔ̃liŋ gbûra tɛɛ̂i gôlo-ƃelai pɔ; à kɛ̀ ŋà sɛŋ da kula núu ma a wôya-pere, ŋa pâi bɔɔ-too tɛɛ̂i pôlu náaŋ.”

Zia-ƃelai Kɛ́-mɛni-ŋai 26:20

Kɛ́lɛ, maa-ŋuŋ, ŋá mò Dimɛika-ƃelai dîa da Zerusâlɛŋ-ƃelai da Zuda-ƃelai kélee e pɛlɛ Zɛ̃tai-ŋai dîa a gɛ́ɛ dí dílii pene dí pa Ɣâla pɔ, dí tíi kɛ́ a ǹɛ́lɛɛ yɛ̂ɛ lii-pene-ƃela.

Samia Maa-ŋuŋ 6:3

Dîyɛɛ dîai, “Kà kɛ̀ dɛ̂ɛi, káfe dɛ̀ɛ kpɛ́ni-kpɛni. Ka sama-sɛŋ pɛlɛ ma ká dɛ́ɛ Eezuɛ-ŋai Díɣâlai pɔ́ a kásɔnyɔ̂ŋ fela fêi. À kɛ̀ tí, ka pâi ƃâloi, ka m̀ɛnii kɔ́lɔŋ gɛ̀ Ǹuu-namui kɛ́ mɛni kpɔ̂lui ŋí làa kâai.”