Levetekɔ 4:7 - Ŋ̀âla Kɔlɔ Maa Waai

⁷ Zâla láa soŋ nuui é niŋa ŋãai da pú géreŋ sɛŋ kúŋ nɛ̃ɛ kéreŋ teƃelei mĩla-ŋai mâ nyii gáa Yâwɛɛ ŋɛ́i-tuɛ ŋɔsua kɔ̂lɔ seɣe pɛrɛi lai. É niŋa-sirɛ ŋãai kpéli pú géreŋ sala kula teƃelei kɔ́ɔ mu nyii gáa Yâwɛɛ ŋɔsua kɔ̂lɔ seɣe pɛrɛi gbôŋ lai.

Levetekɔ 4:7 ပူးပေါင်းရင်းမြစ်များ

Wule-woo-ŋa 118:27

Yâwɛɛ káa a Ɣâla. Zɔŋ lɛ̂lɛɛi kúmɛni ma. Ka gúui kɔ́ɔ pîlaŋ, ká tóu laa soŋ káyee ŋá ka kɛ̀ sìa, ka kɛ́ lì ŋ̀âla-teƃelei ma pere.

Ɛsedɔ 29:12

Niŋa ŋãai da siɣe í zia ŋ̀âla-teƃelei ŋɔƃeɣêŋ-ŋai dîa a íyee-gbua. Í gbéli pú ŋ̀âla-teƃelei kɔ́ɔ mu.

Levetekɔ 1:5

Gɛ̀ ní a pɔ̂ri daa-tûlɛi paâi Yâwɛɛ ŋɛ́i-tuɛ. Eelɔŋ ǹônii, nyii-ŋai díkaa a zala-laa-soŋ-ƃelai dí daa-tulɛi ŋãa kpɛ́mɛŋ ŋ̀âla-teƃelei kpono ma dínaŋ ma Yâwɛɛ Ŋɔsua kɔlɔ seɣe pɛrɛi láƃelei.

Levetekɔ 16:18

A pâi kulâi é lí géreŋ sala kula teƃelei ma é m̀aa waa. A pâi ǹiŋa ŋãai da m̀oli ŋãai da siɣêi é bú géreŋ sala kula teƃelei sonôŋ su wuru-ŋai kélee dîa é dínaŋ dîa.

Levetekɔ 4:18

Zâla láa soŋ nuui é niŋa ŋãai da pú géreŋ sɛŋ kúŋ nɛ̃ɛ kéreŋ teƃelei mĩla-ŋai mâ nyii gáa Yâwɛɛ ŋɛ́i-tuɛ ŋɔsua kɔ̂lɔ seɣe pɛrɛi lai. É niŋa ŋãai kpéli pú géreŋ sala kula teƃelei kɔ́ɔ mu nyii gáa Yâwɛɛ ŋɔsua kɔ̂lɔ seɣe pɛrɛi gbôŋ lai.

Levetekɔ 4:25

Gɛ̀ ní zâla láa soŋ nuui é ǹyée gbua lɔ́ zɔnyɔ̂ŋ sala sɛŋ ŋãa su é bú géreŋ sala kula teƃelei mĩla-ŋai dîa, é ŋ̀ãai kpéli pú teƃelei kpîŋ kɔ́ɔ mu.

Levetekɔ 4:30

Gɛ̀ ní zâla láa soŋ nuui é ǹyée gbua lɔ́ zɔnyɔ̂ŋ sala sɛŋ ŋí ŋãa su é bú géreŋ sala kula teƃelei zonoŋ su mĩla-ŋai dîa é ŋ̀ãai kpéli pú teƃelei kpîŋ kɔ́ɔ mu.

Levetekɔ 4:34

Gɛ̀ ní zâla láa soŋ nuui é ǹyée gbua lɔ́ zɔnyɔ̂ŋ sala sɛŋ ŋí ŋãa su é bú géreŋ sala kula ɣâla-teƃelei mĩla-ŋai dîa, é ŋãai kpéli pú ŋ̀âla-teƃelei kpîŋ kɔ́ɔ mu.

Levetekɔ 5:9

É zɔnyɔ̂ŋ sala sɛŋ ŋí ŋãa da kpɛ́mɛŋ ŋ̀âla-teƃelei kpono ḿâ, é gbéli pú teƃelei kɔ́ɔ mu. Gáa a sɔnyɔ̂ŋ su mɛni lɛ̀ɛ sama-sɛŋ.

Levetekɔ 6:30

Kɛ́lɛ daa-tulɛi nyii kélee da gùla a sâla dí ŋãa kúla zu dí pá la Yâwɛɛ ŋɔsua-kɔlɔ-seɣe pɛrɛi mu a gɛɛ dí sɔnyɔ̂ŋ maa sâla kula la gwaa ma waai mai, núu da fé maa suai da mii. Dí maa suai kélee kéreŋ.

Levetekɔ 8:15

Mose è daa-tulɛi paa é ǹyée gbua lɔ́ ŋãa su é gbɛ́mɛŋ ŋ̀âla-teƃelei ŋ̀owo-ŋai dísôŋo-ŋai su é dínaŋ ma a gɛɛ é gbɛtɛ tíi kɛ́ mɛni ma. É ŋãai kpéli pù zâla kula teƃelei kɔ́ɔ mu. Bere sîi ŋí ƃé è maa waa la é dɛ̀ɛ tíi kɛ́ mɛni ma.

Levetekɔ 9:9

Eelɔŋ ǹônii dí pà a daa-tulɛi ŋãai Eelɔŋ pɔ́, é ǹyée gbua lɔ́ zu é gbɛ́mɛŋ ŋ̀âla-teƃelei zôŋo-ŋai su é gbeli pú ŋ̀âla-teƃelei kɔ́ɔ mu.

Ifisiɛŋ 2:13

Ká kɛ̀ a kámaa kôyaa Ɣâla ma, kɛ́lɛ, ka nâa lɛɣɛ la Kôrai ŋɔŋãai sarâi.

Ibulu 9:15

Mɛni ma, gáa a gbanaŋ-woo-kɛɛ ninai tɛɛ-nuu, a gɛɛ diai a dítôlii, dí ŋwɔlɔ-wɔlɔ pɔɔ-sɛŋ sɔlɔ ƃó nyíi Ɣâla è góno tèe la díyêei. Kpɛ́ni fêi, saa-mɛni a pá nyíi a díkula dísɔnyɔ̂ŋ-ŋai su nyíi kɛ̀ gbanaŋ-woo-kɛɛi maa-ŋuŋ mui.

Ibulu 9:21

Bere sii tɔnɔi tí sú nɔ́ ƃe è ǹiŋa loŋ-ŋãai da moli-ŋãai kpɛ́mɛŋ la Ɣâla ŋɔpɛ́rɛi lá da ŋ̀âla-fɛli sɛŋ-folo-ŋai kélee dí kɛ̀ mui.

M̀ɛni-lɛɛi 6:9

Tãi è gɔlɔ láa tɛ-sãai nɔɔlu-ɣelei láa ƃo lai, diai dí wɔ́lɔ dípàa Ɣâla wòo ƃô mɛni ma da zere-faai dí gɛ̀i, ŋá dímɔlêŋ-ŋai kâa Ŋ̀âla-teƃelei mu.