Levetekɔ 4:4 - Ŋ̀âla Kɔlɔ Maa Waai

⁴ É pá a niŋa-sîrɛi Yâwɛɛ ŋɔsua-kɔ̂lɔ-seɣe pɛrɛi gbôŋ lá, é ǹyée pɛ́lɛ ŋuŋ ma, é báa Yâwɛɛ ŋɛ́i-tuɛ.

Levetekɔ 4:4 ပူးပေါင်းရင်းမြစ်များ

Kɔlɔnikɔ Veerɛi 29:23

Dí pà a m̀oli-ŋai zɔnyɔ̂ŋ-salai kula mɛni ma. Nya ƃe gâloŋ da ǹûai kélee dí díŋa tɛ gîe ma dí díyee pɛlɛ m̀oli-ŋai dîa.

Azaya 53:6

Kúkelee kú kɛ̀ nɔ́ yɛ̂ɛ ƃála láŋɔɔ-ŋa. Kú kɛ̀ nɔ́ liî kúkpîŋ ŋuŋ ma. Kɛ́lɛ m̀ɛni kula maai kɛ̀ kúmɛni mai, Yâwɛɛ è gélee pù ŋ̀ûa. Kúa ƃé m̀aa nɛ̃ɛ̂i kɛ̀ kú m̀ɛni kula maai ŋí sɔlɔ ƃó.

Danîa 9:26

Da pâi ǹúu láa túɛ-nuui ŋí paâi a góraŋ-ŋai ŋí kpɛɛ ŋá tãi ǹaa é lɛ́ɛ a vólo. Lɔii-ŋuŋ da kpɛ́ni su-ƃela láa túɛ nuu da ŋɔkɔ-kuluƃa-ŋai da pâi Zerusâlɛŋ su karâi da Ŋ̀âla-pɛrɛ Kɛ́tɛi. Kɔ́ a pâi kɛ̂i nɔ́ kɔ̂i naa yɛ̂ɛ ya fɛ̂ɛ yɛ̂ɛ berei Ɣâla è gbɛ̀tɛ lai.

Levetekɔ 16:21

Eelɔŋ a pâi ǹyée veerɛ pɛlɛ̂i m̀olii ŋuŋ ma é Eezuɛ-ŋai dítua-pere nyɔŋ-ŋai kélee, dítɔɔ ma pere sĩi nyɔ́mɔɔ-ŋai kélee ƃói. A pâi gélee pûi m̀olii ŋûa. Núu nyii dí díyee lɛ̀ mai a maa ƃoli siɣe é li la vɛ̃ɛ kpâlaŋ su é tee ma é lí.

Levetekɔ 4:15

Ǹyaŋ Eezuɛ láa túɛ-ƃelai dí pá a ǹiŋa-nâɣai Yâwɛɛ ŋɛ́i-tuɛ dí díyee pɛ́lɛ ŋ̀uŋ ma dí báa.

Levetekɔ 4:29

É ǹyée pɛ́lɛ ŋɔsɔnyɔ̂ŋ salai ŋí ŋuŋ ma é báa ƃɛ́i da géreŋ sala kula taa-tulɛi páa naai.

Levetekɔ 8:14

Gɛ̀ ní Mose è pà a zɔnyɔ̂ŋ sala kula niŋa sirɛi. Eelɔŋ da ǹônii dí díyee pɛ̀lɛ niŋai ŋuŋ ma.

Nɔŋba 8:12

Liiva-ŋai dí díyee láa niŋa-sirɛ-ŋai ŋûa, í dɔnɔ kula a sɔnyɔ̂ŋ su-mɛni-lɛɛ sala í gbéli kúla a kéreŋ-sala Liiva-ŋai dísɔnyɔ̂ŋ-ŋai su-mɛni-lɛɛ mɛni ma.

Pitɛ Maa-ŋuŋ 3:18

Kpɛni fêi, Kôrai máŋ è sàa sɔnyɔ̂ŋ mɛni ma zu tɔnɔ. Dɔ̃yâ-nuui è sàa kúai kúkaa a zɔnyɔ̂ŋ-ƃelai kúmɛni ma a gɛɛ é pá a kúa Ɣâla pɔ́. Dí gbono pàa, kɛ́lɛ, è kɛ̀ a vúlu mɔlêŋ su.