Levetekɔ 4:3 - Ŋ̀âla Kɔlɔ Maa Waai

³ “À kɛ̀ a zâla láa soŋ nûu kɛ́tɛi ƃé zɔnyɔ̂ŋ kɛ̀i, ŋɔsɔnyɔ̂ŋ a pâi kɛ̂i ǹûai kélee dîa. Gɛ̀ ní fɛ̂ɛ é sâla kula Yâwɛɛ ma a niŋa-nâɣa nyii pɔ́ɔ fé mai ŋɔsɔnyɔ̂ŋ mɛni ma.

Levetekɔ 4:3 ပူးပေါင်းရင်းမြစ်များ

Kɔlɔnikɔ Veerɛi 29:21

Dí pá a niŋa-sirɛ lɔ́ɔlu-mɛi feerɛ, ƃála-sirɛ lɔ́ɔlu-mɛi feerɛ, ƃála-lonii-sirɛ lɔ́ɔlu-mɛi feerɛ da ƃoli sirɛ lɔ́ɔlu mɛi feerɛ. Dí gélee kula a sɔnyɔ̂ŋ-sala galoŋ-laai mɛ̂ni ma, Ŋ̀âla-pɛrɛ Kɛ́tɛi, é pɛlɛ Zuda ma. Galoŋ è mò zâla láa-soŋ-ƃelai nyíi ŋai kɛ a Eelɔŋ ŋɔsuui su-ƃelai dîa a gɛ́ɛ dí zãai ŋí kula a sâla Yâwɛɛ ŋɔ-ɣâla-teƃelei ŋa.

Ɛzura 8:35

Diai kélee kùla gɔ-soŋ-laai su dí lène pôlui, dí pà a kéreŋ sama-sãa Eezuɛ Ŋɔɣâlai mɛni ma. Zãâi ŋí ƃé kɛ̀ a niŋa nâɣa puu káo feerɛ Eezuɛ sii puu káo feerɛ mɛni ma, ƃála sirɛ buu lɔ́ɔlu mɛi náaŋ kao lɔ́ɔlu mɛi da, da ƃála lônii buu lɔ́ɔlu mɛi feerɛ kao lɔ́ɔlu mɛi feerɛ. Dí pà máŋ a ƃoli sîrɛ puu káo feerɛ a sɔnyɔ̂ŋ sama-sãa. Dí pà a daa tûlɛ-ŋai ŋí kélee dí díkereŋ a sama-sàa Yâwɛɛ mɛni ma.

Ɛsedɔ 29:14

Kɛ́lɛ ǹiŋai zua, gɔlɔ da gbó kéreŋ a ŋɔŋ mûui pôlu-pere. Gáa a sɔnyɔ̂ŋ sala.

Ɛsedɔ 29:21

Ŋãai gáa ŋ̀âla-teƃelei mai da siɣe í bù-ŋua ŋulɔi da siɣe í gbɛ́mɛŋ Eelɔŋ ma da ŋɔseɣei. Í da kpɛ́mɛŋ Eelɔŋ ǹônii dîa da díseɣe-ŋai. Bere sii ŋí ƃé ǹyaa da ǹônii é pɛ́lɛ díseɣe-ŋai dîa dímaa a pâi kɛ̂i la a ŋwaa.

Ɛsedɔ 29:7

Nàa pôlu ma í ŋ̀úlɔi síɣe í bú ŋ̀ûa.

Ɛsedɔ 30:10

Eelɔŋ é sɔnyɔ̂ŋ su-mɛni lɛɛ sâla kula géreŋ-sɛŋ kúŋ nɛ̃ɛ kéreŋ ɣâla-teƃelei ŋɔƃeɣêŋ-ŋai dîa tɔnɔ a kóraŋ kélee. Zuai è zɔnyɔ̂ŋ su-mɛni lɛɛ salai kùla lai, fɛ̂ɛ é ŋãa sía ƃeɣêŋ-ŋai dîa tɔnɔ a kóraŋ kélee. Ka gɛ́ tí a kóraŋ kélee káfulu-laai su da kásuui. Maa waâi ŋɛ́i.”

Izikiɛ 40:39

Teƃele náaŋ è kɛ̀ bɛ́rɛi ŋɛ́i túɛ loŋpoi su nyii kɛ̀ ziɣãŋ su-pere ŋ̀ɔi ma yá-ŋua pere. Loŋpoi ŋí lá è kɛ̀ a gúlaa ziɣãŋ kɛ́tɛi ma pere. Veerɛ è kɛ̀ bɛ́rɛ ƃelai dɔnɔ ma veerɛ kɛ́ ƃò m̀éla gbéli ma. Teƃele-ŋai ŋí ŋá ƃé da kâa daa-tulɛ-ŋai pàa naa kéreŋ-sala, kpaa máŋ sɔnyɔ̂ŋ-sala da sɔnyɔ̂ŋ kula maa sâla mɛni ma.

Izikiɛ 43:19

Ńyãai a Ŋ̀wála-wâla kélee Yâwɛɛ ŋa môi yâ a gɛɛ zâla láa-soŋ-ƃelai nyii-ŋai díkaa a Liiva ŋɔsuui su-ƃelai nyii-ŋai díkaa a Zadɔ ǹônii dîa nɔ́ ƃé dí pá ŋɛ́i-tuɛ a gɛɛ dítii kɛ́ ḿî. Ka niŋa sîrɛ-loŋ tɛɛ dí pɔ́ a gɛɛ dí sɔnyɔ̂ŋ-sala kula la.

Izikiɛ 44:27

À kɛ̀ tí é lí ziɣãŋ su-pere ŋ̀ɔi su é sâla kula naa gbîŋ mɛni ma a gɛɛ m̀aa é kɛ́ a ŋwaa tíi kɛ́ mɛ̂ni ma ŋɔ́nɔ. Ńyãai ŋ́gaa a Ŋ̀wála-wâla kélee Yâwɛɛ ńyãa ƃé mò tí.

Levetekɔ 1:10

“À kɛ̀ ŋɔkéreŋ sama-sɛŋ káa a ƃála kpaa ƃoli, é kɛ́ a zirɛ nyii pɔ́ɔ fé mai.

Levetekɔ 1:3

À kɛ̀ ŋɔsama-sɛŋ káa a kéreŋ sama-sɛŋ nyii è gùla ŋɔniŋa-ŋai samai, fɛ̂ɛ maa niŋai é kɛ́ a zirɛ nyii pɔ́ɔ fé mai. É maa salai kúla Yâwɛɛ Ŋɔsua kɔlɔ seɣe pɛrɛi gbôŋ lá a gɛɛ Yâwɛɛ é ǹyée sée mu.

Levetekɔ 16:11

“Eelɔŋ a pâi ǹiŋa loŋ kulâi a sâla gbîŋ sɔnyɔ̂ŋ su mɛni lɛɛ mɛni ma da ŋɔpɛ́rɛi mu-ƃelai, é báa.

Levetekɔ 16:3

Bere sîi ŋí ƃe Eelɔŋ a pɔ̂ri pâi la Gwaa Maa Waai ma. É pá a niŋa loŋ zɔnyɔ̂ŋ salai kula mɛni ma da ƃála sîrɛ géreŋ salai kula mɛni ma.

Levetekɔ 16:5

“Eezuɛ-ŋai da pâi ƃoli sirɛ feerɛ tɛɛ̂i Eelɔŋ pɔ́ sɔnyɔ̂ŋ sala kula mɛni ma da ƃála sirɛ tɔnɔ géreŋ salai kula mɛni ma.

Levetekɔ 16:6

Eelɔŋ a pâi niŋa loŋ kulâi a sala ǹyaa kpîŋ ŋɔsɔnyɔ̂ŋ su mɛni-lɛɛ mɛni ma da ŋɔpɛ́rɛi mu-ƃelai.

Levetekɔ 4:14

da dísɔnyɔ̂ŋ kɔ̂lɔŋ nyii dí gɛ̀i, fɛ̂ɛ dí pá a niŋa nâɣa Yâwɛɛ ŋɔsua kɔ̂lɔ seɣe pɛrɛi lá dí gúla a sɔnyɔ̂ŋ sala.

Levetekɔ 4:23

a ŋɔsɔnyɔ̂ŋ kɔ̂lɔŋ nyii è gɛ̀i, fɛ̂ɛ é pá a ƃoli-sirɛ nyii pɔ́ɔ fé mai a sâla sɛŋ,

Levetekɔ 4:28

À ŋɔsɔnyɔ̂ŋ kɔ̀lɔŋ nyii è gɛ̀i, fɛ̂ɛ é pá a ƃoli-sâa nyii pɔ́ɔ fé mai a sala sɛŋ ŋɔsɔnyɔ̂ŋ mɛni ma nyii è gɛ̀i.

Levetekɔ 4:5

Gɛ̀ ní zâla láa soŋ nûu kɛ́tɛi é niŋa-sirɛi ŋãa da siɣe é lɔ́ la Yâwɛɛ ŋɔsua kɔ̂lɔ-seɣe pɛrɛi mu.

Levetekɔ 5:6

é pá a ƃála-sâa kpaa máŋ ƃoli-sâa Yâwɛɛ pɔ́ a ŋɔsɔnyɔ̂ŋ maa sâla sɛŋ. Zâla láa soŋ nuui é ǹúui ŋí ŋɔsɔnyɔ̂ŋ ḿaa sâla kula a m̀álai kpaa m̀ólii ŋí.

Levetekɔ 6:18

Eelɔŋ ǹônii sinaai dísuui su sinaai díwɔ̂ sala-sɛŋ mii ká ŋí zâla sɛŋ su nyii da dɛ̀ɛ Yâwɛɛ pɔ́i. Gáa a díwɔ̂i wɔlɔ-wɔlɔ da wɔlɔ-wɔlɔ. Núu da kpɛ́ni a lɛ̀ɣɛ mii-sɛŋ ŋí ḿâ, a pâi naa pɔɔ lɛ̂i, kpɛ́ni-fei m̀aa waai.

Levetekɔ 8:12

È ŋ̀úlɔi da pù Eelɔŋ ŋûa a gɛɛ é kɛ́ a maa waa é tela zèe ŋɔtíi kɛ́ɛi su.

Levetekɔ 9:2

È mò Eelɔŋ ma ǹyɛɛi, “Niŋa sirɛ loŋ siɣe zɔnyɔ̂ŋ salai kula mɛni ma, í ƃála sirɛ loŋ siɣe gereŋ salai kula mɛni ma. Dífeerɛ dí kɛ́ a daa-tulɛi nyii pɔ́ɔ fé diai í pá a dîa Yâwɛɛ pɔ́.

Levetekɔ 9:3

M̀ó Eezuɛ-ŋai dîa dí ƃoli-sîrɛ siɣe zɔnyɔ̂ŋ salai kula mɛni ma, dí kóraŋ tɔnɔ niŋa loŋ da kóraŋ tɔnɔ ƃála loŋ nyii-ŋai pɔ́ɔ fé diai siɣe géreŋ salai kula mɛni ma,

Nɔŋba 16:22

Mose da Eelɔŋ dí díŋuŋ pìlaŋ ǹɔii ma díyɛɛ mai, “Óo Ɣâla, ƃíai íkaa a fúlu-laa kpɛtɛ Ɣâlai, ƃa pâi ílii ŋwanâi ǹúui kélee ma núu tɔnɔ ŋɔsɔnyɔ̂ŋ mɛni ma?”

Nɔŋba 8:8

Nàa pôlu ma dí niŋa naɣa kɛ́tɛɛ síɣe da kpólo-sala kula felaƃa wúlɔ púɔɔ mà. Niŋa naɣa sirɛi síɣe sɔnyɔ̂ŋ su-mɛni-lɛɛ sala mɛni ma.

Lomaŋ 8:3

Kpɛ́ni fêi, Ɣâla a mɛnii kɛ́ nyíi Dɔ̂ŋ fa pɔ̂ri gɛ̂i nyíi kúkpîŋ tua-perei e zu saai. È ǹyaa kpîŋ-Loŋ tɛɛ a gɛ́ɛ gbono e kɛ́ ma yɛ̂ɛ kúkpono nyíi ǹáa fɛɛ̂i a sɔnyɔ̂ŋ a gɛ́ɛ e saa sɔnyɔ̂ŋ mɛni ma. Berei-sii ŋí su ƃe e sɔnyɔ̂ŋ su kara la núu-kpune kpîŋ-tua-pere su,

Kɔleŋtiɛŋ Veerɛi 5:21

Kpɛ́ni fêi, Kôrai nyíi ve kɛ́ ni a sɔnyɔ̂ŋ kɔ́lɔŋɔɔ̂i, Ɣâla e sɔnyɔ̂ŋ pu mà kúmɛni ma a gɛ́ɛ ku kɛ́ a ǹyaa Ɣâla ŋɔtɔ̃yâ-ƃela Kôrai kponôi.

Ibulu 5:3

Nyíŋi mɛni ma, gáa a sɛŋ fɛ̂ɛ é sâla kula gbîŋ-sɔnyɔ̂ŋ mɛni ma da ǹûai díwɔ̂i.

Ibulu 9:12

Zarâi ƃe é lɔ̀ naa Gwaa Maa Waai su nɔ́ a tãi tɔnɔ. Vé lɔ́ ní naa a ƃoli-ŋãa, kpaa máŋ niŋa-loŋ ŋãa. Kɛ́lɛ, è lɔ̀ naa a gbɔɔi-ŋãa a gɛɛ é kúŋuŋ-mâ ƃô wɔlɔ-wɔlɔ da wɔlɔ-wɔlɔ.