Levetekɔ 3:8 - Ŋ̀âla Kɔlɔ Maa Waai

⁸ é ǹyée pɛ́lɛ ŋuŋ ma, é báa Yâwɛɛ ŋɔsua kɔ̂lɔ seɣe pɛrɛi ŋɛ́i-tuɛ. Zâla láa soŋ-ƃelai dí ŋãa kpɛ́mɛŋ ŋ̀âla-teƃelei kpono ma dí dínaŋ ma.

Levetekɔ 3:8 ပူးပေါင်းရင်းမြစ်များ

Azaya 53:6

Kúkelee kú kɛ̀ nɔ́ yɛ̂ɛ ƃála láŋɔɔ-ŋa. Kú kɛ̀ nɔ́ liî kúkpîŋ ŋuŋ ma. Kɛ́lɛ m̀ɛni kula maai kɛ̀ kúmɛni mai, Yâwɛɛ è gélee pù ŋ̀ûa. Kúa ƃé m̀aa nɛ̃ɛ̂i kɛ̀ kú m̀ɛni kula maai ŋí sɔlɔ ƃó.

Levetekɔ 1:11

É m̀ólii kpaa m̀álai ŋí páa yá ŋûa-pere ŋ̀âla-teƃelei kɔlɛ Yâwɛɛ ŋɛ́i-tuɛ. Eelɔŋ ǹônii nyii-ŋai díkaa a zâla láa-soŋ-ƃelai dí daa-tûlɛi ŋãa kpɛ́mɛŋ dí dínaŋ ŋ̀âla-teƃelei kpono ma.

Levetekɔ 1:4

É ǹyée pɛ́lɛ géreŋ sama-sɛŋ ŋuŋ ma a gɛɛ Yâwɛɛ é ǹyée sée zama-sɛŋ mu-maa-nuui ŋɔsɔnyɔ̂ŋ su mɛni lɛɛ mɛni ma.

Levetekɔ 1:5

Gɛ̀ ní a pɔ̂ri daa-tûlɛi paâi Yâwɛɛ ŋɛ́i-tuɛ. Eelɔŋ ǹônii, nyii-ŋai díkaa a zala-laa-soŋ-ƃelai dí daa-tulɛi ŋãa kpɛ́mɛŋ ŋ̀âla-teƃelei kpono ma dínaŋ ma Yâwɛɛ Ŋɔsua kɔlɔ seɣe pɛrɛi láƃelei.

Levetekɔ 3:13

é ǹyée pɛ́lɛ ŋuŋ ma, é báa Yâwɛɛ ŋɔsua kɔ̂lɔ seɣe pɛrɛi ŋɛ́i-tuɛ, Eelɔŋ ǹônii dí ŋãa kpɛ́mɛŋ ŋ̀âla-teƃelei kpono ma dí dínaŋ ma.

Levetekɔ 4:15

Ǹyaŋ Eezuɛ láa túɛ-ƃelai dí pá a ǹiŋa-nâɣai Yâwɛɛ ŋɛ́i-tuɛ dí díyee pɛ́lɛ ŋ̀uŋ ma dí báa.

Levetekɔ 4:24

é ǹyée pɛ́lɛ ŋ̀uŋ ma é báa ŋ̀âla-teƃelei ŋá ƃɛ́i da géreŋ sâla kula taa-tulɛi paa naai Yâwɛɛ ŋɛ́i-tuɛ. Gáa a sɔnyɔ̂ŋ sala sɛŋ.

Levetekɔ 4:4

É pá a niŋa-sîrɛi Yâwɛɛ ŋɔsua-kɔ̂lɔ-seɣe pɛrɛi gbôŋ lá, é ǹyée pɛ́lɛ ŋuŋ ma, é báa Yâwɛɛ ŋɛ́i-tuɛ.

Maafîu 3:17

Nya ƃe wóo è kùla ŋelei su, ǹyɛɛi, “Ŋáwɛli-kɛ-maa-Lóŋ ká ŋi nyii maa-mɛni a ńii láai.”

Kɔleŋtiɛŋ Veerɛi 5:19

Zu-kulai ƃa Ɣâla è kɛ̀ Kôrai kponôi, tãi ǹyaa Ɣâla è kɛ̀ díloai kpɛ́tɛ̂i la da ŋ̀éniɛi su-ƃelai, ve dítɔ̂ŋ-karaa-ŋai siɣe ni a dísɔŋ. È loai-kpɛtɛɛ maa-worɛ-woo tɛ́ɛ kúpɔ.

Kɔleŋtiɛŋ Veerɛi 5:21

Kpɛ́ni fêi, Kôrai nyíi ve kɛ́ ni a sɔnyɔ̂ŋ kɔ́lɔŋɔɔ̂i, Ɣâla e sɔnyɔ̂ŋ pu mà kúmɛni ma a gɛ́ɛ ku kɛ́ a ǹyaa Ɣâla ŋɔtɔ̃yâ-ƃela Kôrai kponôi.

Ifisiɛŋ 2:18

Kpɛ́ni fêi, zarâi ƃe Zûu-ŋai da Zɛ̃tai-ŋai da pere kâa naa a gɛ́ɛ dí pa Nàŋ-nuui pɔ kili-ŋa-sia tɔnɔ su.

Ifisiɛŋ 3:12

nyíi lii-kpele káa kúyêei gbonôi, da tɔ̃yâ-pere nyíi a lî a kúa Ɣâla pɔ kúlaa-lai sarâi Kôrai kponôi.

Pitɛ Maa-ŋuŋ 2:24

Ǹyaa kpîŋ è kúsɔnyɔ̂ŋ-ŋai síɣe gbonôi zaa-wurui mâ, a gɛɛ kú kpera kúɣeniɛi kɛ́ɛ ma sɔnyɔ̂ŋ mɛni ma, kú kúɣeniɛi kɛ́ tɔ̃yâ-laa mɛni ma. Ǹókwa-pala-ŋai dí káƃàlo.