Levetekɔ 3:16 - Ŋ̀âla Kɔlɔ Maa Waai

¹⁶ Zâla láa soŋ-nuui é géreŋ ŋ̀âla-teƃelei ma. Gáa a mii-sɛŋ sama-sɛŋ kéreŋ kûŋ nɛ̃ɛ Yâwɛɛ mɛni ma. Sua wûlɔ kélee káa a Yâwɛɛ pɔ́ɔ.

Levetekɔ 3:16 ပူးပေါင်းရင်းမြစ်များ

Zɛnɛse 4:4

Ebɛɛ máŋ è pà a ŋɔsama-sɛŋ a ŋɔƃála-loŋ maa-ŋuŋ da ƃála wulɔ Yâwɛɛ pɔ́. Yâwɛɛ è ǹyée sèe Ebɛɛ mu da ŋɔsama-sɛŋ.

Kɔlɔnikɔ Veerɛi 29:35

Gereŋ-sala sãai è kɛ̀ kpɔ́ a dámaa a ŋ̀ánaa é pɛlɛ zua-wulɔi ma nyíi kɛ̀ ǹii-sêe sama-sɛŋ mɛni mai da gbele-sɛŋ sama-sɛŋ nyíi lɛɛ gereŋ-salai pôlu ma. Tãi ŋí ƃe dí nâa pɛlɛ la Ɣâla fɛlii Yâwɛɛ ŋɔpɛ́rɛi mu ŋɔ́nɔ.

Kɔlɔnikɔ Veerɛi 7:7

Naa kɛ́ɛ tíi, Saloma è Yâwɛɛ ŋɔɣâla-pɛrɛ kɛ́tɛi ŋɛ́i-tuɛ maa-waa é kéreŋ da sua-wulɔ sala kula, nyíi kɛ̀ a laoi-laa salai. È zâla-ŋai ŋí kùla gîe ma kpɛ́ni fêi m̀ara-ɣala-teƃelei è kɛ̀ a guro té, géreŋ salai, da mii-sãai, é pɛ́lɛ zua-wulɔ sala-sãai kélee mɛni ma.

Ɛsedɔ 29:13

Niŋa wulɔi kúla goi-sãai kélee ma. Ǹíi ma-wulɔ da goi-kɔni-kao feerɛi dímaa wulɔi kúla í díkereŋ a sâla ŋ̀âla-teƃelei ŋá.

Ɛsedɔ 29:22

“M̀álai ŋ̀úlɔ kúla í ŋ̀óŋ síɣe da goi-sãa ma wulɔi. Ǹíi ma wulɔi kúla, goi-kɔni-kao feerɛ da dímaa wulɔi, í naa-mii yee mɛi wɛrɛi síɣe, kpɛ́ni fêi, gáa a sâla láa soŋ-ƃela seɛɛ dítii mɛi ḿaa ƃála.

Azaya 53:10

Yâwɛɛ a m̀ôi ǹyɛɛi, “Ńyãa ƃé gɛ̀ gɛ́ m̀ɔ̃lɛ. Ŋɔsaai è kɛ̀ a sâla, ŋuŋ ma ƃô da su-mɛni lɛ̂ɛ mɛni ma. A pâi ǹônii kâai. À kɛ̀ tí ŋɔfúlu-laai su a pâi kôyaai. Yâwɛɛ ŋɔmɛni kpɛtɛɛi ŋ̀aa see a pâi kɛ̂ zarâi.

Izikiɛ 44:15

Ŋ̀wála-wâla kélee Yâwɛɛi è mo ǹyɛɛi, “Kɛ́lɛ zâla láa-soŋ-ƃelai nyii-ŋai kùla Liiva ŋɔsuui su, nyii-ŋai díkaa a Zadɔ ŋɔsuui su-ƃelai kɛ́ tíi kɛ̂i ḿî a tãi Eezuɛ-ŋai dí dípôlu tɔ̀ɔ la ḿâi, dia ƃé pâi kɛ̂i tíi kɛ̂i ḿî. Da pâi kɛ̂i tíi kɛ̂i ḿî díkɛ zama-sɛŋ suai wúlɔ da ŋãa kûla a sâla.

Levetekɔ 17:6

Ǹyaŋ zâla láa soŋ nuui a pâi daa-tulɛi ŋãa kpɛ́mɛnîi ŋ̀âla-teƃelei ma nyii gáa Yâwɛɛ ŋɔpɛ́rɛi lái é ŋ̀úlɔ kéreŋ nyii géreŋ kùŋ lɛ̂lɛɛi Yâwɛɛ mɛni mai.

Levetekɔ 4:26

É daa-tulɛi ŋ̀úlɔ kélee kéreŋ ŋ̀âla-teƃelei ŋá yɛ̂ɛ berei a gɛ̀ la a ǹíi-see sala sɛŋ. Gɛ̀ ní zâla láa soŋ nuui a pâi ǹúu láa túɛ-nuui ŋí ŋɔsɔnyɔ̂ŋ maa sâla kulâi, ǹyaŋ ŋɔsɔnyɔ̂ŋ su-mɛni a pâi lɛɛ̂i.

Levetekɔ 4:31

É ŋ̀úlɔ kélee kúla yɛ̂ɛ berei a gɛ̀ la a ǹíi-see sala sɛŋ. Ǹyaŋ zâla láa soŋ nuui é géreŋ ŋ̀âla-teƃelei ŋá nyii gáa a kéreŋ sâla-sɛŋ kúŋ nɛ̃ɛ Yâwɛɛ mɛni mai. Bere sîi ŋí su zâla láa soŋ nuui a Eezuɛ nuui ŋí ŋɔsɔnyɔ̂ŋ maa sâla kula. A kɛ̀ tí, ŋɔsɔnyɔ̂ŋ su-mɛni a pâi lɛɛ̂i.

Levetekɔ 8:25

Nya ƃe è zuai ŋ̀úlɔ sìɣe, ŋ̀óŋ tɔɔi wulɔi, goi sãai ma wulɔi kélee, ŋɔba-paai, goi kɔni káo feerɛi da maa wulɔi da ǹáa mii yee mɛi wɛrɛi.

Levetekɔ 9:24

Nya ƃe ŋɔŋ è kùla Yâwɛɛ yêei é zama-sɛŋ kéreŋ da zua wulɔi nyii kɛ̀ teƃelei ŋái. Ǹyaŋ tãi ǹûai dí m̀ɛnii ŋí naa kàa lai, dí làɣi a zu kɛ́tɛ, dí díŋuŋ maa pîlaŋ ǹɔii ma.

Maafîu 22:37

Nya ƃe Zîsɛ è zu tòo, ǹyɛɛi, “Ínuu-namui Ɣâla wɛ́li a ílii kélee, ímɔ̂leŋ kélee da íkili kélee.