Levetekɔ 27:8 - Ŋ̀âla Kɔlɔ Maa Waai

⁸ “À kɛ̀ núu da a ŋ̀wɛ̂lii é núu da ŋuŋ ma ƃó kɛ́lɛ gôloɔɔi zɛŋ-kaoi maa nɛ̃ɛi é gbɛ̀ɛ ǹúui kpîŋ mɛni mai vé ǹyêei, é lí a nuui kpîŋ zâla láa soŋ nuui pɔ́. Zâla láa soŋ nuui a pâi m̀aa têei a nyii a pɔ̂ri gbɛɛ̂i.

Levetekɔ 27:8 ပူးပေါင်းရင်းမြစ်များ

Kâloŋ Veerɛi 7:5

Maa ɣele-wulii tí, zinâa náaŋ dí dímu sìɣe dí lí Siria-ŋai dí ƃûui su. Tãi dí sèri la mûui sui, dífe núu tɔnɔ kpîŋ da káa ní naa,

Zɛlemaya 5:7

Yâwɛɛ è dímarê kɛ̀, “Ŋa pâi ká sɔnyɔ̂ŋ su-mɛni lɛɛ-pere kɛ̂i léŋ? Kánîa-pɛlɛɛi da dípôlu tɔɔ ḿâ, dí kɛ́ ɣâla-ŋa fɛ̀li nyíi-ŋai dífe a tɔ̃yâ ɣalai. Ŋá dí kɔ̃́nɔŋ kùla dí píla, kɛ́lɛ dí kɛ̀ nɔ́ wulu-wulu kɛ̂i. Díkɛ kîrɛ sìɣe wulu-wulu kɛ́-ƃela dípɛrɛ-ŋai lá.

Levetekɔ 12:8

“À kɛ̀ va pɔ̂ri m̀ála loŋ sɔlɔ ƃôi gɛ̀ ní é pá a toloŋ feerɛ kpaa máŋ popôo feerɛ, dɔnɔ é kɛ́ géreŋ salai kula mɛni ma, gbéli kɛ́ ƃo zɔnyɔ̂ŋ salai kula mɛni ma. Zâla láa soŋ-nuai a pâi sâla kulâi a zãai ŋí ǹɛnîi ŋɔsɔnyɔ̂ŋ su mɛni lɛɛ mɛni ma, ǹyaŋ ŋɔsɔnyɔ̂ŋ su mɛni a pâi lɛɛi. Ǹɛnîi maa a pâi kɛ̂i a ŋ̀waa.”

Levetekɔ 27:9

“Núu da a fɛnɛ-sɛŋ sama-sɛŋ tɛ̀ɛ Yâwɛɛ pɔ́ nyii gáa a nuui, gɛ̀ ní zama-sɛŋ nyii kélee a dɛ̀ɛ Yâwɛɛ pɔ́i m̀aa waai.

Levetekɔ 5:11

Kɛ́lɛ à kɛ̀ ǹúui fé pɔrîi tòloŋ feerɛ kpaa máŋ popôo feerɛ sɔlɔ ƃôi, gɛ̀ ní é pá a felaƃa fũa pãi feerɛ a ŋɔsɔnyɔ̂ŋ maa sâla sɛŋ. Vé ɔle-wulɔ pù ma kpaa máŋ kéreŋ-sɛŋ kúŋ nɛ̃ɛ, kpɛ́ni fêi, gáa a sɔnyɔ̂ŋ maa sâla sɛŋ.

Levetekɔ 5:7

À kɛ̀ va pɔ̂ri ƃála kpaa máŋ ƃoli sɔlɔ ƃoi é pá la Yâwɛɛ pɔ́ ŋɔsɔnyɔ̂ŋ ḿaa sâla kula mɛni ma, a pɔ̂ri pâi a tòloŋ feerɛ kpaa máŋ popôo feerɛ, dɔnɔ kɛ̀ ƃô a ŋɔsɔnyɔ̂ŋ maa sâla sɛŋ, gbélii kɛ́ ƃò a kéreŋ sala sɛŋ.

Mâki 14:7

Gôlo-ƃelai díkaa kákɔlɛ a tãi kélee. Tãi kélee ka ŋ̀wɛ̂lii, ka pɔ̂ri mɛni lɛ́lɛɛ kɛ̂i dîɛ. Kɛ́lɛ, ńyaŋ fé pâi wɔ́lɔ kɛ̂i kásama a ɣele kélee.

Kɔleŋtiɛŋ Veerɛi 8:12

Kpɛ́ni fêi, à kɛ̀ sama-sɛŋ tɛɛ a kúla núu líi su, gɛ̀ ní, zɛŋ núu a gùla sama-sɛŋ tɛɛ sui, gáa nɔ́ yɛ̂ɛ zɛŋ gáa ǹúui ti yêei, kɛ́lɛ, va kɛ̂ yɛ̂ɛ zɛŋ ve ǹyêei.