Levetekɔ 26:9 - Ŋ̀âla Kɔlɔ Maa Waai

⁹ Ŋa pâi lûwa lâai kâa ká nîa-pɛlɛɛ támaa maa sɔlɔ ƃó. Ŋa pâi tɔɔ̂i gbanaŋ-wooi pôlu ŋá gɛ̀ káyêei.

Levetekɔ 26:9 ပူးပေါင်းရင်းမြစ်များ

Zɛnɛse 1:28

È lûwa làa dîa ǹyɛɛ diai, “Ka ƃûu ƃó, ká ǹɔii láa fɛ́ɛ ká kɛ́ mɛi. Ka kɛ́ nyɛ̃ɛ-ŋai mɛi da ŋɔni-ŋai é pɛ́lɛ fúlu-sãa kélee dîa.”

Zɛnɛse 17:20

À kɛ̀ a Isimai, ŋá íwoo mɛ̀ni m̀ɛni ma. Gáa, ŋa pâi lûwa láai ma, é ƃûu ƃó, ŋɔsuui su é kɛ́tɛ. A pâi kɛ̂i a kâloŋ puu káo feerɛ ǹâŋ. Ǹyaŋ ŋa pâi gɛ̂i a lɔii-ŋuŋ kɛ́tɛ mɛi-nuu.

Zɛnɛse 22:17

ŋa pâi lûwa lâai yâ a zu kɛ́tɛ, ŋá ísuui táma yɛ̂ɛ Bɛmɛlɛŋ-kao-ŋai díkaa ŋ̀elei sui da Yúo ma ŋãyai. Ísuui a pâi ŋɔkpɔara-ƃelai yée mɛi ɣâlei.

Zɛnɛse 26:4

Ŋa pâi ísuui tâmai yɛ̂ɛ Bɛmɛlɛŋ-kaoi gáa ŋ̀elei sui. Ŋa pâi ǹɔii-ŋai ŋí kélee tɛɛ̂i ísuui pɔ́. Ǹɔii-ŋuŋ-ŋai kélee da pâi lûwa sɔlɔ ƃôi ísuui sârai.

Zɛnɛse 28:14

Ǹyaŋ ísuui a pâi tâmai yɛ̂ɛ ǹɔii mâ ŋãyai. Ǹyaŋ ísuui a pâi serîi vóloi liî-pere da vóloi kulâi-pere, ǹɔii ŋûa-pere da ǹɔii kwára-pere. Ka ísuui kásarâi, lûwa a pâi kɛ̂i ǹɔii su-ƃelai kélee dîa.

Zɛnɛse 28:3

Ŋ̀wála-wâla kélee Ɣalai é lûwa láa yâ é gɛ́ í ƃûu ƃó ísuui é kɛ́ a núu-kpulu su kɛ́tɛ.

Zɛnɛse 48:4

È mò mâ ǹyɛɛi, ‘Gáa, ŋa pâi íkɛ̂i í ƃûu ƃó. Ŋa pâi ísuui kɛ̂i a núu-kpulu su kɛ́tɛ. Ǹyaŋ ŋa pâi ǹɔii ŋí tɛɛ̂i ísuui pɔ́ é kɛ́ a dípɔɔ wɔlɔ-wɔlɔ da wɔlɔ-wɔlɔ.’ ”

Zɛnɛse 6:18

Kɛ́lɛ ŋa pâi ŋ́gono teêi íyêei. Ka ílônii ká lɔ́ géleŋ su da ínɛnîi é pɛ́lɛ ílônii dínɛyâai dîa.

Kâloŋ Maa-ŋuŋ 3:8

Íyee mu-nuui káa ínûai sáma nyíi ya dí síɣe zui, ínuu-suu su kɛ́tɛi ŋí nyíi núu fa pɔri dílônoi kpaa máŋ é dílaa síɣei, dí táma pere ma.

Kâloŋ Veerɛi 13:23

Kɛ́lɛ Yâwɛɛ ŋɔsɔŋ-lɛlɛ-laai é kɛ̀ nɔ́ naa Eezuɛ-ŋai mɛni ma. Ǹyaŋ è dí malôŋ kàa kpɛ́ni fêi, è Kpanaŋ-woo kɛ̀ dínâŋ pɔlɔ-ŋai yêei, Eberaɣɛ̃ɛ, Aise da Zeeka. É síɣe tãi tí ma é tóo sâa ma vé wɔ́lɔ ŋ̀wɛ̂lii é dísu kara kpaa máŋ é dí kpɛ́ ŋɛ́i-tuɛ.

Niɛmaya 2:20

Ŋá díwoo su tòo ńyɛ̂ɛi, “Ŋ̀wála-wâla kélee Ɣalai nyii gáa Ɣâla-taai, ŋɔtíi kɛ́-ƃela ƃa kúa. Mɛni ma, kwa pâi Zerusâlɛŋ taa-leei tɔɔ̂i pôlu. Ǹyaŋ a pâi gɛ̂i kú kútii kɛ́ kú ŋuŋ lá kúla a ǹɛ́lɛɛ. Kɛ́lɛ káfe a ǹɔii ŋí ǹônii da. Ká mɛni da fé lɔii maa mɛ̂ni su kúkwaa maa waa-ŋai mɛni su Zerusâlɛŋ.”

Niɛmaya 9:23

Í gɛ̀ dísuui su-ƃelai dí táma yɛ̂ɛ bɛmɛlɛŋ-kao-ŋai. Í pà a dia ǹɔii ma í íkono tèe la dínâŋ pɔ̂lɔ-ŋai yêei.

Wule-woo-ŋa 107:38

A gɛ̀ nûa dí nîa-pɛlɛɛ maa sɔlɔ ƃó a dámaa, é lûwa láa dítaa tulɛ-ŋai dîa.

Wule-woo-ŋa 89:3

Í mò yɛ̂i, “Ŋá kpanaŋ-woo kɛ̀ ǹúui yêei ŋá zìɣe zui. Ŋá ŋ́gono tèe ŋátii kɛ́-nuui Deeƃé yêei,

Ɛsedɔ 1:7

Kɛ́lɛ Eezuɛ-ŋai dí ƃûu ƃò dí táma dí ǹɔii láa fɛ́ɛ, wála-wala kɛ́ ƃò díyêei.

Ɛsedɔ 2:25

Ɣâla è Eezuɛ-ŋai díluɛ-laai kàa é gbîŋ lɛ́ dîa.

Ɛsedɔ 6:4

Ŋá ŋákpanaŋ-wooi kɛ̀ máŋ díyêei a gɛɛ ŋá Keena lɔii tɛ́ɛ dípɔ nyii dí kɛ̀ zu a ŋɔ̃ya-ŋai.

Azaya 55:3

“Ŋánûa, ka káwoli tɔ́ɔ ḿâ, ká pá ḿbɔ. Kà pà ḿbɔ, ka pâi lɛɛ̂i ɣele ma. Ŋa pâi wɔ́lɔ-wɔlɔ da wɔ́lɔ-wɔlɔ kpanaŋ-woo kɛ̂i káyêei. Ŋa pâi lûwa lâai kâa yɛ̂ɛ berei ŋá wɔ́lɔ ŋ́gono tèe la Deeƃé yêei, a ŋáwɔlɔ-wɔlɔ da wɔ́lɔ-wɔlɔ wɛli kɛ́-maai.

Zɛlemaya 23:3

Ŋa pâi ŋánûai ŋáa lɛɣɛ̂i díkîe ma nyii-ŋai dítaa-taai ǹɔii-ŋuŋ da kpɛ́ni-ŋai sui, ŋá pá a dia dípɔ-taai. Da pâi nîa-pɛlɛɛ-ŋa sɔlɔ ƃôi, dítama.

Zɛlemaya 23:4

Ŋa pâi dímɛi-ƃela seêi a gɛɛ dí dímɛi káa. Ŋánûai dífe ŋɔ́nɔ pâi yaôi, kpaa máŋ núu-da é dímaa yáo. Dí tɔnɔ kpîŋ da vé pâi lánîi. Ńyãa Yâwɛɛ ƃé mò tí.”

Zɛlemaya 33:3

“Ńdoli a tãi kélee, ǹyaŋ à kɛ̀ tí, ŋa pâi íwoo su toôi. Ŋa pâi loo mɛni kpaya-kpaya-ŋa ƃôi yâ nyíi-ŋai ífe mɛni da kɔ́lɔŋ é pîlaŋ dîai.

Izikiɛ 16:62

Ŋa pâi kpanaŋ-woo kɛ̂i íyêei a nina a gɛɛ í gɔ́lɔŋ a gɛɛ ńyãa ƃa Yâwɛɛ.

Izikiɛ 36:9

Ŋ́gaa ká pôlu. M̀ɛni ma, ŋa pâi gɛ̂i ká kási-sãa sí ǹɔii ma.

Levetekɔ 26:15

Ka wàla káwoli tɔ́ɔ ŋɔtɔ̂ŋ-ŋai dîa ká m̀ɛni-ŋai kɛ́ ŋa m̀o kâai, ká káyee kúla gbanaŋ-wooi mu ŋá gɛ̀ káyêei,

Lûu 1:72

a gɛɛ e maloŋ-kaa lɛ Kúnuu-pɔlɔ-ŋai dîa a gɛɛ ŋɔkono-tee kpanaŋɔɔ maa waai kíli e lɛɛ díŋa,

Dutɛrɔnome 28:11

Yâwɛɛ a pâi gɛ̂i kátama, kátaa-tulɛ-ŋai díƃûu ƃó, kási-sãai dí kpɛtɛ ǹɔii ma è góno tèe la kánâŋ-ni yêei.

Dutɛrɔnome 28:4

“Yâwɛɛ é gɛ̀ lûwa é kɛ́ kánîa-pɛlɛɛi dîa, kási-sãai da kátaa-tulɛ-ŋai.

Dutɛrɔnome 7:13

A pâi káwɛ̂lii, é lûwa láa kâa, é gɛ́ kásuui su é kɛ́tɛ. A pâi lûwa lâai kálônii dîa, é lûwa láa ǹɔii ma a gɛɛ kási-sãai dí kpɛtɛ ká mii-sãa támaa sɔlɔ ƃó da kpele-sãa, kátaa-tulɛ-ŋai dí ƃûu ƃó ǹɔii ma è dɛ̀ɛ kánûa-pɔlɔ-ŋai pɔ́i.

Ibulu 8:9

Vé pâi kɛ̂i yɛ̂ɛ gbanaŋ-wooi ŋá gɛ̀ dínâŋ-pɔlɔ-ŋai yêei a ŋelei ŋá dísòŋ la a díyee ŋá díkula Ize-lɔii sui. Nuu-namui è ŋɔ́nɔ mò a gɛɛ, kpɛ́ni fêi, dífe lɛɛ ní ŋákpanaŋ-woo-kɛɛi su, mɛni ma fé ŋ̀óli tɔɔ ní dîa.