Levetekɔ 26:6 - Ŋ̀âla Kɔlɔ Maa Waai

⁶ “Ŋa pâi gɛ̂i lii-see kɛ́ ƃò káyêei ǹɔii su. Ŋa pâi vɛnɛ-sãa nyɔ́mɔɔ-ŋai kélee kpɛ̂i kákɛ̂i. Kɔ́ mɛni fé ŋɔ́nɔ pâi kɛ̂i ǹɔii su.

Levetekɔ 26:6 ပူးပေါင်းရင်းမြစ်များ

Kâloŋ Veerɛi 2:24

È tìnaŋ dí pɔ́ naa pêre é dí káa sĩi, é dí náɣaŋ Yâwɛɛ láai su. Nya ƃe lɔɔ fɛnɛ-sãa kpaya-kpaya feerɛ dí kùla nɔɔi su dí zinâa-nɛyãai buu náaŋ káo feerɛ páa.

Kɔlɔnikɔ Maa-ŋuŋ 22:9

Kɛ́lɛ ya pâi lóŋ-surɔŋ maa sɔlɔ ƃôi nyíi lii-see a pâi kɛ̂i ǹyêei, kpɛ́ni fêi, ŋa pâi dɛɛ̂i bɔ́. Ŋa pâi gɛ̂i é víi tɔ́ɔ ŋɔkpɔara-ƃelai kélee yêei. Ǹáa ƃé pâi kɛ̂i a Saloma. À gâloŋ-laai sɔlɔ ƃô, ŋa lii-see tɛɛ̂i Eezuɛ-ŋai pɔ́ ŋá dímɛi káa.

Kɔlɔnikɔ Veerɛi 20:30

Naa pôlu ma, Zeosafa è ŋɔkâloŋ-laai kɛ̂ kpɔ́ a lii-see kpɛ́ni fêi Ɣâla è fii tɔ̂ɔ tɛ̀ɛ bɔ́ ƃéla kélee ma.

Zôo 11:19

Sɛŋ-da fé pâi ímaa yaôi. Núu támaa a pâi é ǹyée sée íŋɛi.

Zôo 5:23

Kɔni fé pâi kɛ̂i íkpâlaŋ ŋa. Ǹɔɔ fɛnɛ-sãai dífe pâi pɛlɛ̂i yâ.

Wule-woo-ŋa 144:14

Tɔ́ɔ kúniŋa-ŋai dí díkaa a dámaa, mɛni nyɔ́mɔɔ fé da kɛ̀, kpaa máŋ da é sáa. Tɔ́ɔ lii-too pôlu wɔ̀lɔ-woo da fé tɛ̀ kú taa lêe-ŋai da su.

Wule-woo-ŋa 147:14

A kálɔii ŋɔgɔyɛŋ pere-ŋai maa kɔ̃̂ɔ, gɛ́ mii-sãa lɛ́lɛɛ-ŋa tɛ̀ɛ kápɔ.

Wule-woo-ŋa 29:11

Yâwɛɛ a gɛ̀ ŋɔnûai kponôi é kpanaŋ. A lûwa làa dîa lii-see kɛ́ ƃò díyêei.

Wule-woo-ŋa 3:5

Ŋà làa ŋá nyìi, ɣele a ƃɔ̀, ŋa ŋ́ɛi lá ƃò ŋa ḿû sîɣe ŋɔ́nɔ, kpɛ́ni fêi, Yâwɛɛ a ḿɛi kâai.

Wule-woo-ŋa 4:8

Ŋa pâi lâai ŋá nyíi lii-see su. Óo Yâwɛɛ, yá tɔnɔ nɔ́ ƃa gɛ̀ ŋ́gɛ ƃò ŋuŋ ma ƃô su.

Wule-woo-ŋa 85:8

Ŋ́oli tɔɔ̂i Ɣâla Yâwɛɛ ma. A lii-see maa kono tee kɛ̂i kúyêei, à kɛ̀ kwa kúlii pène, kwa pâi zɔlɔ ƃôi.

Ɛsedɔ 23:29

Fé pâi díkpɛ̂i kóraŋ tɔnɔ yée mu ǹɔii fa lá lɛ̀ɛ la a vólo, lɔɔ sua ŋai dí táma naa kámɛni ma.

Táre-woo-ŋa 3:24

Ƃà lì lâai, ífe pâi yaôi, ƃa pâi nyiî a ǹɛ́lɛɛ.

Táre-woo-ŋa 6:22

Da pâi íteniŋ tɔɔ̂i ƃɛ́i kélee ƃa lî naai. Ƃà kɛ̀ láa-ni da pâi ímɛi kâai. Ƃà ímu sìɣe da pâi kɛ̂i ília-woo ƃôi.

Azaya 35:8

Pere-lêe a pâi kɛ̂i ƃɛ́i nûa da kâa kɛ̀ yaôi a gɛ́ɛ dí tɛ́ɛ naai. Maa pere-leei ŋí láa ƃé pâi kɛ̂i a, “Bere-lêe Maa Waai.” Vé pâi kɛ̂i a sɔnyɔ̂ŋ-nuu tɛɛ pêre. Ɣâla ƃé pâi kɛ̂i nûa téniŋ tɔɔ̂i berei ŋí su. Ǹúui kpîŋ táre da fé ŋ̀uŋ sui, a pâi pɔ̂ri tɛɛ̂i a berei ŋí.

Azaya 35:9

Yala-sulu-ŋa da kélee fé pâi siâi a berei ŋí, kpaa máŋ maa yâo ŋwana-lɔ̂ɔ fɛnɛ-sɛŋ da. Díta fé pâi wɔ́lɔ tɛɛ̂i la. Diai nɔ́ Yâwɛɛ a díŋuŋ ma ƃôi, dia ƃé pâi kɛ̂i tɛɛ̂i la.

Azaya 45:7

Ńyãa ƃé kpíni da kwaa ponóɔɔ kpɛ̀tɛ. Ŋa lûwa làa nûa dîa, ŋ́gɛ mɛni kpɔ̂lu làa da-ŋa dîa. Ńyãa ƃa Yâwɛɛ. Ńyãa ƃa m̀ɛni-ŋai ŋí kɛ̀.

Azaya 9:7

Ŋɔwála-walai kóyaŋ fé pâi wɔ́lɔ kɛ̂i ma. Lii-sêe a pâi wɔ́lɔ kɛ̂i nɔ́ ŋɔkâloŋ-laai su. Ǹyaa ƃé pâi kɛ̂i Gâloŋ Deeƃé pɔ́ɔ ŋá a kâloŋ. Wôya mɛni da kélee fé pâi kɛ̂i ŋɔkâloŋ-laai su wɔ́lɔ-wɔlɔ da wɔ́lɔ-wɔlɔ. Ǹyaŋ Ŋ̀wála-wâla Kélee Yâwɛɛ ƃé pâi m̀ɛni-ŋai ŋí kélee kɛ̂i dí kɛ́.

Zɛlemaya 30:10

M̀ɛni ma, ŋánûa, káfe yào. Káai a Eezuɛ-ƃelai kálii fé kpɛ̃̀liŋ kákoi. Ŋa pâi káŋuŋ-maa ƃôi ká kúla ǹɔii kôyaai tí su, ǹɔii nyíi kákaa zu a kɔ-sôŋ-ŋai. Ka pâi lenêi pôlu kálɔii su kásee naa lii-see su. Ka pâi kɛ̂i a káŋuŋ maa ƃóɔɔ, núu da fé pâi ká maa yaôi.

Zɛlemaya 31:26

À kɛ̀ tí, nûa da pâi kɛ̂i dîyɛɛi, ‘Ŋá ǹyii ŋá ŋɛ́i lá ƃó ŋ́gbonôi kpanaŋɔɔ.’

Izikiɛ 14:15

“Kpaa máŋ, ŋâa pà fɛnɛ-sãa tɛɛ̂i ǹɔii kpîŋ su dí naa sãa kélee kpɔ́ su kara é lɛ̀ɛ a bûŋ. À kɛ̀ tí, núu da kpîŋ fa pɔri tɛɛi naa, kpɛ́ni fêi vɛnɛ-sãai da pâi kɛ̀i naa.

Izikiɛ 14:17

“Kpaa máŋ ŋa kɔ́ too ǹɔii tí su ŋa pa a kɔ́-kɔ-sãa kpaya-kpaya ŋá ǹaa ƃela da vɛnɛ-sãai kélee páa.

Izikiɛ 14:21

M̀ɛnii Ŋwála-wala kélee Yâwɛɛi è mòi ǹya ƃa, “Ŋa pâi ŋá mɛni kula maa kɛ́ pere náaŋ tɛɛi Zerusâlɛŋ. Dîa ƃa, kɔ́, puru, lɔɔ-fɛnɛ-sãa, da kɔlɔ-fela a gɛɛ dínûai da vɛnɛ-sãai su-kara.

Izikiɛ 34:25

Ŋa pâi lii sêe kpanaŋ-woo kɛ̂i díyêei é dímɛi káa. Ŋa pâi díkulâi ǹɔɔ-fɛnɛ-sãa ŋwana-lɔ̂ɔ-ŋai yêei. Da pâi kɛ̂i ǹɔii su a lii-see. Da pâi kɛ̂i nyîi ǹɔɔi su sɛŋ da fa dí kɛ.

Izikiɛ 34:27

À kɛ̀ tí ŋ̀úru-ŋai díkaa ǹɔɔi sui da pâi ƃâi. Ǹɔii a pâi gɛ̂i mii-sɛŋ é lɛ́lɛ. Da pâi kɛ̂i dílɔii su a lii-see pere. Tãi ŋa pâi díkula yêei kɛ̂i la díkpɔara-ƃelai yêei nyii díkɛ̀ a luɛ-ŋai, maa tãi ƃé da pâi gɔlɔnii la a gɛɛ Ńyãa ƃa Yâwɛɛ.

Izikiɛ 5:17

É tée burui ŋa pâi gɛ̂i é ká paai ma, ŋa pâi lɔɔ-fɛnɛ-sãa tɛɛ̂i a gɛɛ díka nîa-pɛlɛɛ-ŋai su kara. Kɔ́ da kɔlɔ-fela da pâi ká lɔii pênei dí bɛlɛ. À kɛ̀ tí, Ńyãa kpîŋ ŋa pâi ká su karâi a ƃóa-sɔ̂kpɔ. Ńyãa Yâwɛɛ ńyãa ƃé mò tí.”

Osia 2:18

“M̀aa ɣêlei tí ŋa pâi ŋ́gono-têei ŋánûai yêei a gɛɛ ǹɔɔ fɛnɛ-sãai, ŋɔni-ŋai, da dɔara-sãai dífe mɛni ŋánaa kɛ̀ a dia. Ŋá pâi kerâŋ, ƃóa-sɔ̂kpɔ da kɔ́kɔ mɛni kperâi ǹɔii ma. Ŋa pâi gɛ̂i dí kɛ́ lii-sêe su.

Osia 2:20

Ya pâi kɛ̂i a ŋánɛnî. Ŋa pâi íwɛ̂lii a tɔ̃yâ-pere, gɛ̀ ní, ya pâi ńyãa Yâwɛɛ ŋ́gɔlɔnîi.”

Levetekɔ 25:18

M̀ɛni ma, ka ŋátɔ̂ŋ-ŋai mɛi káa ká m̀ɛni-ŋai kɛ́ ŋá m̀o kâai, gɛ̀ ní ka pâi lɛɛ̂i ǹɔii ma ŋá dɛ̀ɛ kápɔi káŋuŋ ma ƃóɔɔ.

Levetekɔ 25:19

Ǹɔii a pâi sí-sãa kpɛtɛ̂i kákɛ m̀ii ká kɛ́ ƃò naa káŋuŋ ma ƃóɔɔ.

Levetekɔ 26:22

Ŋa pâi gɛ̂i fɛnɛ-sãa nyɔ́mɔɔ-ŋa dí tóo kásama dí kálônii paa, dí kátama ɣele su kara da kátaa tulɛ-ŋai kálɛɛ nɔ́ a kákpulu lôŋ.

Levetekɔ 26:25

Ŋa pâi gɛ̂i nûa dí kɔ́ pɛ́lɛ kâa, kpɛni-fêi kà ŋákpanaŋ wooi síɣe dɔɔ̂i. Kà pù ká lì kátaa lee-ŋai su, ŋá kɔlɔ-fela píli naa kâa, é lɛ́ɛ zu ká kákpîŋ tɛ̀ɛ kákpɔara-ƃelai pɔ́ a kpala ǹá pere.

Levetekɔ 26:7

Kákpɔara-ƃelai da yée fé pâi tɛɛ̂i kâa.

Maka 4:4

Da pâi liî díkpɔmɔ kpâlaŋ-ŋai ŋá tɛi-tɛi dí sée dífîi wuru-ŋai mu, ǹyaŋ yao fé pâi kɛ̂i díkɔlɔi. Ŋ̀wála-wâla kélee Yâwɛɛ ƃé mò tí.

Zɛfɛnâya 3:13

Diai lɛ̀ɛ pôlu Eezuɛi, dífe pâi mɛni nyɔ́mɔɔ kɛ̂i, dífe pâi lɛ́ɛ kɛ̂i, dífe pâi lɛ́ɛ kɛ̂i kpaa máŋ núu-pɛlɛ-wôo é kúla díla. Da pâi dílaa miî dí nyíi, sɛŋ da fé pâi dímaa yaôi.”

Egaa 2:9

Bɛ́rɛ ninai a pâi fôloi é tɛ́ɛ bɔlɔi ma. Ŋa pâi tɔɔ-laa tɛɛ̂i ŋánûai pɔ́ da lii-sêe gwaa ŋí ma.”

Zɛkɛrâya 9:10

Yâwɛɛ ǹyɛɛi, “Ŋa pâi gɔ́-keleŋ-ŋai kulâi Ifiraŋ, ŋá gɔ́kɔ-sôo-ŋai kúla Zerusâlɛŋ-ƃelai yêei. Ŋa pâi gɔ́kɔ-keraŋ-ŋai su têei. Kákâloŋ a pâi a lii-sêe ǹɔii-ŋûŋ-ŋai pɔ́. Ŋɔlɔii su a pâi kɛ̂tɛi é síɣe yúo ma é tóo yúo ma. É síɣe ŋɔ́nɔ ǹyá-lêei ma é tóo ǹɔii kpɛɛ ŋá ma.”

Zɔ̂ŋ 14:27

“Ŋa lii-sêe lɛ̀ɛ káyêei; ŋa ŋálii-sêei tɛ̀ɛ kápɔ; ve yɛ̂ɛ berei ǹɔii a dɛ̀ɛ lai a gɛɛ ŋa dɛ̀ɛ ti kápɔ. Kálii fe kɔ-kɔ, kpaa máŋ ká ǹɛɛ naa é yao.

Zia-ƃelai Kɛ́-mɛni-ŋai 12:6

Ɛɛlɔ è gbɛ̀tɛ a gɛ́ɛ é Pitɛ kula gbini-pɛrɛi mu é bàa a ŋ̀ele-walai. M̀aa kpinii tí Pitɛ è kɛ̀ gbini-pɛrɛ mɛi káa-ƃelai veerɛ loai. È kɛ̀ a ŋ̀íriɛɛ a yɔlɔ feerɛ. Gbini-pɛrɛ mɛi-kaa-ƃelai dí kɛ̀ gbini-pɛrɛi lá díkɛ naa mɛi kaa.

Lomaŋ 5:1

M̀ɛni ma, tãi nɔ́ Ɣâla a kútoli la a tɔ̃yâ-ƃela laa-la sârai, kwa kúkɛ lii-sêe su kwa Ɣâla-ni Kúnuu-namui Zîsɛ Kôrai sârai.