Levetekɔ 26:5 - Ŋ̀âla Kɔlɔ Maa Waai

⁵ Kási-sãai da pâi ƃâi a zu kɛ́tɛ kálɛɛ díƃa kulâi dísi tãi é seri ŋɔ́nɔ. M̀ii-sãai kélee ǹɛ̂lɛɛi kámɛni mai da pâi kɛ̂i naa kákɛ m̀ii ŋuŋ ma ƃo kɛ́ ƃô káyêei ǹɔii su.

Levetekɔ 26:5 ပူးပေါင်းရင်းမြစ်များ

Wule-woo-ŋa 144:13

Tɔɔ kúkere-ŋai dí kɛ́ a dílaa fɛ́ɛ a mii-sɛŋ sii kélee. Tɔ́ɔ kúƃala-ŋai díkaa kúkpâlaŋ-ŋai ŋái, dí díkaa a wála púu (10,000).

Wule-woo-ŋa 90:1

Óo Ǹuu-namui, yá nɔ́ ƃé kúkili tɔɔ̂i yâ wɔ́lɔ-wɔlɔ da wɔ́lɔ-wɔlɔ.

Ɛsedɔ 16:8

Nya ƃe Mose è mò ǹyɛɛi, “Yâwɛɛ ƃé pâi sua tɛ̂ɛi kápɔ ka mii a ɣele-wûlii é kpólo tɛ́ɛ kápɔ a ɣele-wala ka mii kálii é láa. Kpɛ́ni fêi, a kálii ŋwanai maa mɛni mɛ̂ni nyii ká gɛ̀ mai. Gbɛ̂ɛ ƃa kûa a gɛɛ ka kálii ŋwanai pú kûa? Kua fé ka kálii ŋwanai kûa. Kɛ́lɛ Yâwɛɛ ƃè.”

Táre-woo-ŋa 1:33

Kɛ́lɛ núui a ŋ̀óli tɔ̀ɔ ḿâi, lii-see a pâi kɛ̂i ǹyêei. Lii-sɛlɛŋ fé pâi kɛ̂i ma da yao.”

Táre-woo-ŋa 18:10

Ɣâla Yâwɛɛ wóo káa yɛ̂ɛ yeŋkêŋ kpanaŋɔɔ. Núu sã́a a lî naa a gɛɛ é ŋuŋ ma ƃô sɔlɔ ƃó.

Azaya 1:19

À kɛ̀ kà fàa mà, woo mɛni kɛ́ ƃò káyêei, ka pâi ǹɔii ŋí ŋ̀úlɔ kpelêi.

Azaya 30:23

A pâi gɛ̂i tuna é pú kási-sãai dîa, dí kpɛtɛ, dí ƃá a zu-kɛ́tɛ. A pâi gɛ̂i kátaa-tûlɛ-ŋai kɔ́nɔŋ kɛ́ ƃò ma dí ƃûu ƃó díkɛ̂i lɛ́lɛɛ kɛ́ ƃò ma a tɛɛ-ŋa.

Zɛlemaya 23:6

Tãi a pâi kɛ̂i la a kâloŋ, Zuda-ƃela da pâi ŋuŋ-maa ƃô sɔlɔ ƃôi. Lii-see kɛ́ ƃò Eezuɛ-ƃela yêei. Da pâi dòli a, ‘Yâwɛɛ ƃa kúƃalo-laai.’ ”

Osia 2:18

“M̀aa ɣêlei tí ŋa pâi ŋ́gono-têei ŋánûai yêei a gɛɛ ǹɔɔ fɛnɛ-sãai, ŋɔni-ŋai, da dɔara-sãai dífe mɛni ŋánaa kɛ̀ a dia. Ŋá pâi kerâŋ, ƃóa-sɔ̂kpɔ da kɔ́kɔ mɛni kperâi ǹɔii ma. Ŋa pâi gɛ̂i dí kɛ́ lii-sêe su.

Osia 2:20

Ya pâi kɛ̂i a ŋánɛnî. Ŋa pâi íwɛ̂lii a tɔ̃yâ-pere, gɛ̀ ní, ya pâi ńyãa Yâwɛɛ ŋ́gɔlɔnîi.”

Zooɛ 2:19

Yâwɛɛ è mò ŋɔnûai dîa ǹyɛɛ, “Ka gáa, ŋa mii-sãa, ŋwã̂ai da wúlɔ tɛɛ̂i ká pɔ́, gɛ̀ ní ká líi a pâi lâai. Fé pâi ŋɔ́nɔ ƃâa kulâi kâa ǹɔii ŋuŋ-ŋai su.

Zooɛ 2:22

Sua-ŋa, káfe yào, kpɛ́ni fêi, kala ŋûnu támaa káa vɛ̃ɛ-kpâlaŋ su, ŋ̀úru-ŋai da ƃá, fîi wuru-ŋai da gbɔmɔ-ŋai díkɛ ƃà a ǹɛ́lɛɛ.

Zooɛ 2:26

Ka pâi mii-sɛŋ támaa sɔlɔ ƃôi ká mii, kálii é láa, ká Yâwɛɛ láa maa tɛ́ nyii gáa a Káɣâlai, nyii a mɛni lɛ́lɛɛ kɛ̀ kâai. Ǹyaŋ ŋánûai dífe pâi ŋɔ́nɔ wɔ́lɔ ŋumɛi.

Emɔ 9:13

Yâwɛɛ ǹyɛɛ, “Ka gáa, ŋ̀ele-ŋai díkaa pâi, tãi gwaa sí-nuui a pâi kɛ̂i la mɔlɔŋ tee-nuui pôlu, gbɔmɔ ƃa lúaŋ-nuui kɛ́ ƃò zí-sɛŋ sí-nuui pôlui. Ŋwã̂ai nɛ̃ɛ a pâi kulâi ǹyée kpaya-kpayai da ǹyée pɛlɛ-pɛlɛɛi su.

Maafîu 23:37

“Óo Zerusâlɛŋ, Zerusâlɛŋ, yái Ɣâla ŋɔlóno-kɛ-ƃelai pâa, í diai sɔ́ɔ a kɔni dí dítɛ̀ɛ ípɔ-naai! Ŋa ŋ̀wɛ̂lii ŋá ílônii ŋá tɛ́ díkîe ma a tãi támaa, yɛ̂ɛ berei tɛ́ɛ-lêe a ǹônii ŋá tɛ́ la díkîe ma goôŋ mui, kɛ́lɛ, ífa faa m̀a!

Zia-ƃelai Kɛ́-mɛni-ŋai 14:17

È máŋ kɛ̀ tí, vé fɛ̀ɣɛ ní gbîŋ m̀aa sêre-faa kɛ̂i m̀ɛni lɛ́lɛɛ-ŋai è gɛ̀i mɛni ma. È tuna tɛ̀ɛ kápɔ, é sí-sãa lɛ́lɛ tãi tɛɛ, é mii-sãa tɛ̀ɛ kápɔ kálii é láa ka kɛ́ lii-nɛ̃ɛ kùla.”

Dutɛrɔnome 11:15

A pâi gɛ̂i kala támaa kɛ́ ƃò naa kátaa-tulɛ-ŋai mɛni ma dí kɛ́ mìi dílii kɛ́ làa.

Temete Maa-ŋuŋ 6:17

À kɛ̀ a ŋ̀éniɛi ŋí su tɔɔ-ƃelai, m̀ó dîa a gɛ́ɛ dífe yoŋka tèe, kpaa máŋ dífe díkili-kɛ-zui pu tɔɔ-sãa dîa, nyíi-ŋai núu fa gíli pu dîai, kɛ́lɛ, dí díkili-kɛ-zui pú Ɣâla ma nyíi a sɛŋ kélee tɛ̀ɛ kúpɔ a zu-kɛtɛ a gɛ́ɛ kú kúnîa kɛ́ a diai.

Pitɛ Maa-ŋuŋ 1:5

káai Ɣâla a kámɛi kâai a ŋɔwala-walai laa-la sarâi ƃalo-laa mɛni ma, nyíi gbɛtɛ̂i a gɛɛ é lɛ́ a tãi gbɛɛ ŋái.