Levetekɔ 26:4 - Ŋ̀âla Kɔlɔ Maa Waai

⁴ ŋa pâi gɛ̂i tuna é pú ǹɔii ma a bú tãi é ǹɔii yɔɔ zí-sãai dí kpɛtɛ dí ƃá a zu kɛ́tɛ.

Levetekɔ 26:4 ပူးပေါင်းရင်းမြစ်များ

Kâloŋ Maa-ŋuŋ 17:1

Ɣâla-ŋɔlóno kɛ́-nuui Ilaiza nyíi kùla Tisibi Gilia lɔii sui è mò Gâloŋ Eɣa ma ǹyɛɛi, “Nyíi nɔ́ Yâwɛɛ, Eezuɛ Ŋɔɣâlai káa la ɣele ma, nyíi ŋ́gaa tíi kɛ̂i mìi, lúu kpaa máŋ tuna fé pâi pûi kóraŋ kpɛ́-kpɛɛ yée mu fɛ̂ɛ nɔ́ ŋá mò a gɛ́ɛ é kɛ́ tí.”

Zôo 5:10

Ɣâla a gɛ̀ tuna é pú ǹɔii ma, gɛ̀ yá pù gbâlaŋ-ŋai ŋá.

Wule-woo-ŋa 104:13

Í gɛ̀ tuna é pú ǹyée-ŋai dîa, ǹɔii láa é fɛ́ɛ a mii-sãa ísarâi.

Wule-woo-ŋa 67:6

Kúsi-sãai da ƃûu ƃó da ƃá a tɛ̀ɛ bɔlɔi ma. Ɣâla nyii gáa a Kúɣâlai, a lûwa láa kûa.

Wule-woo-ŋa 67:7

Ɣâla a lûwa láa kûa. Tɔɔ núu kélee é ƃaa kɛ́-maa tɛɛ bɔ́.

Wule-woo-ŋa 68:9

Ya gɛ̀ tuna kpɛ́ɛ pôlu é pú ǹɔii ma, ǹɔii nyɔ́mɔɔi é lɛ́lɛ sí-sãa kpɛtɛ mɛ̂ni ma,

Wule-woo-ŋa 85:12

É máŋ kɛ́ tí, zãâi kélee ǹɛ̂lɛɛi kúmɛni mai, Yâwɛɛ a pâi dɛɛ̂i kúpɔ. A pâi gɛ̂i kúsi-sãai díkɛ kpɛtɛ ǹɔii ma.

Wule-woo-ŋa 85:13

Teniŋ ƃô-laa ƃé pâi kɛ̂i Kúɣâlai Yâwɛɛ túɛ pere, gɛ́ ŋɔsia perei su sãa.

Azaya 30:23

A pâi gɛ̂i tuna é pú kási-sãai dîa, dí kpɛtɛ, dí ƃá a zu-kɛ́tɛ. A pâi gɛ̂i kátaa-tûlɛ-ŋai kɔ́nɔŋ kɛ́ ƃò ma dí ƃûu ƃó díkɛ̂i lɛ́lɛɛ kɛ́ ƃò ma a tɛɛ-ŋa.

Azaya 5:6

Ŋa pâi ǹɛɛ̂i naa galai yée é tɛ́ɛ m̀a. Ḿve pâi ǹaa kpɛtɛ̂i, kpaa máŋ ŋá galai fála naa. Ǹaa a pâi kɛ̂i nɔ́ a m̀ɛi-pɛlɛɛ a tânaŋ da ŋalêŋ kpɔlɔ. Ŋa pâi m̀ôi ŋ̀elei su ma a gɛɛ vé ŋɔ́nɔ nɛ̀ɛ naa tuna é pú naa.”

Zɛlemaya 14:22

Ŋ̀âla-pɔkɔɔŋ-ŋai díkaa ǹɔii-ŋuŋ-ŋai sui, da fa pɔ̂ri gɛ̂i tuna é pú. Ŋ̀ele-kɔlɔŋ fa pɔ̂ri gɛ̂i tuna é pú gbîŋ-yee ma. M̀ɛni ma, yá nɔ́ ƃé kúkili káa yâ, óo Yâwɛɛ, yái íkaa a Kúɣâlai. Kpɛ́ni fêi yá tɔnɔ nɔ́ ƃé ya pɔ̂ri m̀ɛni-ŋai ŋí kɛ̂i.

Izikiɛ 36:30

Ŋa pâi gɛ̂i ká sí-sãai dí kpɛtɛ kpɔ́ a dámaa a gɛɛ puru fa ŋɔ́nɔ ƃâa kùla kâa ǹɔii-ŋûŋ-ŋai sáma.

Zooɛ 2:22

Sua-ŋa, káfe yào, kpɛ́ni fêi, kala ŋûnu támaa káa vɛ̃ɛ-kpâlaŋ su, ŋ̀úru-ŋai da ƃá, fîi wuru-ŋai da gbɔmɔ-ŋai díkɛ ƃà a ǹɛ́lɛɛ.

Levetekɔ 25:19

Ǹɔii a pâi sí-sãa kpɛtɛ̂i kákɛ m̀ii ká kɛ́ ƃò naa káŋuŋ ma ƃóɔɔ.

Levetekɔ 25:21

Yâwɛɛ a pâi lûwa lâai ǹɔii ma góraŋ ǹɔ́ɔlu mɛi dai su é sí-sãa támaa kpɛtɛ kôraŋ feerɛ mɛni ma.

Zɛkɛrâya 8:12

Kpɛ́ni fêi, da pâi dísi-sɛŋ-ŋa sîi lii-sêe su. Díkpɔmɔ-kpâlaŋ-ŋai da pâi ƃâi ǹɔii é dísi-sãai kɛ́ dí kpɛtɛ. Ǹyaŋ tuna támaa a pâi pûi dísi-sãai dîa. Ǹyaŋ zãâi ŋí kélee a pâi kɛ̂i a nɛɛ-pôlu-ƃelai pɔ́ɔ.

Maafîu 5:45

a gɛɛ kákɛ a Kánâŋ nyii gáa Ɣâla-taai ǹônii. Kpɛ́ni fêi, a voloi kɛ̀ é tóo sɔnyɔ̂ŋ-ƃela da tɔ̃yâ-ƃela dîa. É dunai tɛ́ɛ dɔ̃yâ-ƃelai da ŋôya-ƃelai dîɛ.

Zia-ƃelai Kɛ́-mɛni-ŋai 14:17

È máŋ kɛ̀ tí, vé fɛ̀ɣɛ ní gbîŋ m̀aa sêre-faa kɛ̂i m̀ɛni lɛ́lɛɛ-ŋai è gɛ̀i mɛni ma. È tuna tɛ̀ɛ kápɔ, é sí-sãa lɛ́lɛ tãi tɛɛ, é mii-sãa tɛ̀ɛ kápɔ kálii é láa ka kɛ́ lii-nɛ̃ɛ kùla.”

Dutɛrɔnome 11:13

“Mɛni ma ka dɔ̂ŋ-ŋai mɛi kâa tɔ̃yâ-pere su, ka Káɣâlai Yâwɛɛ wɛ́li a kálii kélee da kámɔlêŋ kélee, ka tíi kɛ́ mì,

Dutɛrɔnome 11:14

gɛ̀ ní a pâi gɛ̂i tuna kɛ́ pù kási-sãai dîa a sama ya da fólo-laa ƃóɔɔ kélee.

Dutɛrɔnome 28:12

A pâi ŋ̀ele-kɔlɔŋ lá ƃôi tuna é pú a bú tãi ǹɔii é yɔɔ kási-sãai dí kpɛtɛ. Ka pâi kpa-pîlii lɔii-ŋuŋ támaa su-ƃela dîa, kɛ́lɛ káfe pâi wɔ́lɔ kpa sonîi dîa.

Zĩi 5:7

Mɛni ma, ŋánûa, ka kálii kpéle é lɛ́ɛ la zu Kúnuu-namui pa-tãi é seri. Ka gáa, gbâlaŋ ŋá tii-kɛ-nuui a dunai maa-ŋuŋ da gbɛɛ ŋái maa kpɛ̂ŋ lii-kpele-pere su a gɛɛ é ŋɔsí-sãai m̀á lɛlɛɛ sɔlɔ ƃo.

M̀ɛni-lɛɛi 11:6

Wála-wala káa díyêei a gɛɛ dí ŋele-kɔlɔŋ lá tɛ́ a gɛɛ tuna fé pu tãi díkaa Díɣâla-wooi ƃôi lai. Wála-wala kɛ́ ƃo díyêei ǹyá-ŋai mɛi a gɛɛ dí dípene a ŋãa, wála-wala kɛ́ ƃo díyêei a gɛɛ dímɛni-kpɔ̂lu sii kélee láa ǹɔii mâ a tãi kélee nɔ́ da ŋ̀wɛli lai.