Levetekɔ 26:1 - Ŋ̀âla Kɔlɔ Maa Waai

¹ Yâwɛɛ è m̀o ǹyɛɛi, “Káfe ɣâla-pɔkɔɔŋ da kpɛ̀tɛ kámɛni ma. Káfe sɛŋ da pɔkɔɔŋ kpɛ̀tɛ a kɔni ká dɔ̀ɔ kálɔii su kákɛ vɛ̀li. Káfe kɔni-ŋa saá ká dítɔɔ kákɛ dífɛ̀li. Ńyãa ƃa Káɣâlai Yâwɛɛ.

Levetekɔ 26:1 ပူးပေါင်းရင်းမြစ်များ

Kâloŋ Veerɛi 17:10

Dí ɣâla-pɔkɔɔŋ-ŋa fɛli kwaa-ŋa ma kpɛ̀tɛ da kɔni Ɣâla-teƃele-ŋa ǹyée-ŋai ma da ŋ̀úru kpaya-kpayai niniŋ mu ŋ̀âla-pɔkɔɔŋ Asira fɛli mɛni ma.

Kâloŋ Veerɛi 17:16

Eezuɛ-ƃelai dífe díwoli tɔ̀ɔ ní dɔ̂ŋ-ŋai dîa nyii Yâwɛɛ Díɣâlai è dɛ̀ɛ dípɔi. Dí niŋa-loŋ pɔkɔɔŋ feerɛ kpɛ̀tɛ díkpîŋ mɛni ma a kɔli a gɛɛ díkɛ vɛ̀li. Dí wúru kôyaa tɔ̀ɔ ŋ̀âla-pɔkɔɔŋ Asira fɛli mɛni ma. Dí kɛ̀ máŋ Bɛmɛlɛŋ-kao-ŋai fɛlîi da Bêe ɣala-pɔkɔɔŋ.

Kâloŋ Veerɛi 17:8

Dí pìlaŋ ǹɔii-ŋûŋ-ŋai tûa-pere-ŋai pôlu nyii-ŋai Yâwɛɛ è dí kpɛ̀ Eezuɛ-ŋai ŋɛ́i-tuɛi. Dí kɛ̀ a dísɔŋ nyɔ́mɔɔ yɛ̂ɛ Eezuɛ kaloŋ-ŋai.

Wule-woo-ŋa 78:58

Dí díkpîŋ ɣala-ŋa fɛli kwaa-ŋa ma kpɛ̀tɛ, díkɛ díkpîŋ kpɛtɛ ɣâla-ŋai fɛli naa.

Wule-woo-ŋa 97:7

Diai kélee da sãâ pɔkɔɔŋ-ŋa fɛ̀lii, da pâi ŋumɛ̂i. Ŋ̀âla da kpɛ́ni-ŋai da pâi pûi Yâwɛɛ kɔ́ɔ mu.

Ɛsedɔ 20:2

“Ńyãa ƃa Yâwɛɛ Ɣâla nyii íkùla ǹuɛ-lâai su Ize lɔii sui.

Ɛsedɔ 20:23

Káfe sɛŋ da kpɛ́ni kpɛ̀tɛ kámɛni ma a gɛɛ dí kɛ a káɣâla-ŋa ká dí fɛli kwa dia-ni à nɛ̃ɛ ma kpîŋ dí kɛ a káne da gôo.

Ɛsedɔ 23:24

Káfe pɛ̀lɛ díɣâla-ŋai kɔ́ɔ mu kpaa máŋ ka dífɛli kpaa máŋ ka tûa yɛ̂ɛ dîa. Kɛ́lɛ ka díɣâla-ŋai kélee su kara ká díkɔni-ŋai wólo nyii-ŋai da dísiɣe a maa waai.

Ɛsedɔ 34:17

“Káfe ɣâla-pɔkɔɔŋ-ŋa kpɛ̀tɛ kámɛni ma a káne ká díkɛ a Káɣâlai.

Azaya 2:20

Maa ɣêlei tí a sèri, ǹûai kélee da pâi pûi. Gáne-ŋai da gôo-ŋai dí díkpɛ̀tɛ a díɣâla-pɔkɔɔŋ-ŋai dí gélee lɛ́ɛ a ŋina-ŋai da ǹɔfu-ŋai pɔ́ɔ.

Levetekɔ 19:4

“Káfe kápôlu tɔ̀ɔ ḿâ ká tínaŋ Ɣâla da kpɛ́ni ŋa pɔ́ naa. Káfe Ɣâla da kpɛ́ni-ŋa kpɛ̀tɛ kákpîŋ mɛni ma. Ńyãa ƃa Yâwɛɛ, Káɣâlai.

Levetekɔ 25:55

Eezuɛ-ŋai da fé kɛ̀ luɛ-lâai wɔ́lɔ-wɔlɔ da wɔlɔ-wɔlɔ, kpɛni fêi, díkaa a ḿbɔɔ. Ŋá díkùla Ize lɔii su. Ńyãa ƃa Díɣâlai Yâwɛɛ.”

Levetekɔ 7:33

zâla láa soŋ nuui pɔ́ nyii ílaoi-laa sala suai ŋãa da ŋ̀úlɔ láa serii.

Nɔŋba 33:52

fɛ̂ɛ ká ǹɔii-ƃelai kélee kpɛ́ kátuɛ, ká díkɔni siɣɛɛ-ŋai kélee su kara da díɣâla pɔkɔɔŋ-ŋai é pɛ́lɛ díɣâla fɛli kwaa-ŋai kélee ma.

Zia-ƃelai Kɛ́-mɛni-ŋai 17:29

Berei máŋ kúkaa la a Ɣâla ǹônii, kúfe Ɣâla ƃòloŋ gôo ma, kpaa káne, kpaa máŋ kɔni nyíi nuu-kpune a gbɛ̀tɛ a ǹyée, kpaa ŋɔkili-ŋa-siai.

Dutɛrɔnome 27:15

“ ‘Náɣaŋ káa ǹúui ma a Ɣâla pɔkɔɔŋ sàa a wúru kpaa máŋ kɔni gɛ̀ vɛ̀li loo-pêre sui, nyii Yâwɛɛ fé wɛ́li ní lai.’ “Ǹûai kélee da pâi m̀ôi dîyɛɛi, ‘É kɛ́ tí.’

Dutɛrɔnome 5:6

‘Ńyãa ƃa Káɣâlai Yâwɛɛ nyii kákula ǹuɛ-laai su Ize lɔii sui.

M̀ɛni-lɛɛi 22:15

Diai da mɛni maa faleŋ, tɛli-kpɛ́-ƃela, wulu-wulu kɛ́-ƃela, núu-paa-ƃela, ɣâla-pɔkɔɔŋ fɛli-ƃela, da diai kélee dí wôya-mɛni wɛ́li ni, díkɛ maa kɔ̂rii díkaa daa-leei ŋɔsiɣãŋ pôlu pere.

M̀ɛni-sâa Ƃó-ƃelai 18:30

M̀ûui Mose è gbɛ̀tɛ a gɛ́ɛ Eezuɛ-ŋai kélee díkɛ Ɣâla fɛli mui, è nâa kɛ̀ Silo taa leei su. Kɛ́lɛ Daŋ suui su-ƃelai dí díkpîŋ kwaa maa waa ma kpɛtɛ. Zãâ pɔkɔɔŋ-ŋai dí díkùla Maka yêei dí dípù naa díkɛ dí fɛ̀li. Dí Liiva naloŋ kɛ̂ a dísâla láa soŋ-nuu. Ǹáa ƃé kɛ̀ a Zonetaŋ. Zonetaŋ ǹâŋ láa ƃé kɛ̀ a Gɛsɔŋ. Gɛsɔŋ è kɛ̀ a Mose ǹóŋ surɔŋ. Zonetaŋ suui su-ƃelai dí lɛ̀ɛ zâla láa soŋ tii kɛ̂i Daŋ suui su-ƃelai dîɛ é lɛ́ɛ la zu Babelɔŋ kaloŋ é lí a Eezuɛ-ŋai gɔ-soŋ laai su.