Levetekɔ 23:3 - Ŋ̀âla Kɔlɔ Maa Waai

³ Fólo lɔ́ɔlu mɛi da ƃé kayêei tíi kɛ́ mɛni ma. Ká káfii tɔ́ɔ a mɛi feerɛ ɣelei. Káfe tíi da kélee kɛ̀ a maa ɣelei tí, kɛ́lɛ ká káŋaa tɛ́ m̀a ká ḿvɛli ƃɛ́i ka kɛ̀ naai. Ŋ̀ele kûui ŋí káa a ḿbɔɔ.

Levetekɔ 23:3 ပူးပေါင်းရင်းမြစ်များ

Ɛsedɔ 16:23

È mò dîa ǹyɛɛi, “M̀ɛnii ŋí ƃé Yâwɛɛ è mò ǹyɛɛi, tínaa ƃa fii-tɔ̂ɔ ɣele nyii gáa a ɣele maa waa Yâwɛɛ mɛni mai. Gbóloi nyii ka pâi gbɛtɛ̂i ka gbɛtɛ, m̀ii-sɛŋ ka pâi ŋíli ká ŋíli. Nyii pâi lɛɛ̂i, ka zêei kɛ́ tínaa mɛni ma.”

Ɛsedɔ 16:29

Ka gáa, ŋa Vii-tɔɔ ɣelei tɛ́ɛ kápɔ. M̀ɛni ƃé ŋa mii-sɛŋ tɛ̀ɛ la kápɔ ɣele-kûu feerɛ mɛ̂ni ma a ŋ̀ele-kûui mɛi da ɣelei. Núu da fé kùla panaŋ ma a ŋ̀ele-kûui mɛi feerɛ ɣelei.”

Ɛsedɔ 16:30

Nya ƃe ǹûai dí dífii tɔ̀ɔ a ŋ̀ele-kûui mɛi feerɛ ɣelei.

Ɛsedɔ 23:12

“Ítii-ŋai kɛ́ a fólo lɔ́ɔlu mɛi da. Í ífii tɔ́ɔ a mɛi feerɛ-ɣelei, a gɛɛ íniŋa-ŋai da íwɛlɛ-sôo-ŋai dí dífii tɔ́ɔ, íluɛ-ŋai da íŋɔ̃ya-ŋai dí tóo díkɔlɔ̂i.

Ɛsedɔ 34:21

“Ka tíi kɛ́ a fólo lɔ́ɔlu mɛi da, ká káfii tɔ́ɔ a mɛi feerɛ ɣelei, a nɛ̃ɛ maa kpîŋ é kɛ́ a kwaa sí tãi kpaa máŋ ká sí-sãai tée tãi.

Azaya 56:2

Ŋa pâi lûwa lâai diai dîa da Vii-tɔɔ-ɣelei mɛi kâai, dífa m̀aa tĩ̂a karai. Ŋa pâi lûwa lâai diai dîa díyee fé ŋwana-lɔ̂ɔ mɛni da kélee sui.”

Azaya 56:6

Ŋ̀ɔ̃ya-ŋai nyii-ŋai dí díkpîŋ kɛ̀ a Yâwɛɛ ŋɔnûai dai, dí kɛ́ ƃò a ŋwɛ́liɛɛ, dí kɛ́ tíi kɛ̀ m̀i, dí kɛ́ Ŋɔfii-tɔɔ-ɣelei mɛi kâa, dífa m̀aa tĩ̂a karai, dí kɛ́ ŋɔkono-tee wooi mɛi kâa a teniŋ ƃô perei, è m̀o dîa ǹyɛɛi,

Azaya 58:13

Yâwɛɛ è m̀o ŋɔnûai dîa ǹyɛɛi, “Kà Vii-tɔ̂ɔ-ɣelei mɛi kâa a ɣele kûu maa waa, ká kpéra kákpîŋ nîa mɛni-ŋa kɛ̂i a m̀aa ɣêlei tí, ká kátii-ŋai lɛ́ɛ, ká ziɣe a fólo kûu lɛ́lɛɛ, ká ƃâa kɛ́ m̀a a ká téɛɛ sia-sîa kɛ́ɛ ma, tíi kɛ́ɛ, da kánîa wòo-ŋa ƃóɔɔ,

Levetekɔ 19:3

Fɛ̂ɛ kákelee ká ƃaa kɛ́ maa tɛ́ɛ kánâŋ-ni da kálee-ni pɔ, ka ŋáfii-tɔɔ ɣelei maa tɔ̂ŋ-ŋai mɛi káa. Ńyãa ƃa Yâwɛɛ, Káɣâlai.

Lûu 13:14

Kɛ́lɛ, Ŋ̀âla-fɛli-kerei mɛi-nuui líi e ŋwàna, kpɛ́ni fêi, Zîsɛ e m̀alo a Vii-tɔɔ-ɣelei. È mò ǹûai dîa, ǹyɛɛi, “Ɣele lɔ́ɔlu mɛi da káa naa nyii tíi a pɔ̂ri kɛ̂i zui. Ka pá a maa-ɣele-ŋai tí, ká ƃalo, kɛ́lɛ, káfe pà a Vii-tɔɔ-ɣelei.”

Lûu 23:56

Gɛ́ɛ tíi, dí lì pôlu, dí wée-fũa-ŋa da wuru-ya kúŋ nɛ̃ɛ-ŋa kpɛtɛ. Dí dífii tɔ̀ɔ a Vii-tɔɔ-ɣelei yɛ̂ɛ berei dɔ̂ŋ è mò lai.

Zia-ƃelai Kɛ́-mɛni-ŋai 15:21

M̀aa-ŋuŋ su nûa dí kɛ̀ Mose yêei daa-lee-ŋai kélee su, díkɛ ŋɔtɔ̂ŋ lòno Ŋ̀âla-fɛli kêre-ŋai mu a Vii-tɔɔ-ɣelei kélee díkɛ Ɣâla ŋɔwóoi ƃò daa-ŋai su.”

M̀ɛni-lɛɛi 1:10

Ŋá kɛ̀ Mɔlêŋ su a Kúnuu-namui ŋɔɣelei, ǹyaŋ ŋá wóo su kɛ́tɛ mɛ̀ni ḿbôlu-pere yɛ̂ɛ túru-woo,