Levetekɔ 21:5 - Ŋ̀âla Kɔlɔ Maa Waai

⁵ Zâla láa soŋ nuui da fé ŋ̀uŋ gwaa da ma leɣa pu, ǹáa leɣa kpaa máŋ é pɔ́ɔ kɛ́ gɔlɔ gwaa da ma nyii pâi ǹɛ̂i a gɛɛ malôŋ toɔɔ̂i ma ŋɔnúu da saa mɛni mai.

Levetekɔ 21:5 ပူးပေါင်းရင်းမြစ်များ

Azaya 15:2

Dibɔŋ-ƃelai da tɛ́ ǹyéei tôŋ su a gɛɛ dí gbêɣei tóo. Môa-ƃelai da díŋuŋ kálaŋ ma da díla-leɣa pú, díkɛ gbêɣei tòo Nibo da Mɛdeba mɛni ma.

Azaya 22:12

Maa ɣêlei tí Ǹuu-namui Ŋ̀wála-wâla kélee Yâwɛɛ è kátòli a gɛɛ ká káŋuŋ kálaŋ ma, ká maloŋ too-maa-seɣe too kâa, ká maloŋ-see ƃó, ká gbêɣei tóo kásɔnyɔ̂ŋ-ŋai mɛni ma.

Zɛlemaya 16:6

Dɔɔ-ƃelai da gôlo-ƃelai díkelee da pâi saâi ǹɔii tɔnɔi su. Kɛ́lɛ, núu da fé pâi dípoma loôi, kpaa máŋ é dímaa mâloŋ sèe ƃó. Núu da fé pâi ŋɔmaloŋ tôo maai lɛ̂i a pɔ́ɔ kɛ́ɛ mà, kpaa máŋ a ŋ̀uŋ ƃóɔɔ.

Zɛlemaya 48:37

Díkelee da díŋuŋ kpɛ́ɛ gayoŋ ma da díla-leɣa pú. Da díŋwana díyee ma a tɛɛ-ŋa, díkelee da malôŋ seɣe-ŋa too dîa.

Izikiɛ 44:20

Zâla láa-soŋ-ƃelai dífe díŋuŋ kpɛ̂ɛ gayoŋ ma, kpaa máŋ dí ǹɛɛ naa díŋuŋ é kpiri. Kɛ́lɛ dí díŋuŋ ƃó a ǹɛ́lɛɛ.

Izikiɛ 5:1

Yâwɛɛ è mò ḿâ ǹyɛɛi, “Núu-kpune ǹóŋ, ye ƃóa-sɔ̂kpɔ ŋá-liɛɛ kɛ́ɛ yɛ̂ɛ ŋuŋ ƃô-kɔli siɣe, í íŋuŋ ƃó la í ŋɔ́nɔ íla-leɣa pú la. À kɛ̀ tí, í sɛŋ kɔɔ̂ŋ-kɔli siɣe í íŋuŋ-leɣa da íla-leɣa ŋáa kɔ́lɛ gîei saaƃa.

Levetekɔ 10:6

Mose è mò Eelɔŋ ǹônii Ilieza da Itama-ni dîa ǹyɛɛi, “Káfe káŋuŋ leɣa lɛ̀ɛ a gbiniŋ-kpíniŋɔɔ kpaa máŋ ká káseɣe-ŋai fála yɛ̂ɛ ka kɛ̀ malôŋ see ƃoi. Ka gɛ̀ tí ka pâi saâi. Ǹyaŋ Yâwɛɛ líi a pâi ŋwanâi Eezuɛ-ŋai kélee dîa. Kɛ́lɛ Eezuɛ ƃelai kpéli-ŋai da pɔ̂ri ŋɔŋ saai ŋí maa wɔ̂lɔ kɛ̂i nyii Yâwɛɛ a dooi.

Levetekɔ 21:4

À kɛ̀ a lì núu da saa kûu su nyii da ǹyaa díkaai nɔ́ nɛnî káa ŋɔpere su, m̀aa fé pâi kɛ̂i a ŋwaa.

Emɔ 8:10

Ŋa pâi kákuu-ŋai penêi a wɔ́lɔ-kuu, ŋá káwule-ŋai kélee pene a wɔ́lɔ-woo. Ŋa pâi maloŋ tôo-maa sêɣe toôi kákelee káleŋei, ŋá kpúlaŋ tóo kaŋûa nyii pâi ǹɛ̂i a gɛɛ kákaa maloŋ tôo-maa su. Ká pâi kɛ̂i wɔ̂lɔi yɛ̂ɛ núu ƃé lóŋ tɔnɔ kpéŋ maa-wɔlɔ kɛ̂i. M̀ɛni-ŋai ŋí kélee kpɛɛ-ŋa a pâi kɛ̂i a maloŋ too-maa kɛ́tɛ.”

Maka 1:16

Zuda-ƃela, ka káŋuŋ kálaŋ ma ká wɔ́lɔ káwɛli-kɛ-maa lonii mɛni ma. Ka káŋuŋ kálaŋ ma yɛ̂ɛ kpúlaŋ a tòo núu ŋûa kpɛ́ni fêi, da pâi liî a kálônii kélee luɛ-laa su.

Dutɛrɔnome 14:1

“Káa ƃa Káɣâlai Yâwɛɛ ǹônii. Ka kɛ̀ malôŋ sèe ƃôi saa-nûu mɛni ma, káfe kákpîŋ ŋwàna kpaa máŋ ka kátôŋ lá leɣa kálaŋ.