Levetekɔ 20:9 - Ŋ̀âla Kɔlɔ Maa Waai

⁹ “Ǹúu kélee a ǹâŋ kpaa máŋ ǹee laraŋ, fɛ̂ɛ dí maa nuui tí páa. Zaa mɛni a pâi lɛɛ̂i gbîŋ ŋ̀ûa.

Levetekɔ 20:9 ပူးပေါင်းရင်းမြစ်များ

Samia Veerɛi 1:16

Deeƃé ǹyɛɛ m̀ai, “Íŋãa mɛni é kɛ́ íkpîŋ íŋûa. Yá kpîŋ í dɔ̃yâi ƃò a gɛ́ɛ yaâ Yâwɛɛ ŋɔnúu maa waai páa.”

Kâloŋ Maa-ŋuŋ 2:32

Yâwɛɛ a pâi Zoa kula-maa kɛ̂i zɔnyɔ̂ŋ mɛni ma è gɛ̀ a ǹûai tí paa, nyíi è gɛ̀ ńâŋ Deeƃé tɛ̂i-perei. Zoa è zinaa feerɛi ŋí pàa kpɛ́ni-kpɛni nyii-ŋai kɛ̀ a ǹûa sãa, dísɔŋ lɛ́lɛɛ é tɛ́ɛ ma, Nɛ̂ɛ ǹóŋ Abinɛ, nyíi kɛ̀ a Eezuɛ kɔ-kûluƃa-ŋai túɛ-nuui da Zɛtɛ ǹóŋ Amasa nyíi kɛ̀ a Zuda kɔ-kuluƃa-ŋai túɛ-nuui.

Ɛsedɔ 21:17

“Ǹúui a ǹâŋ làraŋ da ǹeei, fɛ̂ɛ dí maa-nuui páa.

Táre-woo-ŋa 20:20

Ǹúui a ǹâŋ kpaa máŋ ǹee nàɣaŋ, maa nuui ŋɔfúlu-laai a nîiŋ yɛ̂ɛ laŋpo a nìiŋ a kpíni.

Táre-woo-ŋa 30:11

Núu da-ni káa naa da dínâŋ náɣaŋ-laa, dífa máŋ ƃaa-kɛ-maa tɛ̀ɛ dílee pɔ́.

Táre-woo-ŋa 30:17

Ǹúu a ɣɛ́lɛ-maa kùla ǹâŋ kponôi gɛ́ ǹee wóo pilii, kuɛ-ŋa da pâi ŋ̀ɛ́i-gao kulâi, gɔ̃ɔ-ŋa dí ǹuu kpéle.

Izikiɛ 18:13

a kpa pili gɛ geni pɛlɛ m̀a, ǹúu-sĩi ŋí a pɔ̂ri kɛ̂i ɣele ma? Kpao! Va pɔ̂ri lɛɛ̂i ɣele ma. Kpɛ́ni fêi a m̀ɛni nyɔ́mɔɔ ŋai ŋí kɛ́. A pâi saa ti-ti ƃoi gbɔɔ sɔnyɔ̂ŋ su. Vé pâi sâai núu da ŋɔsɔnyɔ̂ŋ su.

Izikiɛ 22:7

Káfa ƃaa-kɛ maa tɛ̂ɛ kákaa-ƃela pɔ́. Ka ŋ̀ɔ̃ya-ŋai fîli kátaa-ŋai su. M̀ɛni tɔ̂nɔi ŋí nɔ́ ƃé ká gɛ̀ a dee-lôŋ-ŋai da bɔɔ-nɛyãai.

Levetekɔ 20:16

À kɛ̀ nɛnî da a lɔ-pɔ̂rɔŋ kɛ̀ a fɛnɛ-sɛŋ fɛ̂ɛ dí maa nɛnii páa da vɛnɛ-sɛŋ kpîŋ. Dísaai mɛni káa díkpîŋ díŋûa.

Levetekɔ 20:27

“Fɛ̂ɛ ka zurɔ̂ŋ kpaa máŋ ǹɛnîi nyii a tɛli kpɛ̂i kpaa máŋ gɛ lòno zaa-ƃelai pɔ́i páa. Ka dísɔɔ a kɔni é lɛ́ɛ la zu dí saa, díŋãa maa mɛni káa dîa kpîŋ díŋûa.”

Maafîu 15:4

Kpɛ́ni fêi, Ɣâla ǹyɛɛ, ‘ƃâa kɛ́ ínâŋ ma da ílee,’ ǹyaŋ, ‘Ǹúui a ǹâŋ kpaa máŋ ǹee láa kàrai, tɔɔ é sáa.’

Maafîu 27:25

Nya ƃe ǹûai kélee dí ŋ̀óo su tòo, dîyɛɛi, “Tɔɔ bàa-mɛni é lɛ́ɛ kûa kwa kúlônii!”

Mâki 7:10

Mose è mò ǹyɛɛi, ‘Ƃâa kɛ́ ínâŋ ma da ílee. Ǹúui a ǹâŋ kpaa máŋ ǹee láa kàrai, tɔɔ é sáa.’

Dutɛrɔnome 27:16

“ ‘Náɣaŋ káa ǹúui ma va ƃaa kɛ́-maa tɛ̀ɛ ǹâŋ kpaa máŋ ǹee pɔ́i.’ “Ǹûai kélee da pâi m̀ôi dîyɛɛi, ‘É kɛ́ tí.’

Zasua 2:19

Kɛ́lɛ à kɛ̀ núu da kélee a kùla bɛ́rɛi mu a lì ŋ̀énei ŋá, gɛ̀ ní è lì zaâi kɔ̂rii, kúsɔŋ fé pâi kɛ̂i zu. Kɛ́lɛ à kɛ̀ núu da a ǹyée pɛ̀lɛ ípɛrɛi mu-ƃelai da ma, gɛ̀ ní kúa ƃé gɛ̀.

M̀ɛni-sâa Ƃó-ƃelai 9:24

M̀ɛnii ŋí è kɛ̀ a mɛni kula maa Abimelɛ da Sɛkɛŋ taai su-sinaai mɛni ma, kpɛ́ni fêi, Abimelɛ è Zerubee ǹônii-sinaa buu lɔ́ɔlu mɛi feerɛi pàa.