Levetekɔ 20:2 - Ŋ̀âla Kɔlɔ Maa Waai

² “Mó Eezuɛ-ŋai dîa a gɛɛ Eezuɛ nuu da kélee kpaa máŋ ŋ̀ɔ̃ya-ŋai kásamai da kélee a ǹóŋ da tɛ̀ɛ ŋ̀âlai Molɛ pɔ́, da pâi maa nuui sɔɔ̂i a kɔni é lɛ́ɛ la zu é saa.

Levetekɔ 20:2 ပူးပေါင်းရင်းမြစ်များ

Kâloŋ Maa-ŋuŋ 11:7

È Ɣâla fɛli kwaa ma kpɛ̀tɛ Zerusâlɛŋ ǹyéei ma vóloi kulâi-pere, Môa-ŋai díɣâla nyɔ́mɔɔi Kemɔsi nyíi kɛ̀ a m̀ɛlɛ kpɛɛ Yâwɛɛ koi fɛli mɛni ma da Amɔŋ-ŋai díɣâlai Molɛ.

Kâloŋ Veerɛi 17:17

Da kâa dílônii kùla máŋ a kéreŋ sala ŋ̀âla-pɔkɔɔŋ-ŋai dîa. Dí kɛ̀ tɛli kpɛ̂i, dí kɛ́ lì tuɛ-mɛni ƃó-ƃela pɔ́naa. Eezuɛ-ŋai dí díkpîŋ tɛ̀ɛ mɛni nyɔ́mɔɔ kɛ́ mɛni ma nyii-ŋai díwɛli fé kɛ́ ní Yâwɛɛ mai. Dí gɛ̀ ǹíi é ŋwána dîa a ŋ̀ánaa.

Kâloŋ Veerɛi 23:10

Zosaya è kpakolo-ŋa tɛ̀ɛ a gɛɛ dí Tofɛ su kara nyii kɛ̀ Bɛŋ-Inɔŋ tiŋ-tiŋ su ƃɛ́i da kâa dílônii kùla naa a kéreŋ sala dí ɣâla pɔkɔɔŋ Molɛ mai.

Kɔlɔnikɔ Veerɛi 28:3

È wɔ́lɔ kɛ́ kereŋ sala kulai Bɛŋ Inɔŋ Tiŋ-tiŋ su. E wɔ́lɔ kɛ́ ǹônii-sinaai kulai a kereŋ-sâla. A kâa tua nɔ́ yɛ̂ɛ ǹɔii-ŋûŋ-ŋai ti Yâwɛɛ è wɔ́lɔ díkpɛ Eezuɛ ŋɛ́i-tuɛi su ƃela.

Kɔlɔnikɔ Veerɛi 33:6

E ǹóŋ-surɔŋ kula a sala ŋɔŋ-su Bɛŋ-Inɔŋ Tiŋ-tiŋ su. A kâa tɛli-kpɛ. Gɛ ponîŋ kɛ̀. Gɛ tuɛ mɛni ƃo. Gɛ̀ lono mɔleŋ-ŋa pɔ. È mɛni nyɔmɔɔ támaa kɛ a Yâwɛɛ nyíi gɛ̀ Yâwɛɛ é ǹíi ŋwanai.

Wule-woo-ŋa 106:38

Dí nîa-pɛlɛɛ pàa kpɛ́ni-kpɛni. Dí ǹɔii maa lîƃi a núu kuláa a sâla.

Zɛlemaya 32:35

Da ɣâla-teƃele kpɛtɛ Bêe ɣalai mɛni ma Inɔŋ Tiŋ-tiŋ su a gɛɛ dí kɛ́ dílônii-sinaai da ǹɛyâai kula naa a sâla ŋ̀âlai Molɛ ma. Ḿve mò ní dîa a gɛɛ dí gɛ́ tí. Vé kpîŋ kɛ́ ní ŋ́gili ŋá a gɛɛ da pɔ̂ri m̀ɛni sîi tí kɛ̂i a gɛɛ dí gɛ́ Zuda-ƃelai dí sɔnyɔ̂ŋ tare nyɔ́mɔɔ kɛ́ɛ ŋí kɛ́.”

Zɛlemaya 7:31

Da Tofɛ ɣalai fɛli kwaa ma kpɛtɛ Bɛŋ-Inɔŋ Tiŋ-tiŋ su dí kɛ̀ dílônii-sinaai da dílônii nɛyãai kûla naa a kéreŋ sala. Ḿve m̀ɛnii ŋí ƃó ní a gɛɛ dí gɛ́, kpaa ŋá ŋ́gili-ŋa sía é pîlaŋ m̀a.

Izikiɛ 20:26

Ŋá ǹɛɛ naa dí díkpîŋ maa-tĩ̂a kara a dísâla kulaai. Ŋá ǹɛɛ naa a gɛɛ dí dínîa-pɛlɛɛi duɛ-tuɛi kula a sala. Ŋá gɛ ti a gɛɛ ŋá yao ŋánaa pú díkɔlɔi a gɛɛ dí gɔ́lɔŋ ńyãa ƃa Yâwɛɛ.

Izikiɛ 20:31

Tãi ka ká sama-sãai tɛɛ la ka kálônii kula a kereŋ-salai, ka kákpîŋ maa-tĩa kara a ŋ̀âla-pɔkɔɔŋ ŋai ti. Eezuɛ ƃela, ka pɔ̂ri marê kɛ̂i a bere ŋa tua lai? Kpao. Tãi nɔ́ ńyãai a Ŋ̀wála-wâla kélee Yâwɛɛi ŋ́gaa la ɣele mai, ḿve pâi worɛ̂-woo da ƃoi kâa a ǹɛɛ ma ká marê kɛ.

Izikiɛ 23:37

Da wulu-wulu támaa kɛ́. Da núu páa. Da ɣâla-pɔkɔɔŋ ŋa fɛli. Da kúlônii-sinaai kúla a sâla ŋ̀âla-pɔkɔɔŋ-ŋai dîa.

Izikiɛ 23:39

Kpɛ́ni fêi, tãi tɔnɔi nɔ́ dí dínîa-pɛlɛɛi kùla la a sâlai, m̀aa tãi tɔnɔi tí nɔ́ ƃé dí pà la dí ŋápɛrɛi maa tĩa kara. Ǹyaŋ m̀ɛnii dí gɛ̀ a ŋápɛrɛi ká tí.

Levetekɔ 17:13

“Eezuɛ nuu da kélee kpaa ŋ̀ɔ̃ya-ŋai dísamai da a sua kpaa máŋ ŋɔni pàa nyii maa waâi fɛ̂ɛ é ŋ̀ãa kúla zu é bú ǹɔii ma é mɛi pɛ́lɛ a pɔ̂rɔ.

Levetekɔ 17:15

“Núu da kélee a sua da miî nyii sàa gbɔɔ̂i yêe ma kpaa máŋ fɛnɛ-sɛŋ nyii núu da é báai, é máŋ kɛ́ a Eezuɛ nuui da kpaa máŋ ŋ̀ɔ̃ya nyii gáa dísamai, fɛ̂ɛ maa nuui é ŋɔseɣei wáa é gbîŋ waa, ǹyaŋ vé pâi kɛ̂i a m̀aa waa é lɛ́ɛ la zu ɣele-wulii é kɛ́. Gɛ̀ ní a pâi nâa kɛ́i a m̀aa waa.

Levetekɔ 17:8

“Ǹyaŋ m̀ó dîa a gɛɛ Eezuɛ nuu da kélee kpaa máŋ ŋ̀ɔ̃ya-ŋai kélee dísamai nyii pâi kéreŋ sama-sɛŋ kpaa máŋ sâla kulâi,

Levetekɔ 18:21

Káfe kálônii da kùla a kéreŋ sâla káɣâlai Molɛ ma a gɛɛ ka ƃâa kula Káɣâlai Yâwɛɛ ma.

Levetekɔ 20:1

Yâwɛɛ è mò Mose ma ǹyɛɛi,

Levetekɔ 20:27

“Fɛ̂ɛ ka zurɔ̂ŋ kpaa máŋ ǹɛnîi nyii a tɛli kpɛ̂i kpaa máŋ gɛ lòno zaa-ƃelai pɔ́i páa. Ka dísɔɔ a kɔni é lɛ́ɛ la zu dí saa, díŋãa maa mɛni káa dîa kpîŋ díŋûa.”

Levetekɔ 24:14

“M̀ó ǹûai dîa dí kúla la m̀ûui su dí lí la díkpɔŋ gîe ma kwaai ḿa, diai kélee ŋ̀óo mɛnii dí díyee pɛ́lɛ ŋ̀ûa dí fáa ma a gɛɛ bere ƃé è m̀o la. A kɛ̀ tí, gbɔŋ su-ƃelai kélee dí zɔɔ a kɔni é lɛ́ɛ la zu é sáa.

Levetekɔ 24:16

Ŋɔ̃ya kpaa máŋ Eezuɛ nuu da a Ɣâla ǹaɣaŋ ǹûai kélee da pâi maa nuui sɔɔ̂i a kɔni é lɛ́ɛ la zu é sáa.

Levetekɔ 24:23

Mose kɛ́ɛ a kpɛɛ dɔ̂ŋ tɛɛ̂i Eezuɛ-ŋai pɔ́i, dí kùla a ǹalôŋ m̀ûui su dí lɛ́ɛ zɔɔ̂i a kɔni é lɛ́ɛ la zu é sáa. Dɔ̂ŋ-ŋai Ɣâla è dɛ̀ɛ Eezuɛ-ŋai pɔ́ Mose sârai, dí ŋ̀aa-see kɛ̀.

Zia-ƃelai Kɛ́-mɛni-ŋai 7:43

Ka ŋ̀âlai Molɛ ŋɔpɛ́rɛi siɣe da ŋâlai da dòli a Lefaŋ ŋɔpɛmɛlɛ̂ŋ-kaoi, nyíi gáa a ɣâla-pɔkɔɔŋ-ŋa ka zàa a gɛ́ɛ ka vɛlii. Ŋa pâi liî a káa Babelɔŋ pôlu-pere.’

Dutɛrɔnome 12:31

Káfe Káɣâlai Yâwɛɛ fɛ̀li yɛ̂ɛ berei da díɣâla-ŋai fɛli lai. Da mɛni sîi nyɔ́mɔɔ támaa kɛ̀ díɣâla fɛliɛɛi su nyii Yâwɛɛ fé wɛ́li ní a diai. Da dílônii sinaai da nɛyãai kùla a kéreŋ sala díɣâla-ŋai dîa.

Dutɛrɔnome 17:2

“A kɛ̀ surɔ̂ŋ kpaa nɛnî da káa kátaa-ŋai da su nyii Káɣâlai Yâwɛɛ a dɛ̀ɛ kápɔ dûa-pere fé a Yâwɛɛ líi láa mɛni,

Dutɛrɔnome 18:10

Núu da fé ǹóŋ surɔ̂ŋ kpaa máŋ nɛnî kùla a sâla. Núu da fé tɛli kpɛ́, é mɛni ƃó naa túɛ, kpaa máŋ mɛni siɣeɛɛ a kpolo mɛ̂ni, é wulu mɛni maa kɔ̂ri,

Dutɛrɔnome 21:21

À kɛ̀ tí daai tí su kpakolo-ŋai kélee da zɔɔ a kɔni dí báa. Fɛ̂ɛ ka zɔnyɔ̂ŋ-ƃelai kula kásama. Ǹúui gbéli-ŋai da m̀ɛni da pâi yaôi.

Dutɛrɔnome 22:21

gɛ̀ ní gbakolo-ŋai daai su da zòŋ dí pá la ǹâŋ ŋɔkpôŋ lá dílɛɛ zɔɔ̂i a kɔni é sáa, kpɛ́ni fêi, a ƃaa kula-maa mɛni kɛ́ Eezuɛ lɔii su a nyiɛɛ a surɔ̂ŋ da kpɛ́ni a tãi è kɛ̀ nîi la ǹâŋ ŋɔpɛ́rɛi mu é lɛ́ɛ pâi surɔ̂ŋ kulai. Fɛ̂ɛ ka zɔnyɔ̂ŋ-ƃelai kula kásama.