Levetekɔ 2:4 - Ŋ̀âla Kɔlɔ Maa Waai

⁴ À kɛ̀ ísama-sɛŋ káa a mii-sɛŋ nyii í gbɛ̀tɛ a kpóloi, é kɛ́ a kpólo nyii tɛ́-sɛŋ fé zui zumoɔɔ a ɔle-wulɔ kpaa máŋ kpólo ƃêla fɛŋ-fɛŋ nyii tɛ́-sɛŋ fé zui ɔle-wulɔ Siaa ma.

Levetekɔ 2:4 ပူးပေါင်းရင်းမြစ်များ

Wule-woo-ŋa 22:14

Ŋáwala-walai kélee a kùla ńyêei yɛ̂ɛ yá a ƃɔ̀ a sɛŋ-folo. Ŋ́gao kélee a kula gbulɔ̂ŋ ŋá. Ńii a kérenîi ŋ́goi yɛ̂ɛ ŋɔŋ.

Ɛsedɔ 12:8

Fɛ̂ɛ dí zuai ŋɔ́ŋ dí mii a gbínii tí. Dí mii a kpólo nyii tɛ́-sɛŋ fé zu da tuma-lâa ŋwánaa.

Ɛsedɔ 16:31

Eezuɛ-ŋai dí nâa gbóloi ŋí tòli a mana. È kɛ̀ yɛ̂ɛ mɛsɛ kao, golɛɛ. È kɛ̀ a nɛ̃ɛ yɛ̂ɛ kɔ̃́iŋ-wulɔ kpolo.

Ɛsedɔ 29:2

Tɛ́-sɛŋ-fe-zu kpolo siɣe da tɛ́-sɛŋ fé zu kpolo nyii gbɛtɛɛ̂i a wúlɔi, da tɛ́-sɛŋ fé zu kpolo nyii wúlɔ siâi mai. Díkpɛtɛ a felaƃa lɛ́lɛɛ.

Azaya 42:1

Yâwɛɛ a m̀ôi ǹyɛɛi, “Ŋátii kɛ́-nuui ká ŋí. Ǹyaa ƃé ŋá zìɣe zu. Ńii lâai ǹyêei. Ŋa pâi Ŋámɔlêŋ pûi gbonôi, ŋá wála-wala tɛɛ bɔ́. A pâi gɛ̂i nûa dí kɛ́ teniŋ ƃô mɛni-ŋa kɛ̀ ǹɔii ŋûŋ-ŋai su.

Azaya 61:1

Ŋ̀wála-wâla kélee Yâwɛɛi Ŋɔmɔ̃̂leŋ káa ḿbôlu. A ńziɣe zu a ńdɛɛ, a gɛ́ɛ ŋá dùŋ lɛ́lɛɛi ƃô gôlo-ƃelai dîa, diai dílii toɔɔ̂i pôlui, ŋá díŋa nɛnɛ, diai díkaa kɔ-sôŋ laa sui, ŋá díŋuŋ-mâ ƃó túŋ tòo, diai díkaa kpini-pɛrɛ mui ŋá dí maa-tee.

Izikiɛ 46:20

È mò ḿâ ǹyɛɛi, “Gwaai ŋí ma ƃé zâla láa-soŋ-ƃelai da pâi kɛ̂i zɔnyɔ̂ŋ sala-sãai da sɔnyɔ̂ŋ su-mɛni lɛ̂ɛ sala-sãai ɣîlii naa. Gwaai ŋí ma ƃé da pâi kɛ̂i m̀ii-sɛŋ sala-sãai ɣelêŋ-nii naa a gɛɛ dífa lâa kula lâ a dia ziɣãŋ kɛ́tɛi su a gɛɛ núu da a lɛ̀ɣɛ ma dɛ̂i pere é sɛŋ sóli ma.”

Levetekɔ 1:11

É m̀ólii kpaa m̀álai ŋí páa yá ŋûa-pere ŋ̀âla-teƃelei kɔlɛ Yâwɛɛ ŋɛ́i-tuɛ. Eelɔŋ ǹônii nyii-ŋai díkaa a zâla láa-soŋ-ƃelai dí daa-tûlɛi ŋãa kpɛ́mɛŋ dí dínaŋ ŋ̀âla-teƃelei kpono ma.

Levetekɔ 10:12

Ǹyaŋ Mose è mò Eelɔŋ ǹônii feerɛi Ilieza da Itama-ni dîa nyii lɛɛi ǹyɛɛi, “Ka m̀ii-sɛŋ sala-sɛŋ kpéli siɣe nyii ka gùla Yâwɛɛ ma a kéreŋ salai, ká gbɛtɛ a kpólo nyii tɛ́-sɛŋ fé kɛ̀ zu ka m̀ii ŋ̀âla-teƃelei kɔlɛ, kpɛ́ni fêi, maa waai a ŋánaa.

Levetekɔ 6:17

Dífe gbɛ̀tɛ a tɛ́-sɛŋ. Ŋa dɛ̀ɛ dípɔ a géreŋ sâla-sɛŋ díwɔ̂ mii. Gáa a sála sɛŋ maa waa kɛ́tɛ yɛ̂ɛ zɔnyɔ̂ŋ sala sɛŋ da mɛni kpa kuláa maa sala sɛŋ.

Levetekɔ 7:12

À kɛ̀ a sɛɣɛ-fei sala ƃé a gulâi, à kɛ̀ pâi a maa taa-tulɛi é bɛ́lɛ kpólo ma nyii tɛ́-sɛŋ fé zu, zumoɔɔ a ɔle-wúlɔ da kpólo kpala-ƃela ɔle-wulɔ siaa ma é pɛ́lɛ gbóloi ma nyii dí gbɛ̀tɛ a felaƃa fũa lɛ́lɛɛ zumoɔɔ a ɔle-wúlɔi.

Nɔŋba 6:15

É ŋɔ́nɔ sâla kula Yâwɛɛ ma a tɛ́-sɛŋ fé zu kpolo kpɔlɔ tɔnɔ, kpólo-ƃela kpaya-kpaya nyii-ŋai dí kpɛtɛ̂ɛi a felaƃa da wúlɔi, da kpólo ƃela fɛŋ-fɛŋ-ŋa nyii-ŋai tɛ́-sɛŋ fé dísui, dí wúlɔ sia dîa, é pɛ́lɛ mii-sɛŋ-sala ma da kpele-sɛŋ-sala ma.

Maafîu 26:38

Nya ƃe è mò dîa, ǹyɛɛi, “Sâa, maloŋ a toôi ŋámɔ̂leŋ ḿâ a ŋánaa. Ka lɛ̀ɛ ƃɛ́, kú kɛ́ a kúŋɛi kúfe nyii.”

Zɔ̂ŋ 12:27

“Ńii káa kɔ̂i ŋámɔ̂leŋ su. Le ƃe ŋa pâi m̀ôi? ‘Ńâŋ, ŋ́gula tãi ŋi su’? Kpao, mɛnii ŋi ƃe ŋá bá-kɛ̀ tãi ŋi su.

Zɔ̂ŋ 3:34

Kpɛ́ni fêi, ǹúui nyii Ɣâla e dɛ̀ɛi, a Ɣâla ŋɔwóoi ƃò, kpɛ́ni fêi, va Ŋɔmɔ̂leŋ da nɔ tɛ̀ɛ;

Ibulu 7:26

È kɛ̀ a mɛni lɛ́lɛɛ a gɛɛ fɛ̂ɛ sâla láa soŋ-nuu kɛ́ɛ ŋí é kɛ́ kúyêei, maa waa, zɔŋ fé mà, pɔ́ɔ fé mà, da sɔnyɔ̂ŋ-ƃela díŋa kɔlɛɛ, maa tɛɛ a gɛ́tɛ ŋelei mɛi.

Pitɛ Maa-ŋuŋ 2:1

Mɛni ma ka tée lii-ŋwana kélee ma da wôya-mɛni kélee. Ka kɛ́ a tɔ̃yâ-ƃela. Ka tée tólo ma da laa kara mɛni kélee.

Pitɛ Maa-ŋuŋ 2:22

Vé sɔnyɔ̂ŋ kɛ́ ní. Núu-pɛlɛ-woo da kélee máŋ fé kúla ní ǹá.