Levetekɔ 2:13 - Ŋ̀âla Kɔlɔ Maa Waai

¹³ Kpolo lîyeŋ pú m̀ii-sɛŋ sama-sãai kélee dîa. Ífe nɛ̀ɛ naa kpolo lîyeŋ nyii gáa a gbanaŋ-wooi ŋɔŋɛi kɛ́-maa ka Yâwɛɛ káloai, é kpɛ́ɛ ímii-sɛŋ sama-sãai dîa. Ímii-sɛŋ sama-sãai kélee kpɛtɛ a kpolo lîyeŋ.

Levetekɔ 2:13 ပူးပေါင်းရင်းမြစ်များ

Kɔlɔnikɔ Veerɛi 13:5

Káfe gɔ́lɔŋ a gɛ́ɛ Yâwɛɛ nyíi gáa a Eezuɛ Ŋɔɣâlai a wɔ́lɔ Eezuɛ-kaloŋ-laai ŋí tɛ́ɛ Deeƃé pɔ́ da ŋɔsuui wɔ́lɔ-wɔlɔ da wɔ́lɔ-wɔlɔ a kpânaŋ-woo nyíi gɔyaŋ fé mai?

Ɛzura 7:22

A nɛ̃ɛ ma kpîŋ é kɛ́ yɛ̂ɛ káne pãŋ wála lɔ́ɔlu mɛi feerɛ pôlu ŋuŋ lɔ́ɔlu (7,500), wîi pãŋ wála buu feerɛ kao feerɛ (22,000), ŋwãai sane wála feerɛ (2,000), ɔle-wulɔ sane wála feerɛ (2,000) kpaa máŋ kpolo-liyeŋ nyíi kélee a ŋ̀wɛ̂lii.

Ɛsedɔ 30:35

Dísumo a gîe yɛ̂ɛ berei wúru-ya kpɛtɛ-nuu a gɛ̀ lai. Í díkpɛtɛ a kéreŋ-sɛŋ kúŋ nɛ̃ɛ. Fɛ̂ɛ kpolo é kɛ́ zu, é kɛ́ a maa waa.

Izikiɛ 43:24

ká pá a dia ŋ́ɛi-tuɛ. À kɛ̀ tí, zâla láa-soŋ-ƃelai dí mii-kpolo kpɛ́mɛŋ dîa ká díkula a kéreŋ-sala ḿaa mɛni ma.

Nɔŋba 18:19

“Zama-sãa maa waai-ŋai kélee Eezuɛ-ŋai da dítɛ̀ɛ ḿbɔi, ŋa dítɛɛ ípɔ ka ílônii-sinaai da ílônii-nɛyãai wɔlɔ-wɔlɔ da wɔlɔ-wɔlɔ. Ŋákono-tee-wooi ŋí kpanaŋɔɔ̂i nyii ŋa gɛ̀ kayêei ka ísuui su-ƃelai kéleei.”

Maafîu 5:13

“Káa ƃa ǹɔii ŋɔkpolo-liyeŋ. Kɛ́lɛ, à kɛ̀ gbolo-liyeŋ à ǹíyeŋ làŋ, a pɔ̂ri gɛ̂i leŋ é ǹíyeŋ sɔlɔ ƃo pôlu? Vé ŋɔnɔ lɛlɛ ní sɛŋ da kélee mɛ̂ni ma, fɛ̂ɛ nɔ dí bili núu é ƃɔlɔŋ ma a gɔ́ɔ.

Kolasiɛŋ 4:6

Ká lono-woo é kɛ́ a ǹɛ́lɛɛ, ǹɛ̃ɛ núu wólii yɛ̂ɛ kpolo liyeŋ, a gɛ́ɛ ká berei kɔlɔŋ ka pɔ̂ri núu kélee ŋɔmare-kɛɛ su kulâi lai.