Levetekɔ 18:5 - Ŋ̀âla Kɔlɔ Maa Waai

⁵ Maa mɛni ma ka ŋátɔ̂ŋ-ŋai mai kâa ká mɛni-ŋai kɛ́ ŋa môi kâai. Ka pâi káfulu-laai maa kɔ̃ɔi a m̀ɛni-ŋai ŋí kɛ́ɛ. Ńyãa ƃa Yâwɛɛ.”

Levetekɔ 18:5 ပူးပေါင်းရင်းမြစ်များ

Niɛmaya 9:29

Í ínûai lia-woo ƃò a gɛɛ dí díyee sée pôlu ítɔ̂ŋ-ŋai mu. Kɛ́lɛ díwolii kpɔ̂lɔ kɛ̀. Dífe díyee see ní dímu. Ǹúu-kpune mɛi káa tɔŋ-ŋai í dɛ̀ɛ dípɔ a gɛɛ dí kɛ́ sia a dia díkɛ̀ ɣéniɛi sui, dí díyee kùla dímu. Dí kɛ̀ nɔ́ sɔnyɔ̂ŋ kɛ̂i.

Ɛsedɔ 6:2

Ɣâla è mò Mose ma ǹyɛɛi, “Ńyãa ƃa Yâwɛɛ.

Ɛsedɔ 6:29

è mò mà ǹyɛɛi, “Ńyãa ƃa Yâwɛɛ. Mɛnii kélee ŋa pâi môi yâi, m̀ó Ize kaloŋ ma.”

Ɛsedɔ 6:6

Mɛni ma, m̀ó Eezuɛ-ŋai dîa yɛ̂ɛi, ‘Ńyãa ƃa Yâwɛɛ. Ŋa pâi kákulâi mɛni-solii su nyii Ize-ŋai da dɛɛ̂i kápɔi. Ŋa pâi kákulâi díyêei ǹuɛ-laai su. Ŋa pâi ŋáwala-wala-yeei sãai mɛni ŋá-teɛɛ su ŋá kákùla díyêei.

Azaya 55:3

“Ŋánûa, ka káwoli tɔ́ɔ ḿâ, ká pá ḿbɔ. Kà pà ḿbɔ, ka pâi lɛɛ̂i ɣele ma. Ŋa pâi wɔ́lɔ-wɔlɔ da wɔ́lɔ-wɔlɔ kpanaŋ-woo kɛ̂i káyêei. Ŋa pâi lûwa lâai kâa yɛ̂ɛ berei ŋá wɔ́lɔ ŋ́gono tèe la Deeƃé yêei, a ŋáwɔlɔ-wɔlɔ da wɔ́lɔ-wɔlɔ wɛli kɛ́-maai.

Izikiɛ 18:9

gɛ ŋá tɔ̂ŋ mɛi kâa, gɛ sia a ŋatɔ̂ŋ lá-woo. M̀aa ǹúui tí káa a teniŋ ƃo nuu vé pâi saâi.” Ńyãai a Ŋ̀wála-wâla kélee Yâwɛɛi, ńyãa ƃe mò tí.

Izikiɛ 20:11

Ŋá ŋátɔ̂ŋ da ŋásɛŋ-lɛ́ɛi lɛ́ dîa, a gɛɛ da m̀ɛi káa dí lɛ́ɛ ɣele ma.

Izikiɛ 20:13

Kɛ́lɛ tãi ŋá pá la a dîa ǹɔii pûŋ sui, dítɔ̀ɔ ma. Dí ŋátɔ̂ŋ ŋai kara dí dípôlu tɔɔ ŋá sɛŋ-lɛɛi mâ nyii a pá a fulu-laa núu kélee pɔi. Nya ƃe dí ŋáfii-tɔɔ ɣelei maa tĩa kara kpɔ́ a zu kɛtɛ. Ŋá kɛ́ ŋ̀wɛli a gɛɛ ŋá ńii ŋwana kpɔ́ dîa a ŋ̀ánaa

Izikiɛ 20:21

“Kɛ́lɛ ǹîa-pɛlɛɛ-ŋai dîa máŋ dítɔɔ ma. Dífe sia ni a ŋátɔ̂ŋ lá woo nyii a fulu-lâa tɛɛ diai pɔ́ da m̀ɛi káai. Dífe dí mɛi káa ni. Dí Ŋáfii-tɔɔ ɣelei maa-tĩa kara. Ŋá gbɛ̀tɛ a gɛɛ ŋá ńii ŋ́wana dîa vɛ̃ɛ-kpâlaŋ su.

Levetekɔ 18:6

“Káta kélee fé lɔ-pɔ̂rɔŋ kɛ̀ a gáa-yɔɔ. Ńyãa ƃa Yâwɛɛ.

Malakai 3:6

“Ńyãa ƃa Yâwɛɛ, fá ḿaa fâleŋ. M̀ɛni ma káai a Zeeka Ŋɔkáayɔɔ-ŋai, káŋuŋ la fé niî kpɛɛ ní a pilíɛɛ.

Maafîu 19:17

Nya ƃe Zîsɛ è mò ma, ǹyɛɛi, “Íkaa ḿarê kɛ̂i mɛni lɛ́lɛɛ mɛni ma le-mɛni ma? Ɣâla nɔ́ ƃe ǹɛ́lɛɛ̂i. Kɛ́lɛ, à kɛ̀ ya ŋ̀wɛ̂lii í wɔ́lɔ-wɔlɔ fulu-laa sɔlɔ ƃô, gɛ̀ ní dɔ̂ŋ-ŋai mɛi káa.”

Lûu 10:28

E mò ma, ǹyɛɛi, “Yâa zu too a zã́a; nyiŋi kɛ́, gɛ̀ ní, ya pâi fulu-laa kâai.”

Lomaŋ 10:5

Mose a kɔlɔ pɔ̃yɛ a gɛ́ɛ ǹúui nyíi a dɔ̃yâ-laai maa kɔri nyíi a kûla dɔ̂ŋ sui maa-nuui a pâi fulu-laa sɔlɔ ƃôi.

Lomaŋ 7:10

dɔ̂ŋ tɔnɔi nyíi gono tèe a gɛ́ɛ e fulu-laa tɛɛ núu-kpune pɔi, e saa tɛ̀ɛ ḿbɔ.

Galesiɛŋ 3:12

Kɛ́lɛ, dɔ̂ŋ kɔ́ɔ fa tɔɔ laa-la ma, kpɛ́ni fêi, “Ǹúui nyíi a dɔ̂ŋ ŋ̀asee kɛ̂i a pâi ŋɔfúlu-laai kɛ̂i dɔ̂ŋ sarâi.”

Dutɛrɔnome 30:20

Ka Káɣâlai Yâwɛɛ wɛ́li, ka ŋ̀óo mɛni, ka tɔ̃yâ mɛni kɛ́. Ka gɛ̀ tí, gɛ̀ ní a pâi gɛ̂i kánîa-pɛlɛɛi dí kɛ́-ɣeniɛ kɛ́ ǹɔii ma è dɛ̀ɛ kánâŋ-ni Eberaɣɛ̃ɛ, Aise da Zeeka pɔ́i.”

Dutɛrɔnome 30:6

A pâi gɛ̂i ká kɛ́ ƃò nɔ́ ǹɔii ma ka ŋ̀óo mɛni ka ŋ̀wɛlii.

Dutɛrɔnome 4:1

Mose è mò ǹûai dîa ǹyɛɛi, “Ka káwoli tɔ́ɔ dɔ̂ŋ-ŋai ŋí dîa ŋa pá ŋ̀á lɛ̂i kâai. Ka dímɛi káa a gɛɛ ká lɛɛ ɣele ma ká seri ǹɔii su Káɣâlai Yâwɛɛ a dɛɛ̂i kápɔi.