Levetekɔ 16:2 - Ŋ̀âla Kɔlɔ Maa Waai

² È mò Mose ma ǹyɛɛi, “M̀ó ílîa Eelɔŋ ma a gɛɛ vé pà nɔ́ Gwaa Maa Waai ma nyii zeɣe belai káa sɛlɛnii naa ŋɛ́i tuɛ maloŋ kaa see-sɛŋ ŋɛ́i-tuɛ, nyii gáa see-ni gono-tee gâlai mɛi. Da pâi yenîi maloŋ kaa see-sɛŋ ŋí mai ŋ̀ele kɔlɔŋ kolei su. À gɛ̀ tí a pâi saâi.

Levetekɔ 16:2 ပူးပေါင်းရင်းမြစ်များ

Kâloŋ Maa-ŋuŋ 6:16

È loŋpo tèe Ŋ̀âla-pɛrɛ Kɛ́tɛi mu gbóŋ ŋá-pere nyíi ŋɔsu-kɛ̂tɛ è kɛ̀ a núu kɔ́ɔ pîlanii buu saaƃa m̀éla kélee ma a sîda ƃela-ŋa. É síɣe Ŋ̀âla-pɛrɛ Kɛ́tɛi kaŋ pîlanii é tɛ́ ŋ̀elei-pere, è kɛ̀ a loŋpoi zu-pere-ŋɔɔ Ŋ̀âla-pɛrɛ Kɛ́tɛi mu, Gwaa Maa waai ŋɔkwaa maa waai ma.

Kâloŋ Maa-ŋuŋ 8:6

Zâla-laa soŋ-ƃelai dí pà a Yâwɛɛ ŋɔkpanaŋ-woo-kɛ́ɛ Gãlai Ŋ̀âla-pɛrɛ Kɛ́tɛi ŋɔloŋpoi zu-pere ŋɔi su, gwaa maa waai ŋɔkwaa maa waai ma, dí zee goôŋ sãai koôŋ mu.

Ɛsedɔ 30:10

Eelɔŋ é sɔnyɔ̂ŋ su-mɛni lɛɛ sâla kula géreŋ-sɛŋ kúŋ nɛ̃ɛ kéreŋ ɣâla-teƃelei ŋɔƃeɣêŋ-ŋai dîa tɔnɔ a kóraŋ kélee. Zuai è zɔnyɔ̂ŋ su-mɛni lɛɛ salai kùla lai, fɛ̂ɛ é ŋãa sía ƃeɣêŋ-ŋai dîa tɔnɔ a kóraŋ kélee. Ka gɛ́ tí a kóraŋ kélee káfulu-laai su da kásuui. Maa waâi ŋɛ́i.”

Levetekɔ 16:13

Eelɔŋ a pâi géreŋ sɛŋ kúŋ nɛ̃ɛi pûi ŋ̀ɔŋ ŋá Yâwɛɛ ŋɛ́i-tuɛ a gɛɛ ǹurui é Gono-tee Gãlai perêi kpíni a gɛɛ vâa lá saa la.

Levetekɔ 16:34

Dɔ̂ŋ ŋí káa dímɛni ma. Fɛ̂ɛ dím̀ɛi káa wɔlɔ-wɔlɔ da wɔlɔ-wɔlɔ. Fɛ̂ɛ dí zâlai ŋí kúla kóraŋ ma tɔnɔɔ Eezuɛ-ŋai kélee dísɔnyɔ̂ŋ, su mɛni lɛ̀ɛ mɛni ma.” Eelɔŋ è m̀ɛnii kélee kɛ̀ yɛ̂ɛ berei Yâwɛɛ è m̀o la Mose mai.

Levetekɔ 23:27

“Ŋ̀áloŋ ǹɔ́ɔlu mɛi feerɛ ɣelei káa a sɔnyɔ̂ŋ su mɛni lɛɛ ɣele. Ka kákpîŋ maa waa ká káŋaa tɛ́ gîe ma ka kéreŋ sala kula ńyãa Yâwɛɛ ma.

Levetekɔ 8:35

Ka lɛɛ Yâwɛɛ ŋɔpɛ́rɛi lá a fólo lɔ́ɔlu mɛi feerɛ da kpíni lɔ́ɔlu mɛi feerɛ, ka kɛ́ mɛnii kɛ̀ nyìi Yâwɛɛ è mòi. A wàla kɛ́ tí, ka pâi sâai. Bere ƃe Yâwɛɛ è mò la ḿâ.”

Nɔŋba 17:10

Nya ƃe Yâwɛɛ è mò Mose mà ǹyɛɛi, “Eelɔŋ ŋɔsia-wûrii láa pôlu gbanaŋ-woo kɛ́ɛ maa-gãlai kɔlɛ a gɛɛ é kɛ́ naa a ŋɛi-kɛ-maa dɔɔ-maa-ƃelai mɛni ma a gɛɛ dí kpéra díŋuŋ-su-woo sáa ma dífa lâa saa la.”

Nɔŋba 18:7

Kɛ́lɛ ka ílônii nɔ́ ƃé ká zâla-laa-soŋ tii-ŋai kélee kɛ́ nyii-ŋai díkaa ŋ̀âla-teƃelei mɛni ma da Gwaa Maa Waai Ŋɔkwaa Maa Waai mai. Ŋa kásâla laa soŋ-tii tɛ́ɛ kápɔ a sama-sɛŋ. Ǹyaŋ núu da kpɛ́ni à lɛ̀ɣɛ naa, a pâi saâi.”

Nɔŋba 4:19

À kɛ̀ da lɛ̀ɣɛ gwaa maa waai kɔlɛ, mɛnii ka pɔ̂ri gɛ̂i a gɛɛ dífe sàai ǹya ká. Fɛ̂ɛ Eelɔŋ da ǹônii-sinaai dí lɔ́ Zua kɔlɔ seɣe pɛrɛ maa waai mu dí dítii-ŋai lɛ́ dîa tɛi-tɛi da gbîri-ŋai dí dísiɣei.

Nɔŋba 4:5

“Dí lɛ́ɛ pâi kolônii fɛ̂ɛ Eelɔŋ da ǹônii-sinaai dí lɔ́ Zua kɔlɔ seɣe pɛrɛ maa waai mu dí Gwaa Maa Waai da Gwaa Maa Ŋɔkwaa Maa Waai loai seɣei síɣe dí bɛlɛ gbanaŋ-woo-kɛɛi maa-gãlai mɛi.

Maafîu 27:51

Nya ƃe Ŋ̀âla-pɛrɛ Kɛ́tɛi mu-seɣei sú è ƃèla a ḿela feerɛ é síɣe ŋ̀uŋ-tuɛ é yéŋ gwara. Ǹɔii è kpɛ̀liŋ. Gɔni-ŋai dí ƃela.

Ibulu 6:19

Gili-kɛ-zui ŋí káa yɛ̂ɛ kúmɔlêŋ soŋ-kɔli kpanaŋɔɔ a tɔ̃yâ. Gáa a gili-kɛ-zui nyíi a lɔ̂ pɔ̂rɔŋ é tɛ́ɛ zeɣe sɛ̂lɛŋɔɔ pôlu,

Ibulu 9:25

Vé lì ní Ɣâla-taa a gɛɛ é gbîŋ tɛ̀ɛ a tãi támaa, yɛ̂ɛ berei zâla láa soŋ-nuu kɛ́tɛi è lɔ̀ la Gwaa Maa Waai ma a kóraŋ kélee a ŋãa nyíi vé kɛ́ ní a gbîŋ ŋãai.

Ibulu 9:3

Loŋpoi-la-seɣei veerɛi pôlu loŋpoi su-pere ŋɔi káa naa da dòli a Gwaa Maa Waai Ŋɔkwaa Maa Waai.

Ibulu 9:5

Gãlai mɛi-pere goôŋ-sãa dí kɛ̀ naa, nyii-ŋai kɛ̂ a Ɣâla ŋɔŋɛ́i-kɛ-maa, díkɛ fólo. Díkoôŋ è gãlai mɛi-pere mɛi pɛlɛ. Ǹyaŋ kúfa pɔ̂ri mɛni támaa ƃoi é pîlaŋ nâa mɛni-ŋai ŋí dîa.

M̀ɛni-lɛɛi 15:8

Ŋ̀âla-pɛrɛi è kɛ̀ kpɔ́ a ǹaa fɛ́ɛ a luru nyii kɛ̀ kulâi Ɣâla ŋɔfólo-laai da ŋɔwála-wâla-laai sui. Núu da fé kɛ́ ní pɔ̂ri lɔ̂i Ŋ̀âla-pɛrɛ Kɛ́tɛi mu é lɛ́ɛ la zu Ŋ̀âla-taa kela lɔ́ɔlu mɛi feerɛi dímɛni-kpɔ̂lu sii lɔ́ɔlu mɛi feerɛi é kpɛ́ɛ.