Levetekɔ 14:3 - Ŋ̀âla Kɔlɔ Maa Waai

³ Zâla láa soŋ nuui a pâi maa nuui kulâi m̀ûui su é lí la é maa kpɛɛ, a kɛ̀ gɔlɔ-felai a ƃálo.

Levetekɔ 14:3 ပူးပေါင်းရင်းမြစ်များ

Kâloŋ Veerɛi 5:14

Nya ƃe Neema è lì é tóo Zɔdiŋ Ya-leei su gîei lɔ́ɔlu mɛi feerɛ, yɛ̂ɛ berei Ŋ̀âla-naloŋ è mò la mài. È ƃàlo ŋɔkpono ma kɔlɔ-fela nyɔ́mɔɔi yêei, gɔlɔ ma é kɛ́ nɛ̃ɛ-nɛ̃ɛ yɛ̂ɛ lôloŋ.

Kâloŋ Veerɛi 5:3

Ɣele tɔnɔ da nɛnî-looi è mò ŋɔmɛi-nuui ma ǹyɛɛi, “Ŋa ŋ̀wɛ̂lii kpɔ́ a gɛɛ ŋánuu-namui é lí é Ɣâla ŋɔlóno-kɛ-nuui káa nyii gáa Sameriai. A pɔri ma é m̀álo ŋɔkpono-ma kɔlɔ-fela nyɔ́mɔɔi yêei.”

Zôo 5:18

Ɣâla a núu ŋwàna, é maa palai tí sále. A mɛni ŋánaa kɛ̀ a núu é maa nuui tí ƃálo.

Ɛsedɔ 15:26

Ǹyɛɛ diai, “À kɛ̀ kà ŋ̀óo mɛ̀ni kpɔ́ a ǹɛ́lɛɛ ńyãa Yâwɛɛ Káɣâlai, ka mɛni-ŋai kɛ́ ŋá ŋ̀wɛ̂lii ká gɛ́i ká ŋátɔ̂ŋ-ŋai kélee mɛi káa, gɛ̀ ní fé pâi tɔ̂ŋ kpɛ̂i kâa a gɔlɔ-fela sîi ŋai ŋá dɛ̀ɛ Ize-ŋai mɛni mai. Ńyãa ƃa Yâwɛɛ nyii káƃaloi.”

Levetekɔ 13:2

à kɛ̀ pala a tèe núu da ḿâ kpaa máŋ mũa kɛ́ tɔ̂ɔ ma, kpaa máŋ gɔlɔ ma kɛ́ kpɔlu-kpɔlu, fɛ̂ɛ dí pá a maa nuui Eelɔŋ pɔ́ kpaa máŋ Eelɔŋ ǹóŋ dɔnɔ nyii gáa a zála láa soŋ nuui dɔnɔi.

Levetekɔ 13:46

Maa nuui maa fé pâi kɛ̂i a ŋ̀wáa tãi nɔ́ gɔlɔ-felai ŋí káa la m̀ai. Vé kɛ̀ m̀ûui su kpaa máŋ m̀arâai sáma.

Levetekɔ 14:48

“Kɛ́lɛ à kɛ̀ zâla láa soŋ nuui a pà é bɛ́rɛi maa kpɛ́ɛ é gáa a gɛɛ bûŋ fé naa bɛ́rɛi siaa pôlu ma, gɛ̀ ní a pâi môi a gɛɛ bɛ́rɛi maa waâi, kpɛ́ni fêi, bûŋ aâ kpɛ̀ɛ.

Maafîu 10:8

Ka kɔlɔ-fela-ƃela ƃálo, ká saa-ƃela mu siɣe saa yêei, ka gbôdo-ƃela ƃálo, ká nyînaŋ nyɔ́mɔɔ-ŋa kpɛ́. Berei ká zɔlɔ ƃô la kpɛni-kpɛni, ka dɛɛ nɔ́ tí kpɛni-kpɛni.

Maafîu 11:5

Ŋ̀ɛi-pu-ƃelai ŋɛ́i láa káa ƃôi. Gɔɔ-pu-ƃelai díkɛ sia. Gbôdo-ƃelai díkɛ ƃalo. Ŋ̀oli-tínîŋ-ƃelai díkɛ mɛni mɛ̂ni. Zaa-ƃelai da dímu siɣe saa yêei, díkɛ Duŋ Lɛ́lɛɛi ƃo gôlo-ƃelai dîa.

Lûu 4:27

Gbôdo-ƃela támaa dí kɛ̀ Eezuɛ-lɔii su Ɣâla ŋɔlóno-kɛ-nuui Ilasa ŋɔtãi ma. Kɛ́lɛ, díta tɔnɔ fé ƃalo ni fɛ̂ɛ Siria-naloŋ Neemaŋ.”

Lûu 7:22

Nya ƃe e díwoo su tòo, ǹyɛɛi, “Ka lí, ka mɛni-ŋai ƃó Zɔ̂ŋ ma ka gáa ka mɛnii, ŋɛi-pu-ƃelai ŋɛi lá káa ƃôi, gɔɔ-pu-ƃelai díkɛ sia, gbôdo-ƃelai díkɛ ƃalo, ŋ̀oli-tîníŋ-ƃelai díkɛ mɛni mɛ̂ni, zaa-ƃelai da dímu siɣe saa yêei, díkɛ Duŋ Lɛ́lɛɛi ƃo gôlo-ƃelai dîa.