Levetekɔ 12:3 - Ŋ̀âla Kɔlɔ Maa Waai

³ Ka ǹóloŋ kpɛtɛ a vóloi ǹɔ́ɔlu mɛi saaƃa ɣelei.

Levetekɔ 12:3 ပူးပေါင်းရင်းမြစ်များ

Ɛsedɔ 22:30

Fɛ̂ɛ í íniŋa-ŋai da íƃala-ŋai dílônii maa-ŋuŋ sirɛ-ŋai tɛ́ɛ ḿbɔ bere-sîi tí su. Dí lɛ́ɛ dílee-ni dîa a fólo lɔ́ɔlu mɛi feerɛ, mɛi saaƃa-ɣelei í dítɛɛ ḿbɔ.

Levetekɔ 12:4

Gɛ̀ ní é maa kpɛ̂ŋ kɛ́ a fólo buu saaƃa káo saaƃa é lɛ́ɛ pâi kɛ̂i a maa waa ŋãai mɛni ma nyii kùla gbonoi. Vé tela lɛ̀ɣɛ sɛŋ da ma nyii maa waai kpaa máŋ é lí Yâwɛɛ Ŋɔpɛ́rɛ maa waai mu é lɛ́ɛ la zu ŋ̀ele kûu-ŋai ŋí dí tɛ́ɛ.

Levetekɔ 15:3

Dɔ̂ŋ ká ŋí bîlaŋɔɔi maa nuui maa waa mɛni mai, a nɛ̃ɛ ma ǹyái é kpera kpaa máŋ gɛ́ kùla nɔ́ niî gbonôi, maa fé waa ní.

Lûu 1:59

Nya ƃe e kɛ̀ ti, ŋelei nɔɔlu mɛi saaƃa-ɣelei dí pà a ǹôloŋ a gɛɛ dí gbɛtɛ. Nya ƃe dîi pɔ̂ri ǹâŋ Zɛkɛraya láa seêi ma,

Lûu 2:21

Ǹyaŋ, tãi ɣele-kuu lɔ́ɔlu mɛi saaƃa e tɛ̀ɛ, díkɛɛ da kpɛɛ a gbɛ̀tɛɛ̂i, dí ǹáa sèe a Zîsɛ, ǹáai Ŋ̀âla-taa-kelai e zèe ma maa-koo e lɛɛ pâi kɛ̂i ǹee mai.

Zia-ƃelai Kɛ́-mɛni-ŋai 15:1

Sinâa da-ŋa dí kùla Zuda dí pá Ɛŋtiɔ dí sɛŋ lɛ́ díƃarâai dîa. Dí mò dîa dîyɛɛ, “Fɛ̂ɛ dí kásee kpono mâ Mose ŋɔtɔ̂ŋ lá-wooi ma. À wàla kɛ́ tí, káfe pâi ƃâloi.”

Lomaŋ 3:19

Kú gɔ́lɔŋ a gɛ́ɛ m̀ɛnii kélee bɔ̃yɛɛ̂i dɔ̂ŋ sui gáa nɔ́ diai mɛni ma díkaa dɔ̂ŋ mui. Dɔ̂ŋ a m̀ɛni-ŋai ŋí ƃò a gɛ́ɛ é núu kpera káfalo kɛ̂i, a gɛ́ɛ é ǹɛɛ naa Ɣâla é ǹɛ́ a gɛ́ɛ ŋ̀éniɛi su-ƃelai da sɔnyɔ̂ŋ kɛ́.

Galesiɛŋ 3:17

Zu-kulâi ƃa dɔ̂ŋ nyíi pà kóraŋ ŋuŋ náaŋ pôlu buu saaƃa (430) yée mui, va pɔ̂ri ŋ̀óoi kperâi Ɣâla è mò nàa tuɛi, a gɛ́ɛ ŋɔkono-teei é kɛ́ kpɛni-kpɛni.

Galesiɛŋ 5:3

Ŋá m̀ó ŋɔ́nɔ diai kélee dîa dí díyee sèe núu-seɛɛ kpono mâ mɛni mui a gɛ́ɛ fɛ̀ɛ dí dɔ̂ŋ kélee mɛi káa.

Dutɛrɔnome 30:6

A pâi gɛ̂i ká kɛ́ ƃò nɔ́ ǹɔii ma ka ŋ̀óo mɛni ka ŋ̀wɛlii.

Felepiɛŋ 3:5

Ŋ́gaa a Eezuɛ-nuu, ŋ́gɛ ƃo a Bɛŋsima ŋɔsuui su-nuu da. Dí ńzee kpono mâ a tãi ŋá kɛ̀ la a fólo lɔ́ɔlu mɛi saaƃai. Ŋ́gaa a Ibulu-nuu nyíi Ibulu-ŋa dí zɔlɔ ƃoi. À kɛ̀ a dɔ̂ŋ su-pere, ŋ́gaa a Faresii-nuu.

Kolasiɛŋ 2:11

Dí kásee kpono mâ máŋ gbonôi. Ǹyaŋ dífe kásee-ní kpono mâ a díyee. Kɛ́lɛ, Kôrai è kásee kpono mâ a kákpîŋ-tua-pere-nyɔŋ kúlaa kâa.