“M̀ó Eezuɛ-ŋai dîa, à kɛ̀ nɛnî maa a fùloŋ, ǹóloŋ kɛ́ ƃô a surɔ̂ŋ loo, maa nɛnii maa fé pâi kɛ̂i a ŋ̀wáa fólo lɔ́ɔlu mɛi feerɛ yée mu yɛ̂ɛ berei a kɛ̀ la tãi a kɛ̀ ǹyée ŋá waâi lai.
Kpaa máŋ à kɛ̀ núu da a lɛ̀ɣɛ núu kponôi sɛŋ da ma nyii maa liƃiɛɛ̂i Yâwɛɛ ŋɛ́i, berei máŋ è lɛ̀ɣɛ la ma dɛ̂i perei, tãi nɔ́ maa nuui a gɔ̀lɔŋ lai, gɛ̀ ní a sɔnyɔ̂ŋ kɛ́.
À kɛ̀ núu a lɛ̀ɣɛ sɛŋ da ḿâ nyii m̀aa fé waa níi, é máŋ kɛ́ a, núu, fɛnɛ-sɛŋ, kpaa máŋ sɛŋ da kélee nyii maa fé waa nîi, é Yâwɛɛ ŋɔlii-see sala-sɛŋ ŋí zua da m̀ii, maa ǹúui tí fé pâi wɔ́lɔ kɛ̂i a Ɣâla ŋɔnûai da.
