Levetekɔ 10:2 - Ŋ̀âla Kɔlɔ Maa Waai

² Ǹyaŋ Yâwɛɛ è ŋɔŋ tɛ̀ɛ é díkereŋ dí sàa kpɔ́ nɔ́ naa Yâwɛɛ ŋɛ́i-tuɛ.

Levetekɔ 10:2 ပူးပေါင်းရင်းမြစ်များ

Samia Veerɛi 6:7

Yâwɛɛ è ǹíi ŋwàna ma é bàa kpɔ́ nɔ́ ŋ̀áa ma, kpɛ́ni fêi, è ǹyée lɛ̀ɣɛ Gbanaŋ-woo-kɛɛ maa gãlai ma. È bàa naa gãlai kɔlɛ.

Kâloŋ Maa-ŋuŋ 13:28

Nya ƃe è lì é bomai káa toôni bere-lêei ma, ŋ̀wɛlɛ-sôoi da ǹyala-sului dí kɛ́ ƃò tɔ̂ɔni gɔlɛ. Ǹyala-sului fé bomai mii ní kpaa máŋ é ŋ̀wɛlɛ-sôoi páa.

Kâloŋ Maa-ŋuŋ 18:38

Nya ƃe Yâwɛɛ ŋɔŋɔŋ è kùla ŋ̀elei su é tóo, é zâla-sɛŋ kéreŋ gɔi da gɔni-ŋai é tóo ǹɔii ma è ǹyái kpála nyíi kɛ̀ a dínaŋɔɔ ŋ̀âla-teƃelei mai.

Kâloŋ Veerɛi 1:10

Ilaiza è gɔ-kuluƃa-ŋai mɛi-nuui wóo su tòo ǹyɛɛ mai, “À kɛ̀ ŋ́gaa a Ɣâla-naloŋ, ŋɔŋ é kúla Ɣâla-taa é tóo yâ ka íkɔ-kuluƃa buu lɔ́ɔlui é ká kéreŋ.” Nya ƃe ŋɔŋ è kùla Ɣâla-taa, é tóo gɔ-kuluƃa-ŋai mɛi-nuui ma da ŋɔkpakolo-ŋai dîa é dí kéreŋ.

Kâloŋ Veerɛi 1:12

Ilaiza è zu tòo, “À kɛ̀ ŋ́gaa a Ɣâla-naloŋ, ŋɔŋ é kúla Ɣâla-taa é tóo yâ ka í kpakolo-ŋai é kákereŋ!” Nya ƃe ŋɔŋ è kùla Ɣâla-taa é tóo gɔkuluƃa-ŋai mɛi-nuui ma da ŋɔkpakolo-ŋai é díkereŋ.

Kɔlɔnikɔ Maa-ŋuŋ 13:10

È kɛ̀ nɔ́ tí, Yâwɛɛ é ǹíi ŋwàna ma é bàa ŋ̀áa ma, kpɛ́ni fêi, è ǹyée pɛ̀lɛ Gãlai ma. È sàa naa Ɣâla ŋɛ́i-tuɛ.

Kɔlɔnikɔ Maa-ŋuŋ 15:13

Káfe kɛ́ ní naa a m̀aa-ŋuŋ ká ziɣe ǹya ƃé gɛ̀ Kúɣâlai Yâwɛɛ kɛ́ ǹíi ŋwàna kûa. Kúfe m̀arê kɛ́ ní a gɛ́ɛ é berei lɛ́ kûa kwa pɔ̂ri vɛlîi lai.”

Kɔlɔnikɔ Maa-ŋuŋ 24:2

Kɛ́lɛ Nada da Abiu dí sàa dínaŋ é lɛ́ɛ pâi saâi. Dífe núu-kpune maa sɔlɔ ƃó ní dílɛɛ pâi saâi. Ilieza da Itama nɔ́ ƃé lɛ̀ɛ a zâla-laa soŋ-ƃelai.

Zôo 1:16

È lɛ̀ɛ nɔ́ pâi ŋ̀óo-ŋuŋ lâai gélai dɔnɔ kɛ́ ŋɔ́nɔ pà ǹyɛɛ mai, “Ŋ̀ele-gbana è tòo kpɔ́ kûa é m̀ála-ŋai da dímɛi káa-ƃelai kélee kpúŋ páa, ńyãa tɔnɔ nɔ́ ƃé lɛ̀ɛ a gɛɛ ŋá pá ŋá mó yâ!”

Wule-woo-ŋa 50:3

Kúɣâlai fé m̀ɛi saa ní gɛ́ pà. Ŋɔŋ sôŋ kɛ́tɛ káa dúɛ gɛ́ pà. Fãa kɛ́tɛ tínaŋɔ̂ɔi m̀a.

Ɛsedɔ 24:1

Yâwɛɛ è mò Mose ma ǹyɛɛi, “Ka Eelɔŋ, Nada da Abiu ka pá ḿbɔ ǹyéei ma. Ka Eezuɛ nuu-pɔlɔ-ŋai buu lɔ́ɔlu mɛi feerɛ síɣe ka dia-ni ká pá ká tɔ́ɔ kwaa kôyaa ma ká ḿvɛli.

Azaya 30:33

Asiria lɔii láa túɛ-nuui kéreŋ kwaa ma kpɛtɛ̂ɛi kóraŋ támaa tɛɛ pôlu ma. Gáa a lóa su-kɛ́tɛ kpóŋ kôyaa, kɔi kɛ́ ƃò ǹaa fɛ́ɛ. Yâwɛɛ a pâi ǹaa fɛ̂ɛi a ǹɛwo, ŋɔŋ su-kɛ́tɛ é tée naa yɛ̂ɛ súluŋ su ŋɔŋ.

Levetekɔ 10:5

Nya ƃe dí pà dí buma-ŋai lɛ́ɛ nɔ́ díseɣe-ŋai su kɛ̀ dîa dí kɛ́ saai, dí lí a dîa dí díkula m̀ûui su yɛ̂ɛ berei Mose è mò lai.

Levetekɔ 16:1

Yâwɛɛ è lòno Mose pɔ́ Eelɔŋ ǹônii veerɛi saâ pôlu ma nyii-ŋai pà a ŋɔŋ Yâwɛɛ ŋɛ́i-tuɛ nyii maa fé kɛ́ ní a ŋ̀waâi.

Levetekɔ 9:24

Nya ƃe ŋɔŋ è kùla Yâwɛɛ yêei é zama-sɛŋ kéreŋ da zua wulɔi nyii kɛ̀ teƃelei ŋái. Ǹyaŋ tãi ǹûai dí m̀ɛnii ŋí naa kàa lai, dí làɣi a zu kɛ́tɛ, dí díŋuŋ maa pîlaŋ ǹɔii ma.

Nɔŋba 16:35

Nya ƃe ŋɔŋ è kùla Yâwɛɛ yêei é núu ŋuŋ feerɛ pôlu buu lɔ́ɔlu (250) su kara nyii-ŋai kɛ̀ géreŋ-sɛŋ kúŋ-nɛ̃ɛi tɛɛ̂i.

Nɔŋba 16:49

Diai zaa-kɔlɔ-felai è dípàai, dí kɛ̀ a núu wála puu kao náaŋ pôlu ŋuŋ lɔ́ɔlu mɛi-feerɛ (14,700) é kúla diai pôlu sàa Koa lá-sɔŋ sui dîa.

Nɔŋba 26:61

Nada da Abiu dí sàa tãi dí géreŋ sala-ŋɔŋ tɛ̀ɛ la Yâwɛɛ pɔ́ nyii vé kɛ́ ní a maa waai.

Zia-ƃelai Kɛ́-mɛni-ŋai 5:10

È kɛ̀ kpɔ́ tí ǹɛnîi é tóo gɔ́ɔ mu a naa m̀aa félaa é sáa. Nya ƃe ǹyaŋkpa-ŋai dí lɔ̀ dí bomai káa dí ziɣe dí lí la dí nòo ŋɔsurɔ̂ŋ kɔlɛ.

Zia-ƃelai Kɛ́-mɛni-ŋai 5:5

Ŋ̀óo-ŋai ŋí mɛniɛɛ Ananaya mii, è tòo é sáa. Yao kɛ́tɛ è pà kpɔ́ ǹúui kélee kponôi m̀ɛnii ŋí mɛnii.

Kɔleŋtiɛŋ Maa-ŋuŋ 10:11

Ǹyaŋ mɛni-ŋai ŋí dí kɛ̀ a dia a gɛ́ɛ é kɛ́ a mɛni kɔɔŋ-maa. Kɛ́lɛ, dí dípɔ̃yɛ̂ kútare tɔɔ mɛni ma, kúai ŋ̀éniɛi gbɛɛ-ŋai a pâi kúpɔi.

Samia Maa-ŋuŋ 6:19

Ǹuu-namui Ɣâla è Bɛɛsimɛɛ sinaa buu-lɔ́ɔlu mɛi-feerɛ pàa, kpɛ́ni fêi, dí Ǹuu-namui Ŋɔkono-tee Gãlai su kàa. Malôŋ támaa è tòo Bɛɛsimɛɛ-ƃelai dîa, kpɛ́ni fêi, Ǹuu-namui è núu támaa pàa dísama.